Tovuzda 5 Oktyabr — Müəllimlər Günü münasibətilə tədbir keçirilib

Bakı:

26 °C

61 %

7 m/s

Əlaqə

AZ RU EN

Ana səhifə / YAP xəbərləri / Tovuzda 5 Oktyabr — Müəllimlər Günü münasibətilə tədbir keçirilib

Tovuzda 5 Oktyabr — Müəllimlər Günü münasibətilə tədbir keçirilib

04.10.2025 [13:04]

Tovuzda 5 Oktyabr — Müəllimlər Günü münasibətilə tədbir keçirilib.

Tədbirdə YAP Tovuz rayon təşkilatının sədri Nihad Pənahov, Qazax–Tovuz Regional Təhsil İdarəsinin Tovuz Təhsil Sektorunun müdiri Aysel Quliyeva və partiya fəalları iştirak ediblər.

Tədbiri giriş sözü ilə açan YAP Tovuz rayon təşkilatının sədri Nihad Pənahov Azərbaycan müəlliminin xalqımızın intellektual potensialının formalaşmasında, gənc nəslin savadlı və vətənpərvər ruhda yetişməsində böyük xidmətləri olduğunu qeyd edib. O vurğulayıb ki, Azərbaycanın əldə etdiyi bütün nailiyyətlərin əsasında müəllimlərin fədakar əməyi dayanır.

Sədr çıxışında həmçinin bildirib ki, bütün bu uğurların təməlində 3 oktyabr 1993-cü il Ümummilli Lider Heydər Əliyevin xalqın təkidli tələbi ilə hakimiyyətə qayıdışı dayanır. Məhz həmin tarixdən sonra ölkədə sabitlik bərqərar olmuş, inkişafın yeni mərhələsinə qədəm qoyulmuş, təhsil sahəsi də dövlət siyasətinin əsas prioritet istiqamətlərindən birinə çevrilmişdir.

Nihad Pənahov çıxışında qeyd edib ki, dövlət başçısı cənab İlham Əliyevin rəhbərliyi ilə təhsilin inkişafı istiqamətində qarşıya qoyulan hədəflər ardıcıl və uğurla həyata keçirilir. Qəbul olunmuş dövlət proqramları və islahatlar nəticəsində təhsil müəssisələrinin maddi-texniki bazası möhkəmlənmiş, məktəblərdə əsaslı təmir işləri aparılmış, müasir tipli yeni təhsil ocaqları istifadəyə verilmişdir. O, həmçinin bu işlərdə birinci vitse-prezident Mehriban xanım Əliyevanın və Heydər Əliyev Fondunun müstəsna xidmətlərini xüsusi olaraq vurğulayıb.

Daha sonra çıxış edən Qazax–Tovuz Regional Təhsil İdarəsinin Tovuz Təhsil Sektorunun müdiri Aysel Quliyeva təhsil sahəsində aparılan islahatlardan və əldə olunan nəticələrdən danışıb. O, ümummilli lider Heydər Əliyevin “Mən yer üzündə müəllim adından yüksək bir ad tanımıram” kəlamını xatırladaraq bildirib ki, Ulu Öndər müəllim əməyini həmişə yüksək qiymətləndirib, onlara böyük hörmətlə yanaşıb və təhsil işçilərinin sosial rifahının yaxşılaşdırılması istiqamətində ardıcıl addımlar atıb.

Partiya fəalları çıxışlarda onlara göstərilən diqqətə və deyilən xoş sözlərə görə minnətdarlıqlarını bildirərək, bundan sonra da partiyanın fəaliyyətində daha böyük məsuliyyətlə iştirak edəcəklərini qeyd ediblər.

Tədbirin sonunda uzun müddət direktor vəzifəsində çalışaraq təqaüd yaşına çatmış, həmçinin yubiley yaşını qeyd edən müəllimlər hədiyyə və “Fəxri Fərman”larla təltif olunublar. Bununla yanaşı, partiya həyatında fəallığı ilə seçilən müəllimlərlə görüş keçirilmiş, onlara da təşəkkürnamələr təqdim olunub.

Paylaş:

Baxılıb: 719 dəfə