Ölkələrimiz qırılmaz tellərlə bağlıdır

Bakı:

27 °C

54 %

6 m/s

Əlaqə

AZ RU EN

Ana səhifə / YAP xəbərləri / Ölkələrimiz qırılmaz tellərlə bağlıdır

Ölkələrimiz qırılmaz tellərlə bağlıdır

26.08.2025 [15:41]

Möhtərəm Prezidentimiz İlham Əliyev cənablarının Türkmənistana səfəri zamanı Azərbaycan, Türkmənistan və Özbəkistan liderlərinin iştirakı ilə keçirilən üçtərəfli görüş həm siyasi, həm iqtisadi, həm də mənəvi baxımdan Türk dünyasının birliyinə tarixi töhfədir.

Cari ilin avqust ayında Azərbaycan Respublikasının Prezidenti İlham Əliyevin Türkmənistana rəsmi səfəri sadəcə diplomatik və strateji gündəmlə məhdudlaşmadı. Bu səfər, həmçinin türkdilli dövlətlərin ortaq tarixi, mədəni və mənəvi köklər üzərində qurulmuş birliyinin daha da dərinləşdiyinin növbəti bariz nümunəsi oldu.

Üç ölkənin rəhbərləri arasınd baş tutan üçtərəfli görüş çərçivəsində bir sıra mühüm sənədlər imzalandı. Bu sənədlər arasında Transxəzər Nəqliyyat Dəhlizi üzrə əməkdaşlıq memorandumu, enerji sahəsində informasiya və texnologiya mübadiləsi, kənd təsərrüfatı və qida təhlükəsizliyi sahəsində sazişlər xüsusi əhəmiyyət kəsb edir.

Əldə olunan razılaşmalar türk dünyasının iqtisadi və logistik gücünün birləşdirilməsi, regionda alternativ enerji və davamlı inkişaf prinsiplərinin təşviqi, ərzaq təhlükəsizliyi və ticarət əlaqələrinin genişləndirilməsi baxımından əhəmiyyətlidir.
Azərbaycanın təşəbbüsləri ilə Mərkəzi Asiya ilə Qafqazı birləşdirən layihələr türk dövlətləri arasında qarşılıqlı asılılığı gücləndirməklə yanaşı regional sabitliyə də böyük töhfə verir.
Azərbaycan, Türkmənistan və Özbəkistan xalqlarının əsrlər boyu eyni kökdən, eyni inamdan, eyni dildən və eyni mədəniyyət mühitindən qidalanıdıqlarını nəzərə alaraq bu gün rəsmi sənədlərə imza atılır.

Biz ortaq yaddaş üzərində formalaşan və yalnız zamanın yaratdığı fürsətləri vaxtında dəyərləndirən strateji tərəfdaş deyil həm də bir-birinə qırılmaz tellərlə bağlı böyük bir ailəyik.
Prezident İlham Əliyevin çıxışında vurğuladığı kimi, “Türk dünyası həm mənəvi güc mərkəzidir, həm də beynəlxalq münasibətlərdə ciddi təsirə malik bir qüvvədir.” Bu gün qardaş ölkələrin liderlərinin əl-ələ verərək, ortaq məqsədlər naminə bir araya gəlməsi, siyasi mədəni və tarixi baxımdan münasibətlərimizi yeni bir müstəviyə daşıyır.

İmzalanan sənədlər və atılan addımlar, gələcək nəsillərə daha sıx bağlarla birləşmiş bir Türk dünyası miras qoymaq üçündür. Bu birlik həm bizim gücümüzdür, həm də məsuliyyətimiz.
Azərbaycan, Türkmənistan və Özbəkistan arasında qurulan bu üçtərəfli əməkdaşlıq platforması, Türk Dövlətləri Təşkilatının məqsəd və məramına uyğun olaraq yalnız bugünün problemlərini həll etməyə deyil, həmçinin sabahın daha güclü, daha firavan və daha qüdrətli Türk dünyasının qurulmasına xidmət edir.

Əminliklə deyə bilərik ki, bu təməl üzərində qurulan tarixi birliyimiz uğurlu gələcəyimizin ən etibarlı zəmanətidir.

Eldar Əsədov,

YAP Tərtər rayon təşkilatının sədri

Paylaş:

Baxılıb: 383 dəfə