“Elmə yatırılan sərmayə inkişafa yatırılan sərmayədir” adlı layihəyə start verilib

Bakı:

11 °C

100 %

1 m/s

Əlaqə

AZ RU EN

Ana səhifə / Sosial / “Elmə yatırılan sərmayə inkişafa yatırılan sərmayədir” adlı layihəyə start verilib

“Elmə yatırılan sərmayə inkişafa yatırılan sərmayədir” adlı layihəyə start verilib

27.02.2015 [01:02]

Azərbaycan Respublikasının Prezidenti yanında Gənclər Fondunun maliyyə dəstəyi ilə “Elmə yatırılan sərmayə inkişafa yatırılan sərmayədir” adlı layihəyə start verilib.
Layihənin gerçəkləşdirilməsində əsas məqsəd gənclərin elmə marağının artırılması, onların elmi fəaliyyətinin təşviq edilməsi, elmin inkişafı, həmçinin, gənc alimlərin daha səmərəli fəaliyyətinin təmin edilməsi istiqamətində dövlət tərəfindən görülən işlərin təbliğ edilməsidir.
Sirr deyil ki, ölkəmizin, cəmiyyətimizin inkişafı bu və ya digər dərəcədə elmin inkişafı ilə bağlıdır. Bu mənada Prezident İlham Əliyevin Azərbaycan elminə, elmin inkişafına qayğısı yüksək dəyərləndirilməlidir. Dövlət başçısının son illər ərzində imzaladığı sərəncamlar elmin inkişafının daim dövlətimizin diqqət mərkəzində olduğunu bir daha təsdiqləyir. Ümumiyyətlə, bu istiqamətdə son illər bir sıra vacib addımlar atılıb. Elmin İnkişaf Fondunun yaradılması, xüsusilə gənclərin elmə cəlb olunması, AMEA-nın institutlarının maddi-texniki bazasının möhkəmləndirilməsi, akademiyadan vaxtilə bu və digər səbəblərə görə alınmış binaların geri qaytarılması, akademiya əməkdaşlarının əməkhaqlarının artırılması, akademiya şəhərciyində akademik kitabxananın tikintisi ilə bağlı Sərəncamın verilməsi, ali məktəblərdə tədrisin səviyyəsinin artırılması yönündə ciddi islahatlar görülən işlərin daha effektiv nəticələr verməsini şərtləndirir. Əlbəttə ki, bu prosesdə ictimaiyyətin də üzərinə böyük vəzifələr düşür. Yuxarıda bəhs olunan layihənin həyata keçirilməsi isə bu vəzifənin yerinə yetirilməsi arzusundan irəli gəlir.
Bu layihə çərçivəsində Bakı şəhərində yerləşən ali məktəblərdə tələbələrlə görüş və “Azərbaycanlı gənc alimlərin elmi fəaliyyətinin təbliği”, “Azərbaycan elminin gələcək inkişafı gənc alimlərin fəaliyyətindən asılıdır”, “Qüdrət elmdədir, başqa cür heç kəs heç kəsə üstünlük eyləyə bilməz” mövzularında təlimlər keçiriləcək, ölkənin tanınmış elm xadimləri bu görüşlərə cəlb ediləcək. Həmçinin, bir sıra kütləvi informasiya vasitələrində gənclərin elmə həvəsləndirilməsi, gənc alimlərin fəaliyyətinin işıqlandırılması yönündə fəaliyyət göstəriləcək, bununla bağlı məqalələr hazırlanacaq. “Elmə yatırılan sərmayə inkişafa yatırılan sərmayədir” mövzusunda xüsusi buklet və broşürlər hazırlanacaq, layihənin gedişi ilə bağlı mütəmadi olaraq KİV-də məlumatlar veriləcək.

Paylaş:

Baxılıb: 836 dəfə