“Bakcell” hazırda Mobil Nömrə Daşınması sahəsində liderdir

Bakı:

22 °C

54 %

1 m/s

Əlaqə

AZ RU EN

Ana səhifə / Sosial / “Bakcell” hazırda Mobil Nömrə Daşınması sahəsində liderdir

“Bakcell” hazırda Mobil Nömrə Daşınması sahəsində liderdir

14.01.2015 [09:36]

Mobil Nömrə Daşınması (MND) xidməti vasitəsilə “Bakcell” şəbəkəsinə qoşulan abunəçilərin sayı birlikdə digər iki şəbəkəyə qoşulan abunəçilərin sayından daha çoxdur. Ümumiyyətlə, 2014-cü ildə “Bakcell” şəbəkəsinə daha çox abunəçi qoşulub. Şirkətdən verilən məlumatda qeyd olunur ki, MND xidmətindən istifadə edərək mobil rabitə operatorlarını dəyişməyə qərar vermiş bütün abunəçilərin 62 faizdən çoxu “Bakcell” şəbəkəsinə qoşulub. Azərbaycanın ilk mobil operatoru və aparıcı mobil internet provayderi olan şirkətdən bildirilir ki, “Bakcell” hazırda Mobil Nömrə Daşınması sahəsində liderdir. Rabitə və Yüksək Texnologiyalar Nazirliyinin (RYTN) Məlumat Hesablama Mərkəzinin (MHM) verdiyi məlumata görə, indiyə kimi MND xidmətindən istifadə etmiş abunəçilərin sayı 12000 nəfərdən çoxdur. “Bakcell”dən verilən məlumatda isə bildirilir ki, bu abunəçilərin 7500 nəfəri öz nömrələrini məhz “Bakcell” şəbəkəsinə daşıyıb.
“Bakcell” şirkəti RYTN-nin MND xidmətinin tətbiqi ilə bağlı təşəbbüsünü ilk gündən dəstəkləyib. Biz öz köhnə şəbəkələrinin “əsirinə” çevrilmiş abunəçilərin cəlb edilməsi baxımından “Bakcell”in qazanan bir şirkət olacağına ümid edirdik. Abunəçilər bizim ümidlərimizi doğrultdular və RYTN-nin verdiyi məlumat göstərir ki, “Bakcell” öz abunəçilərinə ən münasib qiymətlərlə yüksək keyfiyyətli xidmət və məhsullar təklif edir. MND xidmətinin yerli bazarda təklif olunmağa başlamasından bir ildən az müddət keçdiyinə baxmayaraq, biz artıq deyə bilərik ki, bu xidmətin şirkətimiz və bütün bazar üçün çox müsbət nəticəsi olub. Biz bu rəqəmin gələcəkdə də artmaqda davam edəcəyinə və “Bakcell” şirkətinin bu prosesdə lider mövqeyini qoruyub saxlayacağına əminik”, - deyə “Bakcell”in baş icraçı direktoru Riçard Şirer bildirib.
Xatırladaq ki, öz nömrələrini “Bakcell” şəbəkəsinə daşımaq istəyən digər operatorların abunəçiləri tərəfindən verilən sorğular 1 fevral 2014-cü ildən icra edilməyə başlanıb. Digər mobil operatorların abunəçiləri öz nömrələrini köçürmək üçün “Bakcell”in Müştəri Xidmətləri Mərkəzlərinə və ya “BakcellİM” mərkəzlərinə müraciət edə bilərlər.
Məlumatda, həmçinin, qeyd olunur ki, “Bakcell” 2014-cü il ərzində ölkədə fəaliyyət göstərən üç mobil rabitə operatoru arasında mobil rabitə abunəçilərinin ən böyük artımı müşahidə olunmuş şirkətdir. “Interconnect” sistemlərindən əldə olunmuş məlumata görə, “Bakcell” şirkətinin aktiv mobil rabitə abunəçi bazası müvafiq olaraq digər iki operatorun 0,4 faiz və 4 faiz göstəriciləri ilə müqayisədə 6,6 faizə qədər artıb.
“Abunəçi bazasının artımı bir daha sübut edir ki, “Bakcell” öz abunəçiləri üçün ən yaxşı dəyər və keyfiyyət kombinasiyasını təklif edir. Yeni abunəçilərin şəbəkəmizə qoşulması və mövcud müştərilərimizin sadiqliyi sayəsində bizim mobil səs xidmətlərimizdən istifadə edən abunəçilərin sayı 2014-cü ildə rəqiblərimizlə müqayisədə daha sürətlə artıb. Bu isə o anlama gəlir ki, abunəçilər “Bakcell”in təklif etdiyi xidmət və məhsulların üstünlüyünü və əla xidmət səviyyəsini qiymətləndirirlər”, - deyə Riçard Şirer vurğulayıb.
Səlim LOĞMANOĞLU

Paylaş:

Baxılıb: 1022 dəfə