Yeni nailiyyətlərə imza atmaq üçün...

Bakı:

24 °C

65 %

3 m/s

Əlaqə

AZ RU EN

Ana səhifə / YAP xəbərləri / Yeni nailiyyətlərə imza atmaq üçün...

Yeni nailiyyətlərə imza atmaq üçün...

12.08.2024 [13:58]

2024-cü il sentyabrın 1-də Azərbaycan Respublikası Milli Məclisinə keçiriləcək növbədənkənar seçkilərin təşviqat mərhələsi çərçivəsində avqustun 10-da Yeni Azərbaycan Partiyasının 25 saylı Nizami ikinci seçki dairəsindən deputatlığa namizədi, YAP Sədrinin müavini Əli Əhmədovun gənclərlə görüşü keçirilib.
Tədbirdə Azərbaycan Respublikasının Dövlət Himni səsləndirilib, Ulu Öndər Heydər Əliyevin, ölkəmizin ərazi bütövlüyü və suverenliyi uğrunda mübarizədə canlarını qurban vermiş şəhidlərimizin xatirəsi bir dəqiqəlik sükutla yad edilib.
Çıxış edən YAP Nizami rayon təşkilatının sədri Ramil Vəlibəyov Yeni Azərbaycan Partiyasının parlament seçkilərinə “Yeni dövrə Yeni Azərbaycanla!” şüarı ilə qatıldığını deyib. O, əsası Ulu Öndər Heydər Əliyev tərəfindən qoyulmuş Yeni Azərbaycan Partiyasının bu gün cənab İlham Əliyevin rəhbərliyi ilə yeni-yeni nailiyyətlərə imza atdığını vurğulayıb.
Tədbirdə çıxış edən deputatlığa namizəd Əli Əhmədov partiyanın seçki platforması haqqında ətraflı məlumat verib. Əli Əhmədov Azərbaycanda həyata keçirilən gənclər siyasəti barədə danışıb, bu sahədə əldə olunan uğurlara diqqət çəkib. Bildirib ki, Azərbaycan gəncləri yüksək vətəndaş mövqeyi, ictimai-siyasi proseslərdə fəallıq və vətənpərvərlik nümayiş etdirirlər. Vurğulayıb ki, Heydər Əliyev ideyalarına sədaqət, dövlətə və dövlətçiliyə bağlılıq, Prezident İlham Əliyevin siyasətini birmənalı şəkildə dəstəkləmək gənclərimizin əsas xarakterik keyfiyyətləri sırasındadır.
Diqqətə çatdırılıb ki, dövlətimiz gənclərin inkişafı, yüksək bilik və bacarıqlar əldə etməsi, onlar üçün layiqli həyat şəraitinin yaradılması üçün bütün zəruri addımları atır. Gənclər də öz növbəsində bu siyasəti yüksək qiymətləndirir və onlara göstərilən diqqəti Prezident İlham Əliyevin siyasətinə və dövlətə sədaqətləri ilə təsdiq edirlər.
Əli Əhmədov çıxışında gənc seçiciləri parlament seçkilərində fəal iştirak etməyə və ən layiqli namizədə səs verməyə çağırıb.
Tədbirdə Aybəniz Əliyeva, İlham Vəlizadə, Lalə Həsənova, Namiq Abbaslı və digərləri çıxış ediblər.
Çıxış edən seçicilər də öz növbəsində 1 sentyabr seçkilərində YAP-ın namizədinə səs verəcəklərini əminliklə ifadə ediblər.
Qeyd edək ki, həmin gün deputatlığa namizəd Əli Əhmədov “Qaraheybət” aviasiya poliqonunda Dövlət Sərhəd Xidmətinin hərbi helikopterinin qəzaya uğraması nəticəsində şəhid olmuş kapitan Teymur Ənvər oğlu Qaraisayev və Vətən müharibəsi şəhidi leytenant Namiq Rəhbər oğlu Cavadovun ailələrini ziyarət edib.

Paylaş:

Baxılıb: 552 dəfə