Təhsil Nazirliyində milli mətbuatımızın 140 illik yubileyi qeyd olunub

Bakı:

14 °C

62 %

11 m/s

Əlaqə

AZ RU EN

Ana səhifə / Sosial / Təhsil Nazirliyində milli mətbuatımızın 140 illik yubileyi qeyd olunub

Təhsil Nazirliyində milli mətbuatımızın 140 illik yubileyi qeyd olunub

16.07.2015 [09:53]

İyulun 15-də Təhsil Nazirliyində milli mətbuatımızın 140 illik yubileyinə həsr olunan tədbir keçirilib.
AZƏRTAC xəbər verir ki, müvafiq qurumların və kütləvi informasiya vasitələrinin nümayəndələrinin iştirak etdikləri tədbirdə təhsil naziri Mikayıl Cabbarov Ümummilli lider Heydər Əliyevin təhsilə və mətbuata daim böyük önəm verdiyini, Ulu öndərin ideyalarının Prezident İlham Əliyev tərəfindən uğurla həyata keçirildiyini vurğulayıb.
M.Cabbarov milli təfəkkürün, milli fikrin formalaşmasında mühüm rolu olan “Əkinçi” qəzeti ilə təməli qoyulan Azərbaycan mətbuatının böyük inkişaf yolu keçdiyini söyləyib, maarifçilik ideyalarının mətbuatda geniş təbliğ olunmasının əhəmiyyətini xatırladıb.
Müasir dünyada kütləvi informasiya vasitələrinin rolundan söz açan nazir respublikamızda azad, demokratik mətbuatın inkişafına geniş imkanlar yaradıldığını bildirib, təhsil və media əlaqələri ilə bağlı fikirlərini diqqətə çatdırıb.
M.Cabbarov Prezident İlham Əliyevin “Azərbaycan milli mətbuatının 140 illik yubileyinin keçirilməsi haqqında” Sərəncamının əhəmiyyətindən danışıb, bu sənədə uyğun olaraq ölkəmizdə geniş tədbirlərin təşkil edildiyini bildirib.
Təhsil naziri jurnalistləri təbrik edib, onlara fəaliyyətlərində uğurlar arzulayıb.
Azərbaycan Mətbuat Şurasının sədri Əflatun Amaşov cəmiyyətin tərəqqisində mətbuatın rolundan, bu sahədə Həsən bəy Zərdabinin və digər görkəmli jurnalistlərin əvəzsiz xidmətlərindən danışıb, maarifçilik ideyalarının milli mətbuatımızda xüsusi yer tutduğunu vurğulayıb.
Kütləvi İnformasiya Vasitələrinin İnkişafına Dövlət Dəstəyi Fondunun icraçı direktoru Vüqar Səfərli Ulu öndər Heydər Əliyevin mətbuata daim böyük diqqət və qayğı göstərdiyini, Ümummilli liderin bu siyasətinin Prezident İlham Əliyev tərəfindən qətiyyətlə davam etdirildiyini bildirib.
Azərbaycanda qazanılan uğurlardan, “Bakı-2015” birinci Avropa Oyunlarının ölkəmizdə keçirilməsinin əhəmiyyətindən danışan V.Səfərli, eyni zamanda, KİV-lərin inkişafına böyük dəstək verildiyini diqqətə çatdırıb.
Tədbirdə Təhsil Nazirliyinin internet saytının (www.edu.gov.az) yeni versiyasının təqdimatı olub.
Sonra nazirlik tərəfindən təhsil mövzusunda ictimaiyyətin məlumatlandırılmasında fəal iştirak edən jurnalistlər arasında “Maarifçi mətbuat” devizi altında təşkil olunmuş müsabiqənin qaliblərinə fəxri fərman və digər mükafatlar təqdim edilib.

Paylaş:

Baxılıb: 792 dəfə