Qazax seçiciləri oktyabrın 9-da Prezident İlham Əliyevə səs verəcəklər

Bakı:

26 °C

61 %

3 m/s

Əlaqə

AZ RU EN

Ana səhifə / YAP xəbərləri / Qazax seçiciləri oktyabrın 9-da Prezident İlham Əliyevə səs verəcəklər

Qazax seçiciləri oktyabrın 9-da Prezident İlham Əliyevə səs verəcəklər

26.09.2013 [10:51]

YAP Qazax rayon təşkilatı Aşağı Salahlı və Orta Salahlı kəndlərində seçicilərlə görüş keçirib
Oktyabrın 9-da keçiriləcək prezident seçkiləri ilə bağlı təbliğat-təşviqat kampaniyası uğurla davam edir. Dünən Qazax rayonunda da YAP-ın prezidentliyə namizədi cənab İlham Əliyevin təbliğat-təşviqat kampaniyası çərçivəsində seçicilərlə növbəti görüşlər keçirilib. Rayonun Aşağı Salahlı və Orta Salahlı kəndlərində keçirilən görüşlərdə çıxış edən YAP Qazax rayon təşkilatının sədri Həmid Pənahov bütövlükdə rayon sakinlərinin 9 oktyabr prezident seçkilərinə çox ciddi hazırlaşdığını bildirib. YAP rayon təşkilatının sədri öz çıxışında ölkədə gedən proeseslərdən-abadlıq və quruculq işlərindən danışıb. Qeyd olunub ki, Azərbaycanın inkişafı, çiçəklənməsi, bütövlükdə simasının dəyişməsi cənab İlham Əliyevin adı ilə bağlıdır: “Bu gün Azərbaycan dünyanın diqqət mərkəzindədir. İqtisadi inkişafımız hər evdə, hər ailədə yaşamımıza müsbət təsir göstərir. Vətəndaşlarımız bu müsbət dəyişikliklərin, inkişafın, sabitliyin növbəti 5 ildə də davam etməsi üçün oktyabrın 9-da seçki məntəqələrinə getməli və sözügedən inkişafın ölkəmizdə bərqərar olmasına şərait yaradan şəxsiyyətə-cənab İlham Əliyevə səs verməlidir”.
Öz çıxışlarında rayon seçicilərini 9 oktyabr seçkilərində fəal olmağa çağıran təbliğat-təşviqat qrupunun üzvləri Nəsibə Tağıyeva, Afaq Qasımova, şair Barat Vüsal, Səfurə Rəhimova bildiriblər ki, son 10 ildə Qazax rayonunda xeyli iş görülüb. Eyni zamanda, yeni iş yerlərinin açıldığını qeyd edən natiqlər vurğulayıblar ki, işıqlı sabahımızın, gözəl gələcəyimizin təminatı məhz Prezident İlham Əliyevdir: “Sevindirici haldır ki, məhz Ulu öndər Heydər Əliyevin bizə miras qoyub getdiyi bir ölkədə yaşayırıq. Cənab İlham Əliyevin apardığı çoxşaxəli siyasi fəaliyyət ölkəmizin siyasi-iqtisadi sferada mühüm uğurlara imza atmasını şərtləndirib. Seçicilərimiz öz səslərini cənab İlham Əliyevlə yanaşı öz gələcəklərinə, sabitliyə, inkişafa, övladlarının xoşbəxt yaşamına verəcəklər”.
Tədbirdə çıxış edən təbliğat-təşviqat qrupunun üzvləri Fərhad Mustafayev, İsgəndər Qurbanov, Ədalət Hüseynov, Polad Ağakişiyev bildiriblər ki, Prezident İlham Əliyevin davam etdirdiyi Heydər Əliyev siyasi kursu əhalinin sosial rifahının yüksəlməsinə, gəlirlərinin artmasına səbəb olub. Azərbaycan xalqı qətiyyətlə bu siyasətin davamını istəyir. Bildirilib ki, ölkəmizdə gedən ümumi inkişafdan Qazax rayonuna da böyük pay düşür. Çıxış edən natiqlər bildiriblər ki, sərhədyanı rayon olan Qazaxın problemləri hər zaman ölkə Prezidenti cənab İlham Əliyevin diqqətindədir.
Daha sonra çıxış edən kənd sakinləri qeyd ediblər ki, cənab İlham Əliyev ötən 10 il ərzində Azərbaycan xalqının sevgisini, inamını qazanıb və oktyabrın 9-da keçiriləcək seçkilərdə xalqımızın seçimi cənab İlham Əliyev olacaq.
Pərviz SADAYOĞLU

Paylaş:

Baxılıb: 1212 dəfə