Xəzər rayonunda Yeni il münasibətilə bayram tədbiri təşkil olunub

Bakı:

25 °C

60 %

3 m/s

Əlaqə

AZ RU EN

Ana səhifə / YAP xəbərləri / Xəzər rayonunda Yeni il münasibətilə bayram tədbiri təşkil olunub

Xəzər rayonunda Yeni il münasibətilə bayram tədbiri təşkil olunub

30.12.2025 [16:48]

Dekabrın 29-da Xəzər Rayon İcra Hakimiyyəti və Yeni Azərbaycan Partiyası Xəzər rayon təşkilatının birgə təşkilatçılığı ilə “31 Dekabr – Dünya Azərbaycanlılarının Həmrəyliyi Günü” və qarşıdan gələn Yeni il münasibətilə bayram tədbiri təşkil olunub.

Tədbirdə Xəzər Rayon İcra Hakimiyyətinin başçısı, YAP Xəzər rayon təşkilatının sədri, ağsaqqallar, şəhid ailələrinin üzvləri, müharibə iştirakçıları və ictimaiyyət nümayəndələri iştirak ediblər.

Əvvəlcə Azərbaycan Respublikasının Dövlət Himni səsləndirilib, daha sonra müasir müstəqil Azərbaycan dövlətinin memarı və qurucusu Ulu Öndər Heydər Əliyevin, eləcə də Vətənimizin ərazi bütövlüyü və suverenliyi uğrunda canlarını fəda etmiş şəhidlərin əziz xatirəsi bir dəqiqəlik sükutla yad edilib.

Tədbirdə çıxış edən Xəzər Rayon İcra Hakimiyyətinin başçısı Elşən Salahov qeyd edib ki, bu gün Azərbaycanın qazandığı uğurlar ardıcıl və düşünülmüş dövlət siyasətinin nəticəsidir. Ulu Öndər Heydər Əliyevin müəyyən etdiyi inkişaf strategiyası ölkəmizin möhkəm əsaslar üzərində qurulmasını təmin edib. Prezident İlham Əliyevin rəhbərliyi ilə bu siyasətin uğurla davam etdirilməsi nəticəsində Azərbaycan tarixi Zəfərə imza ataraq ərazi bütövlüyünü və suverenliyini tam bərpa edib. Bildirilib ki, həm 44 günlük Vətən müharibəsi, həm də antiterror tədbirləri xalqımızın sarsılmaz birliyini və həmrəyliyini bir daha nümayiş etdirib.

YAP Xəzər rayon təşkilatının sədri Namiq Əhmədov çıxışında vurğulayıb ki, Ümummilli Lider Heydər Əliyevin 1993-cü ildə hakimiyyətə qayıdışı Azərbaycanın taleyində dönüş nöqtəsi olub. Onun siyasi kursunun Prezident İlham Əliyev tərəfindən müasir çağırışlara uyğun şəkildə davam etdirilməsi ölkəmizin iqtisadi gücünü artırıb, beynəlxalq arenada nüfuzunu möhkəmləndirib və tarixi ədalətin bərpasına yol açıb. Bu gün dövlət bayrağımızın azad edilmiş torpaqlarda dalğalanması milli qürurumuzun rəmzidir.

Şəhid Tural Abdullayevin atası Şakir Abdullayev və Təhsil İşçiləri Azad Həmkarlar İttifaqının Xəzər rayon Komitəsinin sədri Həzərxan Əbilov çıxış edərək qeyd etdi ki, güclü və qalib Azərbaycanın bugünkü reallıqları Heydər Əliyev yolunun məntiqi nəticəsidir. “Dəmir yumruq” ifadəsi xalq-dövlət birliyinin simvoluna çevrilərək Azərbaycanın gücünü bütün dünyaya nümayiş etdirdi. Vətən uğrunda canından keçən igidlərin qəhrəmanlığı gənc nəsil üçün əsl nümunədir. Onların həyat yolu milli ruhun, vətənpərvərliyin və dövlətə sədaqətin təcəssümüdür.

Daha sonra Yeni Azərbaycan Partiyasının inkişafında və rayonun ictimai-siyasi həyatında fəal iştirak edən şəxslər Fəxri Fərman və hədiyyələrlə təltif edilib.

Tədbir bədii-musiqi proqramı ilə davam edib, iştirakçılara bayram əhval-ruhiyyəsi bəxş olunub.

Paylaş:

Baxılıb: 454 dəfə