İmişlidə “Sağlam seçim – sağlam gələcək” mövzusunda gənclərlə görüş keçirilib

Bakı:

27 °C

61 %

9 m/s

Əlaqə

AZ RU EN

Ana səhifə / YAP xəbərləri / İmişlidə “Sağlam seçim – sağlam gələcək” mövzusunda gənclərlə görüş keçirilib

İmişlidə “Sağlam seçim – sağlam gələcək” mövzusunda gənclərlə görüş keçirilib

24.07.2026 [18:12]

Yeni Azərbaycan Partiyası İmişli rayon təşkilatının və Mil-Muğan Regional Gənclər və İdman İdarəsinin İmişli rayonu üzrə gənclər və idman sektorunun birgə təşkilatçılığı ilə Gənclər və İdman Nazirliyinin yaradılmasının 32-ci ildönümü münasibətilə “Sağlam seçim – sağlam gələcək” mövzusunda gənclərlə görüş keçirilib.
Əvvəlcə Ulu Öndər Heydər Əliyevin və vətənimizin müstəqilliyi, suverenliyi və ərazi bütövlüyü uğrunda canlarını fəda etmiş şəhidlərimizin əziz xatirəsi bir dəqiqəlik sükutla yad edilib, ardınca Dövlət Himni səsləndirilib.
Tədbirdə Yeni Azərbaycan Partiyası İmişli rayon təşkilatının sədri Səfa Ağayev, Mil-Muğan Regional Gənclər və İdman İdarəsinin İmişli rayonu üzrə gənclər və idman sektorunun müdiri Ceyhun Əbdulov, əməkdaşlar, rayon ictimaiyyətinin nümayəndələri, məşqçilər və idmançılar iştirak edib.
Tədbirdə Yeni Azərbaycan Partiyası İmişli rayon təşkilatının sədri Səfa Ağayev, Mil-Muğan Regional Gənclər və İdman İdarəsinin İmişli rayonu üzrə gənclər və idman sektorunun müdiri Ceyhun Əbdulov, Yeni Azərbaycan Partiyası İmişli rayon təşkilatının sədr müavini Elnur Tağıyev, Mil-Muğan Regional Gənclər və İdman İdarəsinin İmişli rayonu üzrə gənclər və idman sektorunun aparıcı məsləhətçisi Səbinə Abdullayeva, İmişli Rayon Mərkəzi Xəstəxanasının psixoloqu Dilaram Nəsirova çıxış edərək Ulu Öndər Heydər Əliyevin əsasını qoyduğu dövlət gənclər siyasətindən, Prezident İlham Əliyev tərəfindən bu siyasətin uğurla davam etdirilməsindən, sağlam həyat tərzinin təbliği, zərərli vərdişlərdən uzaq durmağın əhəmiyyəti və gənclərin cəmiyyətin inkişafındakı rolu barədə fikirlərini iştirakçılarla bölüşüblər.
Psixoloq Dilaram Nəsirova tərəfindən iştirakçılar arasında interaktiv psixoloji test aparılıb. İştirakçılar testdə fəal iştirak edərək öz düşüncə tərzlərini, qərarvermə bacarıqlarını və sağlam seçimlərə münasibətlərini qiymətləndirmək imkanı qazanıblar.
Tədbirin bədii hissəsində tarda Ağakərim Əhmədovun müşayiəti ilə Azərbaycan Milli Konservatoriyası nəzdində Musiqi Kollecinin tələbəsi Nazlı Nəsirovanın musiqi ifası təqdim olunub.
Tədbirdə rayon gənclərinin ictimai fəallığının artırılmasında göstərdiyi xidmətə, rayonun idman həyatının inkişafında səmərəli fəaliyyətinə və uğurlu nəticələrə görə bir sıra şəxslər YAP İmişli rayon təşkilatı tərəfindən “Fəxri Fərman” və “Təşəkkürnamə” ilə təltif ediliblər.
Sonda Yeni Azərbaycan Partiyasının himni səsləndirilib.

Paylaş:

Baxılıb: 256 dəfə