Heydər Əliyev
yeni azerbaycan logo

Ana səhifə / Sosial / Bakıdakı 132-134 nömrəli Təhsil Kompleksində Bilik günü böyük sevinclə qeyd olunub

Bakıdakı 132-134 nömrəli Təhsil Kompleksində Bilik günü böyük sevinclə qeyd olunub

16.09.2015 [10:08]

Sentyabrın 15-də ölkəmizdə növbəti tədris ili başlanıb. Bu əlamətdar günü şagirdlər, müəllimlər və valideynlər həmişə olduğu kimi, bu il də böyük sevinclə qeyd ediblər. Bu tədris ilində Azərbaycanda 150 mindən çox uşaq birinci sinfə gedəcək.
Bilik günü Bakının Səbail rayonundakı 132-134 nömrəli Təhsil Kompleksində də təntənəli mərasimlə qeyd olunub.
Tədbirdə çıxış edən Azərbaycan Respublikası Prezidenti Administrasiyası rəhbərinin müavini, Xarici əlaqələr şöbəsinin müdiri Novruz Məmmədov Bilik günü münasibətilə həm məktəbliləri, həm də valideynləri təbrik edib. Prezident Administrasiyasının rəsmisi bu günün ölkəmizin, xüsusilə birincilərin həyatında əlamətdar bir gün olduğunu vurğulayıb. Novruz Məmmədov deyib: “15 sentyabr, bu gün birinci sinfə qədəm qoyan balacaların həyatlarının ən vacib günlərindən biridir. Çünki onlar həyatlarında çox mühüm mərhələ olan bir dövrə qədəm qoyurlar. Bu gün onlar məktəbə elmlərin sirlərinə yiyələnmək üçün gəliblər. Ona görə də mən bütün ali və orta məktəblərdə təhsil alacaq gənclərə və uşaqlara uğurlar diləyir, müəllimlərə isə bu müqəddəs işdə həqiqi mənada xoş məramla çalışmağı arzu edirəm”.
132-134 nömrəli Təhsil Kompleksinin direktoru Sara Xanlarova yeni dərs ilinin başlanması münasibətilə tədbir iştirakçılarını təbrik edib. Bu əlamətdar günün birincilər üçün xüsusilə önəmli olduğunu vurğulayıb.
Bilik günündə ən çox sevinənlər övladları bu il birinci sinfə qədəm qoyan valideynlərdir. Təhsildə baş verən yeniliklərin bu il daha keyfiyyətlə davam etməsini arzuladıqlarını bildirən valideyn Aida Sadıxova yeni dərs ilində hamıya uğurlar arzulayaraq deyib: “Mən hamını təbrik edirəm. Hər kəs üçün uğurlu il olsun. Uşaqlar dərslərini yaxşı hazırlasınlar, müəllimlərini incitməsinlər”.
Bütün məktəbliləri və tələbələri yeni dərs ili münasibətilə təbrik edən valideyn Sona Məmmədova bu günün onun üçün çox sevincli olduğunu deyib: “Mən bütün məktəblilərə uğurlar arzu edirəm, o cümlədən öz övladıma. Çünki o, bu il birinci sinfə gedir”.
Tədbirdə birinci sinif şagirdləri üçün hazırlanmış rəqslər və mahnılardan ibarət əyləncəli konsert proqramı təqdim olunub.
Sonra Bilik günündə ilk zəng çalınıb və birincilər böyük sevinclə siniflərə daxil olublar.

Paylaş:
Baxılıb: 680 dəfə

Xəbər lenti

Hamısına bax

YAP xəbərləri

İqtisadiyyat

Siyasət

Siyasət

Mədəniyyət

MEDİA

Analitik

Ədəbiyyat

Sosial

İqtisadiyyat

YAP xəbərləri

YAP xəbərləri

YAP xəbərləri

YAP xəbərləri

YAP xəbərləri

YAP xəbərləri

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30