Heydər Əliyev
yeni azerbaycan logo

Ana səhifə / Sosial / “Şəxsi inkişaf akademiyası”nın açılış mərasimi keçirilib

“Şəxsi inkişaf akademiyası”nın açılış mərasimi keçirilib

25.11.2014 [09:40]

“İrəli” İctimai Birliyi gənclərin fəaliyyətlərini stimullaşdıran, ölkə maraqlarını qoruyan və gənclər siyasətinin inkişafında yaxından iştirak edən təşkilatdır. Birlik üçün prioritet məsələ bu istiqamətdə fəaliyyət göstərən bütün dövlət qurumları, qeyri-hökumət və gənclər təşkilatları ilə əməkdaşlığı gücləndirməklə Azərbaycanın gənclər siyasətinə töhfə verməkdir.
Bu fikirlər noyabrın 24-də “İrəli” İctimai Birliyinin “Şəxsi inkişaf akademiyası” layihəsinin açılış mərasimində səsləndirilib.
AzərTAc xəbər verir ki, İctimai Birliyin Azərbaycan Respublikasının Prezidenti yanında Gənclər Fondu ilə birgə layihəsi respublikamızın 11 regionunu və paytaxtdakı 10 ali təhsil müəssisəsini təmsil edəcək 40 gəncin iştirakı ilə icra olunacaq.
Birliyin sədri Mirhəsən Seyidov həyata keçirilən layihələrdən, gənclər sektoruna dövlət dəstəyindən, bu sahənin inkişafından söz açıb, akademiyanın yaradılmasının zəruriliyindən danışıb. Bildirilib ki, akademiya gənclərin regionlarda və universitetlərdə vətənpərvərlik, azərbaycançılıq, dövlətçilik prinsipləri əsasında cəmiyyətin ictimai-siyasi, sosial-iqtisadi və mədəni həyatında fəal iştirakını təmin etmək, onların idarəetmə bacarığının, intellektual və yaradıcılıq qabiliyyətinin artırılmasına təkan vermək üçün yaradılır. Əsas məqsəd gənclərin idarəetmə üzrə nəzəri və praktiki biliklərini inkişaf etdirməkdir.
Prezident Administrasiyasının İctimai-siyasi məsələlər şöbəsinin gənclər təşkilatları ilə iş sektorunun müdiri Vüsal Quliyev belə layihələrin əhəmiyyətindən danışıb, “İrəli” İctimai Birliyinin öz tədbirlərini məhz gənclər evlərində və mərkəzlərində keçirməsi təşəbbüsünü yüksək qiymətləndirib. Sektor müdiri cəmiyyətin bütün sahələrindəki tərəqqinin şəxsi inkişafdan başladığını xüsusi vurğulayaraq “İrəli”nin yeni layihəsinin də uğurlu alınacağına əminliyini ifadə edib.
Digər çıxış edənlər də gənclərə dövlət dəstəyindən söz açıb, əsas istiqamətin onların dəyərli vətəndaş, vətənpərvər olmalarından, bacarıqlı kadr kimi yetişmələrinin əhəmiyyətindən danışıb, “Şəxsi inkişaf akademiyası”nın iştirakçılarına uğurlar diləyiblər.
Tədbir çərçivəsində, həmçinin “İrəli” İctimai Birliyinin fəaliyyətinə aid təqdimat keçirilib.

Paylaş:
Baxılıb: 960 dəfə

Xəbər lenti

Hamısına bax

İqtisadiyyat

YAP xəbərləri

YAP xəbərləri

YAP xəbərləri

YAP xəbərləri

YAP xəbərləri

YAP xəbərləri

İqtisadiyyat

YAP xəbərləri

Gündəm

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30