Heydər Əliyev
yeni azerbaycan logo

Ana səhifə / Sosial / KİVDF-nin keçirdiyi fərdi jurnalist yazıları müsabiqəsinin nəticələri təsdiq edilib

KİVDF-nin keçirdiyi fərdi jurnalist yazıları müsabiqəsinin nəticələri təsdiq edilib

22.07.2014 [09:26]

İyulun 18-də Azərbaycan Respublikası Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun Müşahidə Şurasının növbəti iclası keçirilib.
İclası giriş sözü ilə açan Fondun Müşahidə Şurasının sədr müavini Vüqar Rəhimzadə bildirib ki, iclasın gündəliyində bir məsələ - Azərbaycan milli mətbuatının yaranmasının 139-cu ildönümü ilə əlaqədar keçirilmiş fərdi jurnalist yazıları müsabiqəsinin nəticələrinin müzakirəsi dayanır.
Fondun icraçı direktoru Vüqar Səfərli gündəlikdə dayanan məsələ ilə bağlı geniş məlumat verərək bildirib ki, müsabiqə 2014-cü il mayın 20-dən iyulun 10-dək on istiqamət üzrə keçirilib. Müsabiqəyə 66 kütləvi informasiya vasitəsindən 116 yazı təqdim olunub, yazılar 12 ekspert tərəfindən qiymətləndirilib.
Müsabiqənin ekspertlərin rəyləri əsasında hazırlanmış yekun nəticələri iclasın müzakirəsinə təqdim edilib. Müşahidə Şurasının üzvləri müsabiqənin nəticələri ilə tanış olub, şərtlərə uyğun ən yüksək bal toplamış jurnalistlər arasından qalibləri müəyyənləşdiriblər. Müsabiqənin şərtlərinə əsasən, hər istiqamət üzrə 3 yazı müəllifi qalib elan edilib, ümumilikdə 30 nəfər jurnalistin mükafatlandırılması haqqında qərar qəbul olunub. 10 nəfər jurnalist isə həvəsləndirici mükafata layiq görülüb.
Müsabiqənin əsas qalibi olan 30 nəfər jurnalistin hər birinə 1000 manat, həvəsləndirici yerlərə layiq görülmüş jurnalistlərin hər birinə 300 manat mükafatın verilməsi barədə qərar qəbul olunub. Qaliblər arasında qəzetimizin əməkdaşı Mübariz Abdullayev də var.

Paylaş:
Baxılıb: 842 dəfə

Xəbər lenti

Hamısına bax

Analitik

Xəbər lenti

YAP xəbərləri

MEDİA

Siyasət

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30