Seçicilər abadlığa və quruculuğa səs verəcəklər

Bakı:

16°C

82%

2m/s

Əlaqə

AZ RU EN

Ana səhifə / YAP xəbərləri / Seçicilər abadlığa və quruculuğa səs verəcəklər

Seçicilər abadlığa və quruculuğa səs verəcəklər

11.12.2014 [10:23]

Yeni Azərbaycan Partiyası (YAP) Şirvan şəhər təşkilatının bələdiyyə seçkiləri ilə bağlı təbliğat kampaniyası davam edir. Bu münasibətlə dünən rayonda namizədlikləri irəli sürülmüş qadınlar və partiya fəalları ilə geniş tərkibdə görüş keçirilib. Görüşdə YAP Siyasi Şurasının üzvü, “İki sahil” qəzetinin baş redaktoru Vüqar Rəhimzadə, YAP Qadınlar Şurasının üzvü Məleykə Ağayeva iştirak ediblər.
Partiyanın Şirvan şəhər təşkilatının sədri Əbülhəsən İbrahimov tədbiri giriş nitqi ilə açaraq təbliğat kampaniyası dövründə aparılan işlər barədə ümumi məlumat verib. Bildirilib ki, YAP Şirvan şəhər təşkilatı tərəfindən Şirvan şəhər və Hacıqəhrəmanlı qəsəbəsi üzrə 26 nəfər partiya üzvünün namizədliyi irəli sürülüb. Əvvəlki seçkilərdə olduğu kimi şirvanlılar bu dəfə də partiyanın namizədlərini dəstəkləyəcəklər.
Tədbirdə çıxış edən YAP Siyasi Şurasının üzvü, “İki sahil” qəzetinin baş redaktoru Vüqar Rəhimzadə cəmiyyətdə qadınların artan rolundan danışaraq bildirib ki, Azərbaycan qadını bu gün ölkəmizin siyasi, mədəni, ictimai həyatında mühüm yer tutur və partiyamız bundan sonra da bu tendensiyanın genişlənməsi üçün zəruri tədbirlər həyata keçirəcək.
V.Rəhimzadə bildirib ki, sürətli iqtisadi inkişaf ölkəmizi qüdrətli dövlətə çevirmiş, vətəndaşlarımızın sosial-rifah halı daim yüksəlmişdir. Təbii ki, ölkədəki iqtisadi uğurları görən seçici birmənalı şəkildə YAP-ın namizədlərini dəstəkləmək istəyində olur.
V.Rəhimzadə çıxışında şirvanlı xanımları bu seçkilərdə də fəal olmağa səsləyib. O xüsusi vurğulayıb ki, bu bələdiyyə seçkilərində namizəd qadınların və gənclərin sayının artması ölkədə gender siyasətinin daha da genişlənməsi və gənclərə olan dövlət qayğısının bir nümunəsidir: “Ona görə də inanıram ki, qələbə qazanan hər bir namizədimiz gələcəkdə onlara göstərilən etimadı öz əməli işləri ilə doğruldacaqlar”.
YAP Qadınlar Şurasının üzvü Məleykə Ağayeva tədbirdəki çıxışında vurğulayıb ki, son 10-15 ildə Azərbaycanda dövlət idarəçiliyində, o cümlədən yerli özünüidarəetmə sahəsində ciddi islahatlar aparılıb. Daim irəliyə addımlayan ölkəmizdə bütün proseslər zamanın tələbinə, dövrün çağırışına uyğun tənzimlənir. Bu uğurlar bütün sahələrdə olduğu kimi bələdiyyələrin fəaliyyətində də hiss olunur. Yerli özünüidarəetmə orqanı olan bələdiyyələr ölkəmizin inkişafında daha yaxından iştirak etmək üçün beynəlxalq təcrübədən də istifadə etməlidir. Güman edirik ki, YAP-ın namizədləri, xüsusən də qadın namizədləri nəinki qalib olacaqlar, hətta seçkidən sonra qəsəbə və kəndlərin abadlaşması üçün ciddi layihələr həyata keçirəcəklər.
Bələdiyyə üzvlüyünə namizəd Nəmidə Nəmini qeyd edib ki, bələdiyyələrin ölkənin siyasi, ictimai həyatında fəaliyyəti, həyata keçirdiyi tədbirlərin və layihələrin əhəmiyyəti olduqca önəmlidir. Ona görə də biz qadınlar üçün yeni fəaliyyət imkanları olan bələdiyyələri ölkənin ən işlək strukturuna çevirmək hər kəsin vətəndaşlıq borcudur.
O sonda namizədlərin adından partiyanın onlara göstərdiyi etimada görə təşəkkürünü bildirib və seçkidə qələbə çalacaqlarına əminliyini ifadə edib.

Paylaş:

Baxılıb: 729 dəfə