Heydər Əliyev
yeni azerbaycan logo

Ana səhifə / YAP xəbərləri / YAP-ın 11 saylı Qaradağ Seçki Dairəsi üzrə namizədi Aydın Hüseynov Səngəçal qəsəbəsində seçicilərlə görüşüb

YAP-ın 11 saylı Qaradağ Seçki Dairəsi üzrə namizədi Aydın Hüseynov Səngəçal qəsəbəsində seçicilərlə görüşüb

21.10.2015 [10:25]

Azərbaycan Respublikası Milli Məclisinə keçiriləcək seçkilərdə Yeni Azərbaycan Partiyası (YAP) tərəfindən 11 saylı Qaradağ Seçki Dairəsi üzrə namizədliyi irəli sürülmüş Hüseynov Aydın Nəsir oğlunun təbliğat-təşviqat kampaniyası çərçivəsində seçicilərlə növbəti görüşü dünən Səngəçal qəsəbəsində keçirilib. Görüşdə çıxış edən təbliğat qrupunun üzvləri əvvəlcə ölkəmizdə həyata keçirilən uğurlu siyasət və onun nəticələri barədə məlumat verib, həmçinin YAP-ın ölkəmizin inkişafındakı rolundan danışıblar. Görüşdə Aydın Hüseynovun fəaliyyəti haqqında seçicilərə geniş məlumat verilib, vəkillər qəsəbə sakinlərini noyabrın 1-də seçki məntəqələrinə gələrək YAP-ın namizədi Aydın Hüseynova səs verməyə çağırıblar.
Tədbirdə çıxış edən 11 saylı Qaradağ Seçki Dairəsi üzrə Yeni Azərbaycan Partiyasının namizədi Aydın Hüseynov əvvəlcə görüşə gələn seçicilərə minnətdarlıq edib. O, daha sonra Azərbaycanda Prezident İlham Əliyevin rəhbərliyi ilə həyata keçirilən iqtisadi siyasətin fonunda ölkəmizin qazandığı nailiyyətləri diqqətə çatdırıb, YAP-ın ötən 23 ildə fəaliyyəti ilə bu nailiyyətlərin əldə olunmasına böyük töhfələr verdiyini bildirib.
Aydın Hüseynov millət vəkili seçiləcəyi təqdirdə görəcəyi işlər barədə görüş iştirakçılarına məlumat verib. Görüşdə çıxış edən qəsəbə sakinləri - Ramiz Hüseynov, Hacı Şirinbala, Hacı Mirtağı, Faiq Abdullayev, Fətullah Bədirov, Əhməd Əhmədov, Zöhrab Babayev və digərləri YAP-ın namizədi Aydın Hüseynovun uzun illərdir bu rayonda fəaliyyət göstərdiyini, Qaradağın ictimai-siyasi həyatında kifayət qədər fəal iştirak etdiyini, öz müsbət insani keyfiyyətləri və fəaliyyəti ilə seçicilərin rəğbətini qazandığını vurğulayıblar. Görüşdə bir daha qeyd olunub ki, Səngəçal sakinlərinin qarşıdan gələn parlament seçkilərində seçimi məhz qələbələr partiyası olan YAP-ın namizədi Aydın Hüseynov olacaq.

Paylaş:
Baxılıb: 724 dəfə

Xəbər lenti

Hamısına bax

Siyasət

Siyasət

Mədəniyyət

MEDİA

Analitik

Ədəbiyyat

Sosial

İqtisadiyyat

YAP xəbərləri

YAP xəbərləri

YAP xəbərləri

YAP xəbərləri

YAP xəbərləri

YAP xəbərləri

İqtisadiyyat

YAP xəbərləri

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30