Heydər Əliyev
yeni azerbaycan logo

Ana səhifə / Xarici siyasət / Beynəlxalq Avrasiya Mətbuat Fondunun sədri Vilnüsdə səfərdə olub

Beynəlxalq Avrasiya Mətbuat Fondunun sədri Vilnüsdə səfərdə olub

23.06.2015 [09:25]

BAMF-in sədri Umud Mirzəyev Şərq Tərəfdaşlığı Vətəndaş Cəmiyyəti Forumunun Vilnüsdə keçirdiyi “Avropada əmək münasibətləri və iş zəmanətlərinin nizamlanmasında Sosial dialoqun əhəmiyyəti” mövzusunda beynəlxalq konfransda iştirak edib. İyunun 18-19-da Vilnüsdə baş tutmuş konfransda “Effektiv fəal əmək bazarı siyasəti - ölkələr üçün Aİ-nin çağırışı”, “Avropa əmək bazarlarının təhlükəsizliyi və uyğunluğunun axtarılması” və s. kimi mövzular ətrafında müzakirələr aparılıb. Azərbaycandan beynəlxalq konfransa Azərbaycan Həmkarlar İttifaqları Konfederasiyasının sədr müavini Aqil Dadaşov, “Qadın Konsensus Mərkəzi” İctimai Birliyinin sədri Aynur Camal, Vətəndaşların Əmək Hüquqlarının Müdafiəsi Liqası İcraçı Komitəsinin rəhbəri Sahib Məmmədov, eyni zamanda, BAMF-in sədri Umud Mirzəyev qatılıb. Səfər çərçivəsində Azərbaycandan olan nümayəndə heyəti Şərq Tərəfdaşlığı vətəndaş cəmiyyəti ölkələrinin nümayəndələri ilə həm ayrı-ayrılıqda, həm də konfrans daxilində bir sıra səfər əhəmiyyətli görüşlər keçiriblər. Əsasən də Ukrayna, Belarus, Moldova və Gürcüstandan olan Şərq Tərəfdaşlığı vətəndaş cəmiyyəti nümayəndələri arasında baş tutmuş görüşlərdə Azərbaycanda həyata keçirilən sosial proqramlar, sosialyönümlü fəaliyyətlər, vətəndaş cəmiyyətinin durumu və həyata keçirilən fəaliyyətlər, Azərbaycanda keçirilən birinci Avropa Oyunlarının əhəmiyyəti barəsində müzakirələr aparılıb və bu istiqamətdə verilmiş suallar cavablandırılıb.
Növbəti əhəmiyyətli görüş Umud Mirzəyev, Sahib Məmmədov və Azərbaycan, Dağlıq Qarabağ həqiqətlərini dünyaya çatdırılması istiqamətində illərlə çalışmış, əslən Litvalı olan BAMF-ın Litva təmsilçisi, fotojurnalist Riçard Lapaytisin iştirakı ilə Azərbaycan Respublikasının Litvadakı səfirliyində baş tutub. Səfir Həsən Məmmədzadə ilə keçirilən görüşdə diplomatik missiyanın həyata keçirdiyi və gördüyü işlər, Azərbaycanın vətəndaş cəmiyyəti qurumlarının media qurumları ilə əməkdaşlığından söz açılıb. Səfir H.Məmmədzadə görüş əsnasında Riçard Lapaytis və onun kimi jurnalistlərlə əməkdaşlıqlara önəm verdiklərini də vurğulayıb.

 
Paylaş:
Baxılıb: 1522 dəfə

Xəbər lenti

Hamısına bax

Analitik

Xəbər lenti

YAP xəbərləri

MEDİA

Siyasət

Gündəm

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30