Dünya Azərbaycanlılarının Həmrəylik Günü Səbail rayonunda qeyd edilib

Bakı:

31 °C

43 %

5 m/s

Əlaqə

AZ RU EN

Ana səhifə / Sosial / Dünya Azərbaycanlılarının Həmrəylik Günü Səbail rayonunda qeyd edilib

Dünya Azərbaycanlılarının Həmrəylik Günü Səbail rayonunda qeyd edilib

23.12.2017 [09:47]

Beynəlxalq Muğam Mərkəzində Səbail Rayon İcra Hakimiyyətinin, “Azərbaycan Televiziya və Radio Verilişləri” Qapalı Səhmdar Cəmiyyətinin və Beynəlxalq Muğam Mərkəzinin birgə təşkilatçılığı ilə 31 Dekabr - Dünya Azərbaycanlılarının Həmrəylik Günü və Yeni il münasibətilə ədəbi-musiqili tədbir keçirilib.
İcra Hakimiyyətindən AZƏRTAC-a bildiriblər ki, tədbirdə rayon rəhbərliyi, Milli Məclisin deputatları, rayondakı idarə, təşkilat, elm və təhsil müəssisələrinin təmsilçiləri, gənclər, veteranlar və rayon ictimaiyyətinin nümayəndələri iştirak ediblər.
Əvvəlcə Səbail gənclərinin ötən il dekabrın 24-də təşkil etdikləri “İlham Əliyev və Müasir Azərbaycan - gənclərin gözü ilə” mövzusunda “dəyirmi masa”nın yekunlarına uyğun olaraq çap edilmiş “İlham Əliyev və Müasir Azərbaycan - gənclərin gözü ilə” adlı kitabın təqdimatı olub.
Mərasimdə çıxış edən Səbail rayon İcra Hakimiyyətinin başçısı Eldar Əzizov bildirib ki, Prezident İlham Əliyev dünya siyasətçiləri arasında öz siyasəti və gördüyü işlərlə xüsusi olaraq seçilən dövlət rəhbəridir. Ona görə də dövlətimizin başçısının siyasətini öyrənib təbliğ etmək vacib məsələdir.
“Prezident İlham Əliyev Azərbaycanda misli görünməmiş inkişaf və tərəqqi siyasətini həyata keçirən şəxsiyyətdir. Bu gün Prezident İlham Əliyevin siyasi xətti hazırki mürəkkəb dövrdə yeganə və alternativsiz siyasətdir, Azərbaycanımızın gələcək inkişafına, tərəqqisinə təminat verir. Ona görə də gənclər tərəfindən dövlətimizin başçısının fəaliyyətinin müxtəlif istiqamətlərinə həsr olunan məqalələrin toplandığı bu kitabın nəşri təqdirəlayiqdir”, - deyə E.Əzizov əlavə edib.
Beynəlxalq Muğam Mərkəzində təşkil olunan konsertdə Azərbaycanın tanınmış incəsənət xadimlərindən Xalq artistləri Murad Hüseynov, Gülyaz Məmmədova, Əməkdar artistlər Rəşad İlyasov, Zakir Əliyev, populyar müğənnilər Nadir Qafarzadə, Aynur İsgəndərli, Emiliya Yaqubova, Rövşən Əziz, Ayşən Mehdiyeva, Samir Piriyev, Sərxan Bünyadzadə və başqaları çıxış ediblər.
Tədbirdə Səbail rayon ictimaiyyətinin nümayəndələri adından Prezident İlham Əliyev doğum günü münasibətilə təbrik edilib, dövlətimizin başçısına möhkəm cansağlığı, xoşbəxtlik, Azərbaycanımızın tərəqqisi və inkişafı, xoşbəxt gələcəyi naminə göstərdiyi möhtəşəm fəaliyyətində müvəffəqiyyətlər arzulanıb.

Paylaş:

Baxılıb: 533 dəfə