Qubadlı rayon İcra Hakimiyyəti Xocalı soyqırımı ilə bağlı silsilə tədbirlər keçirib

Bakı:

18 °C

88 %

5 m/s

Əlaqə

AZ RU EN

Ana səhifə / Sosial / Qubadlı rayon İcra Hakimiyyəti Xocalı soyqırımı ilə bağlı silsilə tədbirlər keçirib

Qubadlı rayon İcra Hakimiyyəti Xocalı soyqırımı ilə bağlı silsilə tədbirlər keçirib

27.02.2018 [10:01]

XX əsrin ən böyük faciələrindən olan Xocalı soyqırımı ilə bağlı Qubadlı rayonunun ictimaiyyəti tərəfindən silsilə tədbirlər keçirilir. Bu tədbirlərin yekunu olaraq Qubadlı rayonu Bəhmən Mehdiyev adına 2 saylı tam orta məktəbdə Xocalı faciəsinin 26-cı ildönümünə həsr olunmuş ümumrayon tədbiri baş tutub. Qubadlı rayon İcra Hakimiyyətinin və YAP Qubadlı rayon təşkilatının birgə təşəbbüsü ilə keçirilən tədbirdə çıxış edən YAP Qubadlı rayon təşkilatının sədri, Qubadlı rayon İcra Hakimiyyəti başçısının müavini Allahverdi Haxverdiyev tarixən Azərbaycan xalqına qarşı soyqırımı siyasəti həyata keçirən ermənilərin 1992-ci ilin fevralında öz vəhşi simalarını bir daha bütün dünyaya nümayiş etdirərək dinc əhaliyə divan tutduqlarını bildirib. A.Haxverdiyev qeyd edib ki, 1992-ci il fevralın 25-dən 26-na keçən gecə Ermənistan silahlı qüvvələri, Dağlıq Qarabağ ərazisindəki ermənilərin qeyri-qanuni silahlı dəstələri, keçmiş SSRİ-nin Xankəndində yerləşən 366-cı motoatıcı alayının şəxsi heyətinin və hərbi texnikasının bilavasitə iştirakı ilə Xocalı şəhərinə hücuma keçərək, Azərbaycan xalqına qarşı soyqırımı həyata keçirib: “Bu soyqırımı insanlığa qarşı yönəlmiş dəhşətli cinayətdir. Ulu öndərimiz Heydər Əliyevin 1993-cü ilin iyununda xalqın təkidli tələbi ilə hakimiyyətə qayıdışından sonra Xocalı soyqırımına siyasi-hüquqi qiymətin verilməsi mümkün oldu. Ümummilli liderimizin təşəbbüsü ilə Milli Məclis 1994-cü il fevralın 24-də “Xocalı soyqırımı günü haqqında” xüsusi qərar qəbul etdi. Eyni zamanda, Xocalı faciəsi ilə bağlı həqiqətlərin dünya ictimaiyyətinə çatdırılması, erməni qəsbkarlarının beynəlxalq müstəvidə ifşası mühüm vəzifələr kimi önə çəkildi”.
Qeyd edilib ki, dövlətimizin apardığı uğurlu xarici siyasət nəticəsində artıq bir sıra dövlətlər Xocalı soyqırımını rəsmən tanıyır. Xocalı həqiqətlərinin dünyaya çatdırılması, beynəlxalq aləmdə yayılması, eləcə də bu soyqırımına obyektiv qiymət verilməsi istiqamətində davamlı olaraq addımlar atılır. Hazırda Heydər Əliyev Fondunun ayrı-ayrı ölkələrdə geniş miqyasda təşkil etdiyi anım tədbirləri, “Xocalıya ədalət” beynəlxalq informasiya və təşviqat kampaniyası da bu işə öz töhfəsini verməkdədir.
Tədbirdə “Xocalı soyqırımı” adlı ədəbi-bədii kompozisiya nümayiş olunub.
PƏRVİZ

Paylaş:

Baxılıb: 453 dəfə