Erməni yalanlarını ifşa edən kitabların ingilis dilində nəşrinin təqdimatı olub

Bakı:

26 °C

62 %

8 m/s

Əlaqə

AZ RU EN

Ana səhifə / Sosial / Erməni yalanlarını ifşa edən kitabların ingilis dilində nəşrinin təqdimatı olub

Erməni yalanlarını ifşa edən kitabların ingilis dilində nəşrinin təqdimatı olub

24.04.2015 [10:01]

Dünən Azərbaycan Dillər Universitetində (ADU) görkəmli tarixçi, şair və rəssam, musiqişünas alim Mir Möhsüm Nəvvabın “1905-1906-cı illərdə erməni-müsəlman davası” və Milli Məclisin deputatı, Azərbaycan Milli Elmlər Akademiyasının Dünya Siyasəti İnstitutunun direktoru, professor Musa Qasımlının “Erməni məsələsi”ndən “erməni soyqırımı”na: gerçək tarix axtarışında (1724-1920)” adlı kitablarının ingilis dilində nəşrinin təqdimatı olub.
AZƏRTAC xəbər verir ki, tədbirdə çıxış edən ADU-nun tədris işləri üzrə prorektoru Vazeh Əsgərov, universitetin ingilis dili üzrə tərcümə kafedrasının dosenti Fialə Abdullayeva, AMEA-nın Dünya Siyasəti İnstitutunun böyük elmi işçisi Rahil Nəcəfov nəşr olunan kitabların əhəmiyyətindən danışıblar. Qeyd olunub ki, bu gün bütün dünyanı aldatmağa çalışan ermənilərin əslində özləri azərbaycanlılara və türklərə qarşı soyqırımı həyata keçiriblər.
Sonra Milli Məclisin deputatı, Əməkdar jurnalist Sahib Alıyev deyib ki, hər iki kitabın təqdimatının ermənilərin qondarma “soyqırımı”nın, qardaş Türkiyə xalqının isə Çanaqqala zəfərinin 100 illiyini qeyd etdiyi ərəfədə keçirilməsi önəmlidir. O vurğulayıb ki, “erməni məsələsi”nin hazırda dünyada bu qədər səs-küy salması səbəbsiz deyil. “Soyqırımı” iddialarının dünyada yayılmasında ermənilərin özlərindən çox maraqlı olan qüvvələr var.
Təqdimatın bədii hissəsində Azərbaycan Yazıçılar Birliyinin üzvü Cəlal Qurbanovun hazırladığı “Çanaqqala 100: Qardaş köməyi” sənədli filminin və “Çanaqqala türküsü” klipinin təqdimatı keçirilib.
Daha sonra çıxış edən Milli Məclisin Hüquq siyasəti və dövlət quruculuğu komitəsinin sədri Əli Hüseynli deyib ki, Çanaqqala döyüşü Birinci Dünya müharibəsinin ən mühüm tarixi hadisələrindən idi. Çünki qarşıya Türkiyənin bölünməsi məsələsi qoyulmuşdu. Məqsəd İstanbulun, Bosfor, Dardanel boğazlarının, daha sonra Osmanlı imperiyasının tərkibində neftlə zəngin ərazilərin ələ keçirilməsi idi. Tarixçilər bu döyüşdə türklərin və Qafqaz müsəlmanlarının iştirakını düzgün araşdırmalıdırlar.
“ASAN Könüllüləri” Gənclər Təşkilatının sədri Fərid Sadıxlı, Bakı Şəhər Gənclər və İdman Baş İdarəsinin rəisi Raqif Abbasov çıxış edərək Çanaqqala döyüşünün türk xalqlarının birliyini, mərdliyini bir daha sübut etdiyini söyləyiblər.

Paylaş:

Baxılıb: 879 dəfə