Qaradağ rayonunda “Vətən müharibəsinin tarixi. Azərbaycanın ərazi bütövlüyünün bərpası: Şəxsiyyət faktoru” kitabının təqdimatı keçirilib

Bakı:

29 °C

48 %

5 m/s

AZ RU EN

Ana səhifə / YAP xəbərləri / Qaradağ rayonunda “Vətən müharibəsinin tarixi. Azərbaycanın ərazi bütövlüyünün bərpası: Şəxsiyyət faktoru” kitabının təqdimatı keçirilib

Qaradağ rayonunda “Vətən müharibəsinin tarixi. Azərbaycanın ərazi bütövlüyünün bərpası: Şəxsiyyət faktoru” kitabının təqdimatı keçirilib

24.12.2024 [21:59]

2024-cü ilin dekabrın 24-də Qaradağ rayonunun Lökbatan qəsəbəsindəki Heydər Əliyev Mərkəzində Bakı Şəhər İcra Hakimiyyəti və Azərbaycan Milli Elmlər Akademiyasının A.A.Bakıxanov adına Tarix və Etnologiya İnstitutunun birgə layihəsi olan “Vətən müharibəsinin tarixi. Azərbaycanın ərazi bütövlüyünün bərpası: Şəxsiyyət faktoru” kitabının təqdimatı keçirilib.

Tədbirdə Yeni Azərbaycan Partiyası (YAP) Qaradağ rayon təşkilatının sədri Qafar Əliyev, Qaradağ Rayon İcra Hakimiyyətinin şöbə müdiri, məşhur “91-lər”in üzvü Munis Bayramov, İcra Hakimiyyətinin və YAP rayon təşkilatının aparatının məsul əməkdaşları, Rayon Ağsaqqallar Şurasının, təhsil, mədəniyyət, səhiyyə müəssisələrinin nümayəndələri, şəhid ailələrinin üzvləri, qazilər və gənclər iştirak ediblər.

Tədbirdə Ümummilli Lider Heydər Əliyevin və şəhidlərimizin xatirəsi bir dəqiqəlik sükutla yad edilib və Azərbaycan Respublikasının Dövlət Himni səsləndirilib. Sonra kitabla bağlı hazırlanmış xüsusi videofilm nümayiş etdirilib.

Tədbiri açan Qaradağ Rayon İcra Hakimiyyətinin ictimai-siyasi və humanitar məsələlər şöbəsinin müdiri, məşhur “91-lər”-dən biri olan Munis Bayramov çıxışında “Vətən müharibəsinin tarixi. Azərbaycanın ərazi bütövlüyünün bərpası: Şəxsiyyət faktoru” kitabının Azərbaycanın müasir tarixini öyrənən tədqiqatçılar və ümumilikdə oxucular üçün dəyərli məlumat mənbəyi olduğunu bildirib. M.Bayramov qeyd edib ki, Azərbaycanın Vətən müharibəsində qələbəsinə həsr olunmuş birinci nəşrdən sonra kitabın ikinci nəşri işğaldan azad edilmiş ərazilərimizdə bərpa və quruculuq fəaliyyətinə, Böyük Qayıdış Proqramının uğurla həyata keçirilməsinə həsr olunub. Şöbə müdiri vurğulayıb ki, xalqımız üçün əsil qürur mənbəyinə çevrilmiş bu hadisələrin mərkəzində Müzəffər Ali Baş Komandan, Azərbaycan Respublikasının Prezidenti İlham Əliyevin qətiyyətli siyasi iradəsi, xalq - lider birliyi və rəşadətli Ordumuzun qüdrəti dayanır.

Tədbirdə çxış edən Yeni Azərbaycan Partiyası Qaradağ rayon təşkilatının sədri Qafar Əliyev kitabın məziyyətlərindən bəhs edərək bu nəşrdə Prezident İlham Əliyevin diplomatik və informasiya cəbhəsində, hərbi quruculuq sahəsində fəaliyyətinin ətraflı işıqlandırıldığını qeyd edib. YAP rayon təşkilatının sədri Prezident İlham Əliyevin Vətən müharibəsi günlərində xalqımızı bir yumruq kimi birləşdirməsindən, milli maraqları qətiyyətlə təmin edən uğurlu xarici siyasətindən, ərazi bütövlüyünün və suverenliyin tam bərpa olunmasında xidmətlərindən və ölkəmiz üçün yeni tarixi dövrün başlanmasından bəhs edb. Ulu öndər Heydər Əliyevin “İnanıram ki, mənim başa çatdıra bilmədiyim işləri, arzuları, istəkləri o, həyata keçirəcək", - sözlərini xatırladan Qafar Əliyev həqiqətən də Ulu Öndərin bu arzusunu reallaşdıran Prezident İlham Əliyevin adının Azərbaycan tarixinə qızıl hərflərlə yazıldığını vurğulayıb.

Tədbirdə digər çıxış edənlər: Qaradağ rayon Ağsaqqallar Şurasının sədri Ramin Məmmədov, şəhid anası Fəridə İsmayılova, Qaradağ Rayon İcra Hakimiyyətinin ictimai-siyasi və humanitar məsələlər şöbəsinin əməkdaşı Səmayə Şıxəliyeva, Heydər Əliyev Mərkəzinin əməkdaşı Aytac Tağıyeva, Müharibə, Əmək və Silahlı Qüvvələr Təşkilatının Qaradağ rayon şöbəsinin sədri Əli Məmmədov, “Qarabağ Qaziləri” İctimai Birliyinini Qaradağ rayon filialının sədr mavini Qafqaz Əhmədov və digərləri bildiriblər ki, kitabda Ali Baş Komandan İlham Əliyevin Zəfər səlnaməsinin əsas məqamları işıqlandırılır. Kitabda, həmçinin Vətən müharibəsində qazanılan şanlı Zəfərin memarı olan Prezident İlham Əliyevin dahi sərkərdəlik qabiliyyəti öz əksini tapıb.

Tədbirin sonunda bir qrup yeni YAP üzvünə partiya vəsiqələri təqdim olunub və xatirə fotosu çəkdirilib.

Paylaş:

Baxılıb: 630 dəfə