Heydər Əliyev
yeni azerbaycan logo

Ana səhifə / Sosial / “Bakcell” jurnalistlər üçün seminar təşkil edib

“Bakcell” jurnalistlər üçün seminar təşkil edib

02.12.2014 [09:06]

Azərbaycanın ilk mobil operatoru və aparıcı mobil internet provayderi olan “Bakcell” şirkəti jurnalistlər üçün “Mobil telekommunikasiyaya giriş” adlı seminar təşkil edib. Seminarın məqsədi ümumilikdə informasiya-kommunikasiya texnologiyaları və mobil telekommunikasiya, mobil telekommunikasiyanın bu günü və gələcəyi, internet təhlükəsizliyi, abunəçilərin mobil operatorlardan gözləntiləri və s. haqqında jurnalistlərin məlumatlılığını artırmaq olub. 28-29 noyabr tarixlərində Qusar rayonunda “Şahdağ Pik Palace” hotelində keçirilən tədbirdə “Bakcell”in baş müştəri xidmətləri direktoru Selda Kokmaz Bostancıoğlu abunəçinin öz mobil rabitə təchizatçısından gözləntiləri, Yeni texnologiyalar və keyfiyyətin qiymətləndirilməsi departamentinin rəhbəri Roman İqnatenko mobil telekommunikasiyanın bu günü və inkişaf perspektivləri, Əlavə xidmətlər bölməsinin rəhbəri Gürel Aktaş mobil kommunikasiyada geniş yayılmış əlavə xidmətlərin əhəmiyyəti, Yeni məhsulların inkişafı bölməsinin rəhbəri Cəlil Xəlilov mobil imza və mobil tətbiqetmələr, eləcə də, Qafqaz Universitetinin Kompüter mühəndisliyi fakültəsinin dekanı Abzetdin Adamov kiber gigiyena haqqında jurnalistlər üçün faydalı təqdimatlar ediblər.
Seminar iştirakçıları “Bakcell” tərəfindən Şahdağ ərazisində yerləşən hoteldə quraşdırılan və burada mobil rabitəni təmin edən binadaxili avadanlığın yerləşdiyi əraziyə baş çəkib, qurğunun iş prinsipi ilə tanış olublar. Bildirilib ki, “Bakcell” son illər ərzində istər paytaxtda, istərsə də respublikanın ən ucqar bölgələrində yerləşən böyük binalarda bu cür binadaxili həllər quraşdırıb.
Həmçinin, seminarın keçirildiyi müddət ərzində “Bakcell” Şahdağ ərazisinə mobil (daşına bilən) baza stansiyası gətirib və bu qurğu jurnalistlərə nümayiş etdirilib. Xatırladaq ki, şirkətin xüsusi avtomobillər üzərində daşınan mobil baza stansiyalarını istənilən nöqtədə qurmaq və keyfiyyətli mobil rabitə xidmətindən istifadə etmək mümkündür.
“Biz seminarda təqdim etdiyimiz hər bir mövzunu mətbuatın gündəlik təhlilinə və diqqət mərkəzində olan aktual mözvulara əsasən seçdik. Bu, çox uğurlu bir model oldu və jurnalistlər tərəfindən böyük maraqla qarşılandı. Bu formatda seminarlar mütəmadi olaraq jurnalistlər, tələbələr və s. üçün də təşkil olunacaq”, - deyə “Bakcell”in Korporativ kommunikasiya bölməsinin rəhbəri Süheylə Cəfərova bildirib.
Səlim Loğmanoğlu

Paylaş:
Baxılıb: 766 dəfə

Xəbər lenti

Hamısına bax

İqtisadiyyat

YAP xəbərləri

YAP xəbərləri

YAP xəbərləri

YAP xəbərləri

YAP xəbərləri

YAP xəbərləri

İqtisadiyyat

YAP xəbərləri

Gündəm

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30