Heydər Əliyev
yeni azerbaycan logo

Ana səhifə / YAP xəbərləri / YAP Ağdam rayon təşkilatı Gənclər Birliyinin IV konfransı keçirilib

YAP Ağdam rayon təşkilatı Gənclər Birliyinin IV konfransı keçirilib

04.03.2015 [09:58]

Martın 3-də Yeni Azərbaycan Partiyası (YAP) Ağdam rayon təşkilatı Gənclər Birliyinin IV konfransı keçirilib. Konfransda Azərbaycan Respublikası Prezidenti Administrasiyasının İctimai-siyasi məsələlər şöbəsinin sektor müdiri, YAP Siyasi Şurasının üzvü Qafar Əliyev, Ağdam rayon İcra Hakimiyyətinin başçısı Raqub Məmmədov, YAP Mərkəzi Aparatının məsul işçisi Araz Xudadanov, YAP Ağdam rayon təşkilatının sədri İsgəndər Quliyev iştirak ediblər.
Tədbir iştirakçıları öncə Ulu öndər Heydər Əliyevin abidəsi önünə gül dəstələri düzərək, xatirəsini ehtiramla yad ediblər.
Daha sonra konfrans Ağdam Musiqi Kollecinin zalında davam etdirilib. Konfransı YAP Ağdam rayon təşkilatının sədri İsgəndər Quliyev açaraq ölkəmizdə həyata keçirilən gənclər siyasəti barədə məlumat verib.
Sonra çıxış edən Azərbaycan Respublikası Prezidenti Administrasiyasının İctimai-siyasi məsələlər şöbəsinin sektor müdiri, YAP Siyasi Şurasının üzvü Qafar Əliyev, Ağdam rayon İcra Hakimiyyətinin başçısı Raqub Məmmədov, YAP Mərkəzi Aparatının məsul işçisi Araz Xudadanov Azərbaycan dövlətinin gənclərə göstərdiyi diqqət və qayğıdan, Ulu öndər Heydər Əliyevin təməlini qoyduğu dövlət gənclər siyasətinin Prezident İlham Əliyev tərəfindən uğurla davam etdirilməsindən, ölkəmizin sosial-iqtisadi, ictimai-mədəni, eləcə də, idman həyatında gənclərin fəaliyyətindən danışıblar. Bildirilib ki, YAP Gənclər Birliyi respublikamızın öndə gedən gənclər təşkilatıdır. Partiya üzvlərinin 254 min nəfərini gənclər təşkil edir.
Tədbirdə, həmçinin, YAP Ağdam rayon təşkilatı Gənclər Birliyinin hesabatı dinlənilib. Məlumat verilib ki, rayon təşkilatının 5927 nəfər üzvündən 1741-i gənclərdir. Hesabat ətrafında rayon Gənclər və İdman İdarəsinin rəisi Elnur Əhmədov, Ağdam rayon Quzanlı qəsəbə ərazi nümayəndəsi Xəyalə Əliyeva, partiya fəalı Elmir Rüstəmov çıxış ediblər.
Sonra təşkilati məsələlərə baxılıb. YAP Ağdam rayon təşkilatı Gənclər Birliyinin 21 nəfərdən ibarət şurası, 11 nəfərdən ibarət İdarə Heyətinin üzvləri seçilib. İştirakçıların yekdil rəyi ilə Azər Əliyev YAP Ağdam rayon təşkilatı Gənclər Birliyinin sədri seçilib. Konfransda YAP Gənclər Birliyinin respublika konfransına nümayəndələr də seçilib. Konfransda YAP-ın sıralarına yeni qəbul olunan gənclərə üzvlük vəsiqəsi təqdim edilib.

Paylaş:
Baxılıb: 843 dəfə

Xəbər lenti

Hamısına bax

YAP xəbərləri

YAP xəbərləri

YAP xəbərləri

YAP xəbərləri

YAP xəbərləri

İqtisadiyyat

YAP xəbərləri

Gündəm

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30