Oğuz seçiciləri rifah və quruculuq naminə növbəti dəfə YAP-a etimad göstərəcəklər

Bakı:

12 °C

76 %

1 m/s

Əlaqə

AZ RU EN

Ana səhifə / YAP xəbərləri / Oğuz seçiciləri rifah və quruculuq naminə növbəti dəfə YAP-a etimad göstərəcəklər

Oğuz seçiciləri rifah və quruculuq naminə növbəti dəfə YAP-a etimad göstərəcəklər

19.12.2014 [09:34]

YAP Oğuz rayon təşkilatı gənclərlə və ilk dəfə səs verəcək seçicilərlə görüş keçirib
Dekabrın 18-də Yeni Azərbaycan Partiyası (YAP) Oğuz rayon təşkilatı gənclərlə və ilk dəfə səs verən seçicilərlə görüş keçirib. Tədbirdə “Yeni Azərbaycan” qəzetinin baş redaktoru Hikmət Babaoğlu, YAP Mərkəzi Aparatının məsul işçisi Emil Abasov iştirak ediblər.
Tədbiri giriş sözü ilə açan YAP Oğuz rayon təşkilatının sədri Saleh Məhərrəmov rayon təşkilatının bələdiyyə seçkilərində fəaliyyət proqramına uyğun olaraq gördüyü işlər barədə məlumat verib. Qeyd olunub ki, görülmüş operativ tədbirlərin fonunda artıq rayon seçkilərə tam hazırdır: “Bütün məntəqələr üzrə partiya tərəfindən müvafiq olaraq müşahidəçilər və məşvərətçi səs hüquqlu komissiya üzvləri müəyyənləşdirilib, onlara seçki günü görəcəkləri işlər barədə seminarlar keçirilib. Qrafik üzrə təbliğat-təşviqat işləri də uğurla davam etdirilir”.
YAP Mərkəzi Aparatının məsul işçisi Emil Abasov isə ümumxalq partiyası olan YAP-ın keçdiyi zəngin və şərəfli inkişaf yolundan bəhs edib. Qeyd edib ki, Ümummilli lider Heydər Əliyevin qurucusu olduğu Yeni Azərbaycan Partiyası Azərbaycanın inkişafı naminə misilsiz xidmətlər göstərib. Diqqətə çatdırılıb ki, ölkəmiz bu gün Azərbaycan Prezidenti, YAP-ın Sədri İlham Əliyevin rəhbərliyi ilə inkişaf yolunda irəliləyir: “Prezident İlham Əliyev gəncliyin inkişafına böyük önəm verir. Elə bələdiyyə seçkilərində də gənclərin önə çəkilməsi buna bariz nümunədir. Əminliklə deyə bilərəm ki, bu seçkilərdə də Yeni Azərbaycan Partiyası elə siz gənclərin iştirakı və fəallığı ilə növbəti dəfə qələbə qazanacaq”.
Daha sonra çıxış edən “Yeni Azərbaycan” qəzetinin baş redaktoru Hikmət Babaoğlu qeyd edib ki, Yeni Azərbaycan Partiyası yaranma zərurəti, inkişaf tarixi, partiyaya rəhbərlik edən şəxslər və partiyanın tərkibi baxımından cəmiyyətimizdə fəaliyyət göstərən digər partiyalardan müsbət mənada fərqlənib. Ümummilli lider Heydər Əliyevin banisi olduğu Yeni Azərbaycan Partiyasının fəaliyyətinin Azərbaycanda milli həmrəyliyi və bütövlüyü, ictimai-siyasi sabitliyi, sürətli inkişafı təmin etdiyini deyən baş redaktor əlavə edib ki, bu gün cəmiyyətimizin hər bir sağlam düşüncəli nümayəndəsi, o cümlədən, gənclər Yeni Azərbaycan Partiyasına üz tuturlar: “Yeni Azərbaycan Partiyasının fəaliyyətinin uğurlu nəticələrini göstərən faktlardan biri də budur ki, partiyamız 1993-cü ildən etibarən keçirilən bütün seçkilərdə qələbə qazanıb. Əminliklə deyə bilərəm ki, qarşıdan gələn bələdiyyə seçkilərində də partiyamızın namizədləri qalib olacaqlar. Bu seçkilərdə gənclərimiz daha fəal olmalı, gənc namizədlərin bələdiyyələrdə daha çox təmsil olunmaları üçün inamla mübarizə aparmalıdırlar”.
Tədbirdə Oğuz rayon Ağsaqqallar Şurasının sədri Cuma Cumayev bildirib ki, Ulu öndər Heydər Əliyevin uzaqgörən siyasi kursunun layiqli davamçısı olan Prezident İlham Əliyevin rəhbərliyi ilə ölkəmiz, o cümlədən, Oğuz rayon gündən-günə inkişaf edir. Seçicilərimiz də məhz bu inkişafa, sabitliyə səs verməklə növbəti dəfə Yeni Azərbaycan Partiyasının namizədlərinə etimad göstərəcəklər.
YAP tərəfindən namizədliyi irəli sürülmüş Akif Nəsirov, Zaur Əzizov və Tünzalə Abduləzizova çıxış ediblər. Onlar seçiciləri Azərbaycanın daha da inkişafı və çiçəklənməsi naminə YAP-ın namizədlərinə səs verməyə çağırıblar.
Nurlan QƏLƏNDƏRLİ

Paylaş:

Baxılıb: 856 dəfə