YAP Goranboy rayon təşkilatı “Müasir Azərbaycanın qurucusu” mövzusunda tədbir keçirib

Bakı:

11 °C

82 %

7 m/s

Əlaqə

AZ RU EN

Ana səhifə / YAP xəbərləri / YAP Goranboy rayon təşkilatı “Müasir Azərbaycanın qurucusu” mövzusunda tədbir keçirib

YAP Goranboy rayon təşkilatı “Müasir Azərbaycanın qurucusu” mövzusunda tədbir keçirib

09.05.2015 [12:23]

Yeni Azərbaycan Partiyası (YAP) Goranboy rayon təşkilatı Ulu öndər Heydər Əliyevin anadan olmasının 92-ci ildönümü münasibəti ilə “Müasir Azərbaycanın qurucusu” mövzusunda tədbir keçirib. Tədbir iştirakçıları öncə Ümummilli lider Heydər Əliyevin büstü önünə tər güllər qoyublar, xatirəsinə ehtiramlarını ifadə ediblər.
Tədbir çərçivəsində Ümummilli lider Heydər Əliyevin həyat və fəaliyyətinə həsr edilmiş videoçarxa baxılıb.
Tədbiri giriş sözü ilə açan YAP Goranboy rayon təşkilatının sədri Elçin İsmayılov deyib ki, məhz Ulu öndər Heydər Əliyevin yorulmaz fəaliyyəti və xilaskarlıq missiyası sayəsində Azərbaycanın müstəqilliyinin dönməzliyi təmin olundu. E.İsmayılov əlavə edib ki, Ümummilli liderimizin rəhbərliyi ilə Yeni Azərbaycan Partiyasının yaradılması Azərbaycanın siyasi tarixində müstəsna hadisə kimi qiymətləndirilir: “Ulu öndər Heydər Əliyevin siyasi kursu, inkişaf siyasəti hazırda ölkə Prezidenti İlham Əliyev tərəfindən uğurla davam etdirilir”.
Goranboy rayon İcra Hakimiyyətinin başçısı Nizaməddin Quliyev isə diqqətə çatdırıb ki, Ümummilli lider Heydər Əliyevin 1993-cü ildə xalqın təkidli tələbi ilə 2-ci dəfə hakimiyyətə qayıdışından sonra dövlətçilik tarixinin yeni mərhələsinin, müstəqilliyi əbədiləşdirən uğurlu yolun təməli qoyuldu. Ümummilli liderin misilsiz xidmətləri sayəsində Azərbaycan sabitliyin təmin olunduğu və davamlı inkişaf edən ölkəyə çevrildi: “Bu gün Azərbaycan Ulu öndər Heydər Əliyevin müəyyən etdiyi siyasət əsasında inkişaf edir. Prezident İlham Əliyev Heydər Əliyev siyasətini uğurla davam etdirir və bunun nəticəsində də ölkəmiz böyük nailiyyətlər qazanmaqdadır”.
YAP Goranboy rayon təşkilatının sədr müavini Əzra Həşimova isə bildirib ki, Ümummili lider Heydər Əliyevin Azərbaycan xalqı və dövləti qarşısında xidmətləri misilsizdir: “Müstəqil Azərbaycan dövlətinin banisi Ulu öndər Heydər Əliyev fəaliyyətinin hər bir məqamı ilə xalqın, dövlətin, cəmiyyətin və onun üzvlərinin mənafeyinə xidmət etmiş, Azərbaycan dövlətinin və xalqının bütövlüyü uğrunda fədakarlıqla çalışmış, müstəqilliyimizin möhkəmləndirilməsi, dövlətçiliyimizin inkişafı, xalqın rifah halının daha da yaxşılaşdırılması üçün tarixi işlər görmüşdür”.
Rayon mədəniyyət və turizm şöbəsi ilk partiya təşkilatının sədri Gündüz Hacıyev, Goranboy rayon Ağsaqqallar Şurasının sədri Məzahir Zeynalov, YAP Goranboy rayon təşkilatı Qadınlar Şurasının sədri Zülfiyə Qarayeva çıxış edərək Ümummilli lider Heydər Əliyevin xalqımız qarşısındakı xidmətlərindən danışıblar. Bildirilib ki, Ulu öndər Heydər Əliyevin əsasını qoyduğu siyasət uğurla davam və inkişaf etdirilir.
Tədbirin sonunda partiya sıralarına qoşulmuş bir qrup gəncə YAP-ın üzvlük vəsiqəsi təqdim olunub.
Nurlan QƏLƏNDƏRLİ

Paylaş:

Baxılıb: 826 dəfə