Qusarda Milli Qurtuluş Gününə həsr olunmuş ümumrayon tədbiri keçirilib

Bakı:

27 °C

54 %

7 m/s

Əlaqə

AZ RU EN

Ana səhifə / YAP xəbərləri / Qusarda Milli Qurtuluş Gününə həsr olunmuş ümumrayon tədbiri keçirilib

Qusarda Milli Qurtuluş Gününə həsr olunmuş ümumrayon tədbiri keçirilib

11.06.2026 [18:08]

Qusar rayon Heydər Əliyev Mərkəzində Qusar rayon İcra Hakimiyyəti və Yeni Azərbaycan Partiyası Qusar rayon təşkilatının birgə təşkilatçılığı ilə 15 İyun – Milli Qurtuluş Gününə həsr olunmuş “Milli Qurtuluşdan tarixi Zəfərə: Əbədiyaşar ideyaların təntənəsi” mövzusunda tədbir keçirilmişdir.Tədbirdən əvvəl Qusar Rayon İcra Hakimiyyətinin başçısı Sahir Məmmədxanov, Respublikası Milli Məclisinin deputatı, Vüqar Rəhimzadə,Yeni Azərbaycan Partiyası Qusar rayon təşkilatının sədri David İbramxəlilov, rayonun hüquq-mühafizə orqanlarının rəhbərləri, idarə, müəssisə və təşkilatların kollektivləri, eləcə də ictimaiyyət nümayəndələri Ümummilli Lider Heydər Əliyevin abidəsini ziyarət edərək önünə gül dəstələri düzüb, dahi rəhbərin əziz xatirəsinə ehtiramlarını ifadə ediblər.Tədbirdə əvvəlcə Ümummilli Lider Heydər Əliyevin və Azərbaycanın müstəqilliyi, suverenliyi və ərazi bütövlüyü uğrunda canlarından keçmiş şəhidlərin əziz xatirəsi bir dəqiqəlik sükutla yad edilib, Azərbaycan Respublikasının Dövlət Himni səsləndirilmişdir. Daha sonra Milli Qurtuluş Gününə həsr olunmuş videoçarx nümayiş olunub. Yeni Azərbaycan Partiyası Qusar rayon təşkilatının sədri David İbramxəlilov giriş nitqi ilə çıxış edərək Milli Qurtuluş Gününün Azərbaycan dövlətçiliyinin qorunub saxlanılmasında, ölkədə sabitliyin və inkişafın təmin edilməsində müstəsna rol oynadığını vurğuladı.Daha sonra Qusar rayon İcra Hakimiyyətinin başçısı Sahir Məmmədxanov çıxış edərək Milli Qurtuluş Gününün Azərbaycan xalqının taleyində mühüm dönüş nöqtəsi olduğunu, Ümummilli Lider Heydər Əliyevin rəhbərliyi ilə ölkəmizin inkişaf və tərəqqi yoluna qədəm qoyduğunu bildirib.Azərbaycan Respublikası Milli Məclisinin deputatı Vüqar Rəhimzadə çıxış edərək 15 İyun tarixinin müasir Azərbaycan dövlətçiliyinin xilası və möhkəmləndirilməsi baxımından müstəsna əhəmiyyət daşıdığını qeyd edib.Tədbirdə həmçinin Azərbaycanın Milli Qəhrəmanı Çingiz Qurbanovun atası Salman Qurbanov, Qarabağ müharibəsi Əlilləri, Veteranları və Şəhid Ailələri İctimai Birliyinin Qusar filialının sədri Canəli Hörmətov, Qusar Peşə Liseyinin direktoru Xatirə Nağıbəyova və Vətən müharibəsi veteranı İlkin Abuyev çıxış edərək Milli Qurtuluş Gününün Azərbaycanın müstəqilliyinin qorunması, dövlətçiliyin möhkəmləndirilməsi və ölkənin davamlı inkişafının təmin olunmasında müstəsna rol oynadığını bildiriblər.Sonda rayonun ictimai-siyasi həyatında fəal iştirak edən bir qrup şəxs mükafatlandırılıb, Yeni Azərbaycan Partiyasının sıralarına yeni qəbul olunmuş gənclərə üzvlük vəsiqələri təqdim edilmişdir.

Paylaş:

Baxılıb: 465 dəfə