Samux ictimaiyyəti antiböhran tədbirləri barədə məlumatlandırılıb

Bakı:

27 °C

50 %

8 m/s

Əlaqə

AZ RU EN

Ana səhifə / Sosial / Samux ictimaiyyəti antiböhran tədbirləri barədə məlumatlandırılıb

Samux ictimaiyyəti antiböhran tədbirləri barədə məlumatlandırılıb

30.01.2016 [10:26]

Milli Məclis sədrinin müavini Valeh Ələsgərov yanvarın 29-da Samuxda rayon ictimaiyyətinin nümayəndələri ilə görüşüb.
AZƏRTAC xəbər verir ki, Samux rayon İcra Hakimiyyətinin başçısı Alı Qocayev əvvəlcə ölkədə həyata keçirilən antiböhran tədbirləri, süni qiymət artımına qarşı mübarizə və ictimai nəzarət mexanizminin müəyyənləşdirilməsi məsələləri haqqında məlumat verib.
Sonra çıxış edən Milli Məclis sədrinin müavini Valeh Ələsgərov bildirib ki, Prezident İlham Əliyevin düşünülmüş siyasəti nəticəsində ölkədə hökm sürən siyasi sabitlik, regionların sosial-iqtisadi inkişaf proqramlarının vaxtında və dəqiq icrası, yaradılan güclü iqtisadi potensial, müxtəlif sahələrdə aparılan islahatlar, qeyri-neft sektorunun inkişafı, büdcənin neft amilindən asılılığının tədricən azaldılması, sahibkarlıq mühitinin inkişaf etdirilməsi və digər tədbirlər sayəsində ölkə iqtisadiyyatının mənfi təsirlərə qarşı dayanıqlığını təmin etmək mümkün olub.
Milli Məclis sədrinin müavini qeyd edib ki, dünya bazarında neftin qiymətinin kəskin ucuzlaşması ölkəmizin strateji məhsulu olan xam neftin satışından əldə edilən valyuta ehtiyatlarına da təsir göstərib. Lakin mövcud çətinliklərə baxmayaraq, dövlətimizin başçısının əsasını insan amili təşkil edən siyasətinə uyğun olaraq, bütün sosial proqramlar tam həcmdə yerinə yetirilir. Əhalinin sosial müdafiəsinin gücləndirilməsi tədbirləri həyata keçirilir. Bir sıra sahələrdə çalışan işçilərin maaşları, sosial müavinətlər, əmək pensiyasının baza hissəsi artırılıb.
Valeh Ələsgərov bildirib ki, özəl bölmənin inkişafı istiqamətində görülən işlər, xüsusilə sahibkarlıq sahəsində aparılan yoxlamaların dayandırılması, lisenziyalaşdırma sisteminin təkmilləşdirilməsi, investisiyaların təşviqi və qeyri-neft məhsullarının ixracının stimullaşdırılması sahəsində dövlətimizin başçısı tərəfindən qəbul edilmiş qərarlar özəl bölmənin inkişafında mühüm əhəmiyyət kəsb edir.
Azərbaycanın gələcəkdə böyük uğurlarının gənc nəslin yüksək təhsilindən asılı olduğunu vurğulayan V.Ələsgərov deyib: “Dövlət bu illər ərzində çox böyük işlər gördü. Azərbaycanda hüquqi-dünyəvi dövlət quruldu, demokratik cəmiyyət yaradıldı. Neft gəlirlərimizin artması bizə imkan verdi ki, bır sıra layihələr həyata keçirək, infrastrukturumuzu yeniləyək. İndi Azərbaycanın bütün şəhərləri, rayonları, qəsəbələri abadlaşıb. Amma unutmaq olmaz ki, bütün sahələrdə bilikli kadr lazımdır. Övladlarınıza yüksək təhsil verin və əmin olun ki, onlar gələcəkdə nəinki ailələrinə, həm də bütün ölkəmizə uğur qazandıracaqlar”.
Samuxlular dövlətimizin başçısının antiböhran tədbirlərini dəstəklədiklərini bildirib, bir sıra təkliflərlə çıxış ediblər.

Paylaş:

Baxılıb: 767 dəfə