Ramiz İbrahimovun xatirəsi onu tanıyanların qəlbində daim yaşayacaq

Bakı:

17°C

67%

3m/s

Əlaqə

AZ RU EN

Ana səhifə / Sosial / Ramiz İbrahimovun xatirəsi onu tanıyanların qəlbində daim yaşayacaq

Ramiz İbrahimovun xatirəsi onu tanıyanların qəlbində daim yaşayacaq

29.12.2015 [09:37]

Yeni Azərbaycan Partiyası (YAP) Göyçay rayon təşkilatının keçmiş sədri Ramiz İbrahimovun vəfatı istər Yeni Azərbaycan Partiyası üçün, istərsə də onu tanıyan insanlar üçün ağır bir itki oldu. Yüksək təşkilatçılıq qabiliyyətinə malik, Yeni Azərbaycan Partiyasına və dövlətçiliyə bağlı bir insan olan Ramiz İbrahimov hər zaman üzərinə düşən bütün vəzifələrə dərin məsuliyyətlə yanaşmaqla çalışdığı sahələrdə göstərilən etimadı layiqincə doğruldub.
1951-ci il noyabrın 27 də Göyçay rayonunun Ləkçıplaq kəndində anadan olan R.İbrahimov 1968-ci ildə orta məktəbi əla qiymətlə bitirib həmin ildə Azərbaycan Politexnik İnstitutunun Hidromeliorasiya fakültəsinə daxil olub. 1974-cü ildə həmin instutu bitirərək hidrotexnika mühəndisi kimi təyinatla Dağıstan Muxtar Respublikasının Kizlər Su tikinti trestinə göndərilib və orada 14 saylı Səyyar Mexanikləşdirilmiş Dəstədə usta kimi əmək fəaliyyətinə başlayıb. Daha sonra həmin dəstədə iş icraçısı vəzifəsində işləyən Ramiz İbrahimov ailə vəziyyəti ilə əlaqədar 1976-cı ilin fevral ayında doğma Göyçaya qayıdıb.
Əmək fəaliyyətini Su-Tikinti Trestinin 3 saylı Tikinti Quraşdırma İdarəsində briqadir, iş icraçısı, Göycay Su-Tikinti Trestinin İstehsalat texnoloji kompleks idarəsinin mühəndisi kimi davam etdirən R.İbrahimov 1983-cü ilin noyabr ayından 1987-ci ilin yanvar ayına qədər həmin idarədə rəis, 1987-ci ilin yanvar ayından 1990-cı ilin aprel ayına kimi Göycay Su-Tikinti Trestinin Tikinti Quraşdırma İdarəsinin rəisi olub. 1992-ci ildən 1995-ci ilədək Göycay Su-Tikinti Trestində aparıcı mühəndis, daha sonra isə həmin trestin avtonəqliyyat müəssisəsində rəis vəzifəsində işləyən Ramiz İbrahimov 1996-cı ildən 1998-ci ilədək “Azəravtoyol” Dövlət Şirkətinin Göyçay 13 saylı Yol İstehsalat idarəsində rəis kimi fəaliyyət göstərib. 2001-ci ildən Göyçay rayon İcra Hakimiyyəti başçısının I müavini vəzifəsində çalışıb.
Ramiz müəllimin əmək fəaliyyəti, ömür yolu qədər siyasi fəaliyyəti də zəngin məqamları ilə seçilir. Siyasi fəaliyyətinin əsasını hər zaman dövlətə, xalqa xidmət etmək amalı ilə quran Ramiz İbrahimov 1992-ci ildə ölkəmizdə baş verən proseslərə biganə qalmayaraq həmin dövrün ölkə rəhbərliyini zəbt etmiş insanların yarıtmaz fəaliyyətinə qarşı açıq fikirlərini ifadə edib. Respublikada baş verən mürəkkəb siyasi proseslər zamanı Ramiz İbrahimov öz həqiqi vətəndaşlıq borcunu yerinə yetirərək milli mənafelərə sədaqət nümayiş etdirib.
1992-ci ildə Ulu öndər Heydər Əliyevin rəhbərliyi ilə Yeni Azərbaycan Partiyasının yaradılması bir çox Azərbaycan vətəndaşı kimi, Ramiz müəllimin də gələcəyə ümidlərini artırdı. Həmin dövrdə Göyçay rayonunda partiyanın rayon təşkilatının yaradılmasında böyük zəhmət sərf edən, YAP Göyçay rayon təşkilatının yaradıcılarından biri olan Ramiz İbrahimov 1993-cü ilin mart ayında keçirilən YAP Göyçay rayon təşkilatının ilk konfransında rayon təşkilatının İdarə Heyətinin üzvü seçilib. Hər zaman Heydər Əliyev ideyalarına sədaqət nümayiş etdirən Ramiz İbrahimovun Yeni Azərbaycan Partiyası Göyçay rayon təşkilatının inkişafında, gənclərin partiyamızın ətrafında birləşməsində, sağlam ruhda böyüdülməsində, eləcə də gənc nəsil arasında Ulu öndər Heydər Əliyev irsinin təbliğində böyük xidmətləri olub. Göyçay rayonunda hər kəsin xüsusi ehtiram göstərdiyi Ramiz İbrahimov qısa zaman kəsiyində YAP Göyçay rayon təşkilatının sıralarının genişlənməsində, insanların partiya işində fəal iştirakında mühüm rol oynayıb. 2001-ci ildən YAP Göyçay rayon təşkilatının sədri seçilən Ramiz İbrahimov Prezident İlham Əliyevin rəhbərliyi ilə davam etdirilən inkişaf və quruculuq siyasətinin həyata keçirilməsində yaxından iştirak edib.
Bəli, Yeni Azərbaycan Partiyasının ictimai-siyasi həyatında uzun illər səmərəli fəaliyyət göstərən Ramiz İbrahimov iqtisadiyyatın müxtəlif sahələrində müvəffəqiyyətlə çalışıb. Göyçay rayonunun iqtisadi potensialının gücləndirilməsinə töhfələr verib. Harada işləməsindən asılı olmayaraq, o, daim özünün yüksək peşəkarlığı və təşkilatçılıq qabiliyyəti ilə seçilib, həmkarları arasında dərin nüfuz qazanıb. Ramiz müəllimin xatirəsi Yeni Azərbaycan Partiyasının üzvləri üçün, eləcə də onu tanıyan hər bir şəxs üçün hər zaman əziz olacaq. Allah rəhmət eləsin!!!
“Yeni Azərbaycan”

Paylaş:

Baxılıb: 768 dəfə