“Az-Granata” jurnalistlər üçün media-tur təşkil etdi

Bakı:

14 °C

77 %

4 m/s

Əlaqə

AZ RU EN

Ana səhifə / Sosial / “Az-Granata” jurnalistlər üçün media-tur təşkil etdi

“Az-Granata” jurnalistlər üçün media-tur təşkil etdi

27.07.2017 [09:28]

Azərbaycanda yüksəkkeyfiyyətli şirə və şərab emalı ilə seçilən “Az-Granata” MMC Milli Mətbuat Günü münasibətilə mətbuat nümayəndələri üçün media-tur təşkil edib. Tur çərçivəsində mətbuat nümayəndələri müəssisənin fəaliyyəti, zavod ərazisində yerləşən şirə və alkoqollu içkilər istehsal edən texnologiya ilə əyani şəkildə tanış olmaq imkanı qazanıblar. “Az-Granata” Ağsu Şirə və Şərab emalı zavodunun sektor müdiri Vüqar Mikayılov ilk olaraq media nümayəndələrini 22 iyul - Milli Mətbuat Günü münasibətilə təbrik edib. Ölkəmizdə mətbuatın inkişafı ilə bağlı bir sıra məqamlara toxunan V.Mikayılov şirə və şərab emalı zavodu olaraq “Az-Granata” MMC-nin tanınmasında və kollektivin uğurlarının ictimaiyyətə çatdırılmasında mətbuat nümayəndələrinin xüsusi əməyinin olduğunu diqqətə çatdırıb.
Daha sonra zavod haqqında geniş məlumat verən V.Mikayılov bildirib ki, müəssisə yalnız Qafqazda deyil, Avropada və keçmiş SSRİ məkanında analoqu olmayan texnoloji prosesə və məhsula malikdir, artıq dünya bazarına çıxışı hədəfləyib. Müəssisənin yaradılmasında əsas məqsədin isə dünya bazarında ilk dəfə şərab istehsalı sahəsində Azərbaycan brendi ilə ölkəmizi təmsil etmək olduğunu söyləyən V.Mikayılov ötən dövr ərzində minimal səviyyədə də olsa bu hədəfə çatıldığını deyib: “2011-ci ildə inşa olunmuş və 2,5 hektar sahəni əhatə edən “Az-Granata” Şirə və Şərab emalı zavodu Cənubi Qafqaz regionunda ən böyük meyvə şirəsi istehsalçılarından biridir. Müəssisə meyvə şirəsi, konsentrat və kompot ilə yanaşı, şərab və araq məhsulları da istehsal edir. Zavod meyvə qəbulu, meyvə emalı, konsentrat hazırlanması, aseptik çənlər, şüşə dolumu və qablaşdırılması, tetra pak dolumu və qablaşdırılması bölümlərindən ibarətdir. Zavod saatda 12 ton meyvə şirəsi istehsal etmək gücünə malikdir. Meyvə qəbulu xətti nar, üzüm, alma, armud və heyva qəbul edə bilir. Meyvə qəbulu sexində meyvənin qəbulu, təmizlənməsi, sortlaşdırılması, yüksək temperaturda sterilizasiya, aseptik çəndə saxlanılması (40 ədəd, hər biri 50 ton) mərhələləri həyata keçirilir. Zavodun illik istehsal gücü 100 milyon qablaşdırma təşkil edir”.
V.Mikayılov bildirib ki, zavod Almaniya, İsveçrə, İtaliya, Bolqarıstan və Fransa istehsalı olan avadanlıqlarla təchiz olunub. “Az-Granata”nın 450 hektar üzüm və 400 hektar nar bağları var. Nar bağları orqanikdir və Almaniyanın Lacon GmbH İnstitutu tərəfindən sertifikatlaşdırılıb. Meyvə bağları, meyvə istehsalı və əkinçilik üsulları yerli və xarici mütəxəssislər tərəfindən müntəzəm olaraq yoxlanılır.
Müəssisənin yeni tikilməkdə olan zavodu ilə yaxından tanış olan mətbuat nümayəndələri sonra MMC-nin dequstasiya zalında məhsulları dadmaqla yanaşı, həm də məhsullar haqqında geniş məlumatlar alıblar.
Media-turda iştirak edən jurnalistlər təşkil edilmiş maraqlı və zəngin səfər proqramına görə “Az-Granata” Şirə və Şərab emalı zavodunun rəhbərliyi və kollektivinə təşəkkürlərini bildiriblər.
Sonda zavod əməkdaşları ilə birgə xatirə şəkilləri çəkilib.
Pərviz SADAYOĞLU

Paylaş:

Baxılıb: 669 dəfə