Qazax seçiciləri oktyabrın 9-da YAP-ın namizədinə səs verəcək

Bakı:

13 °C

94 %

4 m/s

Əlaqə

AZ RU EN

Ana səhifə / YAP xəbərləri / Qazax seçiciləri oktyabrın 9-da YAP-ın namizədinə səs verəcək

Qazax seçiciləri oktyabrın 9-da YAP-ın namizədinə səs verəcək

22.09.2013 [10:50]

Rayon stadionunda təbliğat-təşviqat kampaniyası çərçivəsində möhtəşəm tədbir keçirilib
Dünən Yeni Azərbaycan Partiyasının prezidentliyə namizədi cənab İlham Əliyevin təliğat - təşviqat kampaniyası çərçivəsində Qazax rayonunda möhtəşəm mitinq-konsert təşkil olunub.
Tədbirdə çıxış edən millət vəkili Əhməd Vəliyev ölkəmizdə son 10 ildə əldə olunan iqtisadi-siyasi yüksəlişlərin, sabitliyin və inkişafın Prezident İlham Əliyevin adı ilə bağlı olduğunu diqqətə çatdırıb. Son illərdə Qazax rayonunda yeni məktəblərin tikildiyini, xəstəxanaların təmir olunduğunu söyləyən Ə.Vəliyev regionların sosial-iqtisadi inkişafı dövlət proqramlarının uğurlu icrası nəticəsində bütün rayonların inkişaf prosesinə qədəm qoyduğunu deyib: “Bu gün bütün Azərbaycanda inkişaf, abadlıq, quruculuq işləri gedir. Bu siyasət bütün istiqamətlərdə paralel şəkildə həyata keçirilir. İstər kənd təsərrüfatı, istər təhsil, istər səhiyyə-bütün sahələrdə sürətli irəliləyiş nəzərə çarpır. Qazax rayonunda da böyük yeniliklərə imza atılıb. Aparılan abadlıq, quruculuq işləri bütünlüklə Prezident İlham Əliyev tərəfindən diqqətdə saxlanır. Qazax sakinlərinin Yeni Azərbaycan Partiyasının namizədinə-cənab İlham Əliyevə səs verəcəyinə əminik”.
Çıxış edən millət vəkili Nizami Cəfərov Prezident İlham Əliyevin 2013-cü il prezident seçkilərində alternativsiz lider olduğunu bildirib. N.Cəfərov deyib ki, dövlət başçısı olduğu 10 il ərzində cənab İlham Əliyevin fəaliyyəti, bu fəaliyyətin Azərbaycana qazandırdığı uğurlar haqqında saatlarla, günlərlə danışmaq olar: “Hər bir insan bu fəaliyyətin bəhrəsini öz həyatında, yaşamında hiss edir. Mən ilk növbədə Ümummilli liderimiz Heydər Əliyev tərəfindən Azərbaycanda nail olunmuş əmin-amanlığın, sabitliyin son 10 il ərzində qorunub saxlanmasını vurğulamaq istəyirəm. Çünki hər bir inkişaf prosesinin arxasında bu amil dayanır. Mən əminəm ki, xalqımız sabitliyə, inkişafa-Prezident İlham Əliyevə səs verəcək”.
Çıxış edən Xalq şairi Nəriman Həsənzadə qeyd edib ki, Prezident İlham Əliyev gənc Azərbaycan dövlətinin inkişafı uğrunda yorulmadan fəaliyyət göstərir: “İnsanların artıq sosial, təhsil kimi bir problemi qalmamalıdır, Prezident İlham Əliyev bunun üçün çalışır. Qarşıdan gələn beşillik Azərbaycan vətəndaşlarının sosial güzəranının yüksəliş dövrü kimi tarixə düşəcək. Bu baxımdan gələn beşillik insanlarımızın həyatında əsaslı yeniliklər yaradacaq. Təbii ki, bütün bu proqramlar Prezident İlham Əliyevin rəhbərliyi altında həyata keçiriləcək”.
Çıxış edən Milli güləş yığmamızın baş məşqçisi Firdovsi Umudov deyib ki, cənab İlham Əliyev ölkədə yenilikləri, quruculuğu, abadlığı geniş şəkildə həyata keçirən bir Prezidentdir: “Azərbaycan xalqı birmənalı olaraq Prezidentimizin ətrafında sıx birləşməli və 15 oktyabrda inkişafa xidmət edən bu siyasəti davam etdirməlidir. İlhamla, inamla irəli!”.
Daha sonra tədbir respublikamızın və rayonun incəsənət ustalarının geniş konserti ilə davam etdirilib.
Pərviz SADAYOĞLU

Paylaş:

Baxılıb: 1330 dəfə