Heydər Əliyev
yeni azerbaycan logo

Ana səhifə / YAP xəbərləri / Nizami rayonunun fəalları 7 saylı internat evinin uşaqlarını sevindirdilər

Nizami rayonunun fəalları 7 saylı internat evinin uşaqlarını sevindirdilər

27.09.2014 [10:34]

Sədaqət Vəliyeva: Fiziki və əqli qüsuru olan uşaqlar və böyüklər üçün dövlət tərəfindən davamlı olaraq diqqət və qayğı göstərilir
Nizami rayon İcra Hakimiyyətinin və Yeni Azərbaycan Partiyası (YAP) Nizami rayon təşkilatının birgə təşkilatçılığı ilə rayon fəalları müqəddəs Qurban bayramı ərəfəsində Saray qəsəbəsində yerləşən 7 saylı əqli və fiziki qüsurlu uşaqlar üçün internat evinin sakinlərini sevindiriblər.
YAP Nizami rayon təşkilatının Gənclər Birliyinin, Qadınlar Şurasının və rayon İH-in, bir sıra orta məktəblərin, mədəniyyət ocaqlarının nümayəndələri də internat evinin sakinlərinin görüşünə gəliblər.
İnternat evinin sakinləri ilə görüşün mahiyyətinə və mənəvi tərəflərinə toxunan YAP Nizami rayon təşkilatının sədri, Milli Məclisin deputatı Sədaqət Vəliyeva qarşıdan gələn müqəddəs Qurban bayramı münasibətilə internat evinin sakinlərini və əməkdaşlarını təbrik edib.
Qeyd edib ki, ölkəmizdə hər bir qəbildən olan insanlar, xüsusən də, fiziki və əqli qüsuru olan uşaqlar və böyüklər üçün dövlət tərəfindən davamlı olaraq diqqət və qayğı göstərilir.
Sədaqət Vəliyeva əsası Ulu öndər Heydər Əliyev tərəfindən qoyulan dövlətçiliyimizdə bütün sahələrə göstərilən diqqətin böyük önəm kəsb etdiyini vurğulayıb. Bildirib ki, Ulu öndərimizin layiqli davamçısı olan Prezident İlham Əliyev həmişə ölkədə uşaqlara diqqət və qayğı ilə yanaşıb, onların problemlərinin həlli istiqamətində konkret addımlar atılıb. Məhz bunun bariz nümunəsi olaraq, 2009-cu ilin Prezident İlham Əliyev tərəfindən “Uşaq ili” elan edilməsinin də bu istiqamətdə atılan addımların yüksək göstəricisi olduğunu bildirən təşkilat sədri ölkəmizin aparıcı siyasi partiyası olan Yeni Azərbaycan Partiyası tərəfindən də bu cür xeyriyyə işlərinin davam etdirildiyini diqqətə çatdırıb.
Fiziki və əqli qüsuru olan uşaqlar qarşısında çıxış edən digər qonaqlar da onları bayram münasibətilə təbrik ediblər.
Öz növbəsində, 7 saylı internat evinin rəhbərliyi onları belə bir gündə yad edərək, görüşə gəldiklərinə görə qonaqlara dərin minnətdarlığını bildirib.
Maraqlı konsert və şən klounların proqramları ilə başa çatan görüş internat sakinlərinin çöhrəsində böyük sevincə səbəb olub.

Paylaş:
Baxılıb: 788 dəfə

Xəbər lenti

Hamısına bax

Gündəm

Analitik

Xəbər lenti

YAP xəbərləri

MEDİA

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30