Prezident İlham Əliyevin liderliyi ilə Azərbaycan qarşıya qoyduğu məqsədlərə nail olub

Bakı:

16°C

82%

2m/s

Əlaqə

AZ RU EN

Ana səhifə / YAP xəbərləri / Prezident İlham Əliyevin liderliyi ilə Azərbaycan qarşıya qoyduğu məqsədlərə nail olub

Prezident İlham Əliyevin liderliyi ilə Azərbaycan qarşıya qoyduğu məqsədlərə nail olub

28.09.2013 [10:58]

Tərtər rayonunun Sarıcalı və Zolgörən kəndlərinin sakinləri də davamlı inkişaf naminə YAP-ın namizədinə səs verəcəklər
Yeni Azərbaycan Partiyası (YAP) Tərtər rayon təşkilatı qarşıdan gələn prezident seçkilərində partiyamızın namizədi cənab İlham Əliyevin təbliğat-təşviqat kampaniyasını uğurla davam etdirir. Kampaniya çərçivəsində dünən rayonun Sarıcalı və Zolgörən kəndlərində seçicilərlə növbəti görüşlər keçirilib.
Görüşləri giriş sözü ilə açan YAP Tərtər rayon təşkilatının sədri Ramiz Şabanov ölkəmizin vacib bir siyasi proses ərəfəsində olduğunu deyib. Bu prosesdə hər bir seçicinin fəallıq göstərməsinin zəruri olduğunu bildirən R.Şabanov əlavə edib ki, seçkilərdə cənab İlham Əliyevin qalib gələcəyinə kimsə şübhə etmir: “Azərbaycanda müşahidə edilən inkişaf prosesinə, görülən işlərə nəzər saldıqda ölkə ictimaiyyətində dövlət başçımıza olan yüksək rəğbətin heç də təsadüfi olmadığı bir daha aydın görünür. Prezident İlham Əliyevin ölkəyə rəhbərlik etdiyi 10 il ərzində Azərbaycan hər bir sahədə böyük inkişaf yolu keçib. Bütün sahələrdə görülən işlər, qazanılan uğurlar onu göstərir ki, Azərbaycan doğru yolda irəliləyir və xalqımız düzgün seçim edib. Bu yol Ulu öndər Heydər Əliyev yoludur. Ümummilli liderin əsasını qoyduğu inkişaf xətti Azərbaycan Respublikasının güclü dövlətə çevrilməsinə və əbədi mövcudluğuna, Azərbaycan xalqının rifahına, firavan yaşayışına və inkişafına görə dünya xalqları içərisində ön sıralarda dayanmasına hesablanıb”.
Seçicilər qarşısında çıxış edən YAP Tərtər rayon təşkilatı Aparatının rəhbəri Kamil Məmmədov deyib ki, Prezident İlham Əliyevin liderliyi ilə Azərbaycan qarşıya qoyduğu məqsədlərə nail olub: “Cənab İlham Əliyevin ölkəni idarə etdiyi dövrdə, bir zamanlar yalnız xəyal kimi görünən nəhəng enerji layihələri, ölkənin hər yerində abadlaşma, müasirləşmə, Azərbaycanın dünyada tanınması və milli maraqlara xidmət edən çoxsaylı digər məqsədlər artıq gerçəkliyə çevrilib”.
Çıxış edən təbliğat-təşviqat qrupunun üzvü Qədir Allahverdiyev, həmçinin, Sarıcalı kənd sakinləri-Ramiz Şirinov, Çimnaz Nuruyeva, Zolgörən kənd sakinləri - Ədibə Mustafayeva, Səttar Muradov ötən 10 il ərzində ölkəmizdə əldə edilən uğurların hər bir vətəndaşın həyatına müsbət təsir etdiyini bildiriblər. Çıxışlarda qeyd olunub ki, dövlətimizin uğurlarının davamlı olmasını istəyən hər bir Azərbaycan vətəndaşı, o cümlədən, tərtərlilər dövlət başçısı, Yeni Azərbaycan Partiyasının Sədri İlham Əliyevi alternativsiz lider kimi qəbul edir və Onun uğurla davam etdirdiyi siyasi və iqtisadi islahatlar kursunu tam dəstəkləyirlər. Natiqlər, eyni zamanda, 9 oktyabrda keçiriləcək prezident seçkilərində YAP-ın namizədinə səs verəcəklərini bəyan ediblər.
Nadir AZƏRİ

Paylaş:

Baxılıb: 936 dəfə