Ölkədə uğurlu gənclər siyasəti və Dövlət proqramları həyata keçirilir

Bakı:

15°C

88%

1m/s

Əlaqə

AZ RU EN

Ana səhifə / Sosial / Ölkədə uğurlu gənclər siyasəti və Dövlət proqramları həyata keçirilir

Ölkədə uğurlu gənclər siyasəti və Dövlət proqramları həyata keçirilir

25.07.2014 [10:04]

Şahin Seyidzadə: ARGTMŞ da bu uğurlu siyasətə dəstək verərək, vətəndaş cəmiyyətinin formalaşmasında gənclər və gənclər təşkilatlarının rolunun artırılmasına çalışır
Dünən Azərbaycan Respublikası Gənclər Təşkilatları Milli Şurasında (ARGTMŞ) ötən altı ayın yekunlarına və qarşıda duran vəzifələrə həsr olunmuş mətbuat konfransı keçirilib. Tədbirdə çıxış edən ARGTMŞ sədri Şahin Seyidzadə təşkilatın bəhs edilən dövr ərzindəki fəaliyyətindən söhbət açıb.
O, qeyd edib ki, ölkədə uğurlu gənclər siyasəti və Dövlət proqramları həyata keçirilir: “Azərbaycan Respublikası Gənclər Təşkilatları Milli Şurası da bu uğurlu siyasətə dəstək verərək, vətəndaş cəmiyyətinin formalaşmasında gənclər və gənclər təşkilatlarının rolunun artırılmasına çalışır. Əsas hədəflərə çatmaq, gənclərin bilik və bacarıqlarını artırmaq, gənclər təşkilatlarının inkişafına nail olmaq üçün 2013-cü ildə üç prioritet istiqaməti əhatə edən gənclər strategiyası (“3G”) qəbul edilib”.
O, həmin istiqamətlər barədə məlumat verərək bildirib ki, gənclər siyasətinə dəstək həmin prioritetlərdən birincisidir. Buraya ölkənin ictimai-siyasi həyatında, gəncliklə bağlı proqramların icrasında gənclərin fəal iştirakının təmin edilməsi, onların təşəbbüslərinin dəstəklənməsi daxildir.
Əməkdaşlıq imkanlarının artırılmasının ikinci istiqamət olduğunu bildirən Ş.Seyidzadə deyib ki, həyata keçirilən layihə və proqramlar çərçivəsində gənclərin milli, regional və beynəlxalq səviyyədə əməkdaşlığının təmin olunması əsas hədəflərdəndir: “3G” strategiyasının növbəti, üçüncü xətti isə gənclər təşkilatları institutunun gücləndirilməsidir. Bu məqsədlərə nail olmaq üçün ötən altı ayda bir sıra layihələr həyata keçirilib. Belə ki, Azərbaycanda Avropa İttifaqının “Youth in Action” (“Gənclər fəaliyyətdə”) proqramı çərçivəsində növbəti layihə reallaşdırılıb, gənclərin “QHT-lərin İdarəetmə Akademiyası” (QİDA) çərçivəsində qış sessiyası təşkil edilib, könüllülər üçün yeni proqramlar təqdim olunub. Eyni zamanda, qurumun www.nayora.az saytı fəaliyyətə başlayıb”.
Respublikada 260-a yaxın gənclər təşkilatının fəaliyyət göstərdiyini vurğulayan Ş.Seyidzadə onlardan 111-nin ARGTMŞ-nin üzvü olduğunu bildirib.
O da vurğulanıb ki, beynəlxalq əlaqələrini gücləndirən ARGTMŞ Avropa Gənclər Forumunun, BMT-nin İqtisadi və Sosial Şurasının üzvü, bu ilin aprelindən isə BMT-nin rəsmi tərəfdaşıdır. Eyni zamanda, qurumun Dünya Gənclər Assambleyasına namizədliyi də irəli sürülüb.
“Azərbaycan yaxın gələcəkdə gənclərlə bağlı bir çox mötəbər tədbirlərə ev sahibliyi edəcək”, - deyən Ş.Seyidzadənin sözlərinə görə, avqustun sonunda Bakıda Avropa Gənclər Forumunun İdarə Heyətinin növbəti iclası keçiriləcək: “Avropa Gənclər Forumunun gələn ilin payızında “Avropa gənclər paytaxtı” seçilən Gəncədə keçirilməsi barədə qərar da əlamətdar hadisələrdən biridir. Avropa Şurasının Gənclər Forumu isə oktyabrın 1-5-də Qəbələdə təşkil olunacaq. Forumda 47 ölkədən çoxsaylı nümayəndələrin iştirakı gözlənilir. 41-ci Dünya Skaut Konfransının və 13-cü Dünya Skaut Gənclər Forumunun 2017-ci ildə Azərbaycanda keçirilməsi də əsas hədəflərimizdən biridir”.
Sonra jurnalistlərin sualları cavablandırılıb. ARGTMŞ-nin fəaliyyətini işıqlandıran media qurumlarına fəxri fərmanlar təqdim olunub.
Nadir AZƏRİ

Paylaş:

Baxılıb: 904 dəfə