Birliyə söykənən inkişaf konsepsiyası

Bakı:

18°C

77%

4m/s

Əlaqə

AZ RU EN

Ana səhifə / YAP xəbərləri / Birliyə söykənən inkişaf konsepsiyası

Birliyə söykənən inkişaf konsepsiyası

28.08.2025 [16:57]

Azərbaycan-Türkmənistan əlaqələri qədim tarixə malikdir. Bundan başqa, bu xalqları dil və din eyniliyi də birləşdirir. Mərkəzi Asiya xalqları içərisində milli mənsubiyyət baxımından azərbaycanlılara ən yaxın olan xalqlardan biri məhz türkmənlər hesab olunur. Hər iki xalq türklərin oğuz boyundandır.

Azərbaycan və Türkmənistan SSRİ-nin tərkibində müttəfiq respublikalar olub. Elə həmin dövrdə də onlar arasında iqtisadi və mədəni əlaqələr formalaşıb. SSRİ dağıldıqdan, postsovet məkanında müstəqil dövlətlər yarandıqdan sonra bu münasibətlər daha da inkişaf etməyə başlayıb. Prezident İlham Əliyevin qeyd etdiyi kimi, xalqlarımızı dərin qardaşlıq ənənələri birləşdirir və müstəqillik dövründə bu əlaqələr daha da gücləndi. Biz bir çox sahələrdə uğurla əməkdaşlıq edirik və iki ölkə müstəqil siyasət apararaq gələcəyə inamla baxır. Bizim aramızdakı tarixi əlaqələr bugünkü əlaqələr üçün əsas zəmindir.

Tarixi Zəfərimiz bu əlaqələrin daha da möhkəmkənməsində, yeni prioritetlər üzrə inkişaf etdirilməsində əhəmiyyətli rol oynayır. Qarşılıqlı səfərlərin dinamikliyi bu əlaqələrin inkişafında əsas faktorlardan biridir.

Dövlət başçısı İlham Əliyevin bu günlərdə Türkmənistan Xalq Məsləhətinin sədri Qurbanqulu Berdiməhəmmədovun dəvəti ilə bu ölkəyə işgüzar səfəri də özündə mühüm məqamları ehtiva edir. Belə ki, Prezident İlham Əliyevin Türkmənistan Xalq Məsləhətinin sədri Qurbanqulu Berdiməhəmmədov ilə təkbətək və geniş tərkibdə görüşlərində iki ölkənin münasibətlərinin dünəninə baxış əsasında gələcək hədflər açıqlandı. Prezident İlham Əliyev bildirdi ki, Sizinlə keçən ay Azərbaycanda görüşmüşük. O səfərin çox böyük tarixi mənası var. Həm Bakıda, həm işğaldan azad edilmiş Qarabağ torpağında görüşlərimiz Azərbaycan xalqını çox məmnun etdi. Sizin verdiyiniz dəstək bizim üçün çox önəmlidir, çox dəyərlidir. Söhbətlər əsnasında hər zaman tarixi köklərimizə də nəzər yetiririk. Bizi birləşdirən ortaq tarix, mədəniyyət, etnik köklər, dilimiz və dinimizdir. Türkmən və Azərbaycan xalqları, sözün əsl mənasında, qardaşdırlar və əsrlər boyu bu qardaşlıq hissləri ilə yaşamışlar. Bu gün müstəqil dövlətlər kimi böyük uğurlara imza atırlar. Avazanın inkişafı Sizin adınızla bağlıdır, Sizin əsərinizdir. Bu müasir, gözəl şəhər, əslində, Türkmənistanda gedən genişmiqyaslı inkişafı əks etdirir. O da qeyd olundu ki, bizim tez-tez görüşməyimiz bütün bölgəyə və dünyaya çox ciddi mesajlar verir. Türkmənistan və Azərbaycan - qardaş dövlətlər, qardaş xalqlar hər zaman bir-birinin yanındadır.

Türkmənistan Xalq Məsləhətinin sədri Qurbanqulu Berdiməhəmmədov isə vurğuladı ki, ölkələrimiz arasında münasibətlər başlanğıcını tarixin dərinliklərindən götürür, ənənələrimiz oxşardır və bunlar bizi birləşdirən amillərdir. Siyasi, diplomatik, iqtisadi-ticari, mədəni-humanitar münasibətlərimizi bu təməl üzərində inkişaf etdiririk. Əlaqələrimizin genişləndirilməsi üçün böyük potensial mövcuddur.

Sözügedən səfərin əhəmiyyətini təsdiqləyən əsas məqamlardan biri də Türkmənistan, Azərbaycan və Özbəkistan arasında yüksəksəviyyəli görüşün keçirilməsi oldu. Yaradılacaq bu yeni əməkdaşlıq formatı türk dünyasının birliyinə böyük töhfə olacaq. Azərbaycanın bu birliyin möhkəmləndirilməsi istiqamətində gösyətdiyi səylər göz qabağındadır. Cənab İlham Əliyev türk dünyasını böyük bir ailə kimi dəyərləndirir. Dövlətimizin başçısı yüksəksəviyyəli görüşdə bir daha bildirdi ki, bu gün biz xalqlarımızın mədəni və tarixi yaxınlığına, ortaq dəyərlərə və strateji maraqlara əsaslanaraq, üç dost və qardaş dövlətin əməkdaşlığı tarixində yeni bir səhifə açırıq.

Etibar Hacıyev

YAP Ağstafa rayon təşkilatının sədri

Paylaş:

Baxılıb: 248 dəfə