Heydər Əliyev
yeni azerbaycan logo

Ana səhifə / Sosial / ADİU ilə ATİB arasında əməkdaşlıq müqaviləsi imzalanıb

ADİU ilə ATİB arasında əməkdaşlıq müqaviləsi imzalanıb

11.12.2014 [10:19]

Dekabrın 10-da Azərbaycan Dövlət İqtisad Universiteti (ADİU) ilə Azərbaycan Türkiyə İş Adamları Birliyi (ATİB) arasında qarşılıqlı əməkdaşlıq haqqında müqavilə imzalanıb. Müqavilənin məqsədi ATİB-nin dəstəyi ilə universitet tələbələrinin yüksək ixtisaslı peşəkar kadr kimi yetişməsinə şərait yaratmaqdır.
Tədbiri giriş sözü ilə açan Azərbaycan Dövlət İqtisad Universitetinin rektoru, professor Ədalət Muradov bildirib ki, ali təhsil müəssisəsinin qarşısında duran hədəflərdən biri, məhz savadlı və təcrübəli mütəxəssislər hazırlamaqdır. Rektor vurğulayıb ki, bu istiqamətdə ölkədə fəaliyyət göstərən şirkət və qurumların, o cümlədən ATİB-nin daim dəstəyinə ehtiyac var.
ATİB İdarə Heyətinin sədri Cemal Yangın çıxışı zamanı bildirib ki, ölkənin iqtisadi inkişafı insan resurslarının potensialı ilə birbaşa bağlıdır. Bu baxımdan mütəxəssislərin hazırlanması və inkişaf etdirilməsi cəmiyyətin, o cümlədən, iş adamlarının qarşısında duran əsas vəzifələrdən biridir. Cemal Yangın qeyd edib ki, ATİB-ə üzv şirkətlər ADİU-nun müəllim və tələbələri üçün bütün dəstəyi göstərməyə hazırdırlar.
Sonra ADİU ilə ATİB arasında qarşılıqlı əməkdaşlıq haqqında müqavilənin imzalanması keçirilib. Sənədə əsasən, tələbələrin ATİB şirkətlərində təcrübə keçməsi və peşəkar bacarıqlara yiyələnməsi üçün hərtərəfli şərait yaradılacaq.
Görüşdə müəllim və tələbələrin ixtisas biliklərinin artırılması istiqamətində təkliflər irəli sürülüb.

Paylaş:
Baxılıb: 790 dəfə

Xəbər lenti

Hamısına bax

Gündəm

Analitik

Xəbər lenti

YAP xəbərləri

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30