YAP-ın deputatlığa namizədi Bahar Muradova Füzuli rayonunun Alıxanlı kəndində seçiciləri ilə görüşüb

Bakı:

23 °C

47 %

1 m/s

AZ RU EN

Ana səhifə / YAP xəbərləri / YAP-ın deputatlığa namizədi Bahar Muradova Füzuli rayonunun Alıxanlı kəndində seçiciləri ilə görüşüb

YAP-ın deputatlığa namizədi Bahar Muradova Füzuli rayonunun Alıxanlı kəndində seçiciləri ilə görüşüb

27.10.2015 [09:58]

Yeni Azərbaycan Partiyasının (YAP) 84 saylı Füzuli Seçki Dairəsindən deputatlığa namizədi, Milli Məclisin sədr müavini, YAP-ın İdarə Heyətinin üzvü Bahar Muradovanın Füzuli rayonunun Alıxanlı kəndində seçiciləri ilə görüşü keçirilib. Görüşdə namizədin vəkilləri - elmlər doktoru, professor Rəna Mirzəzadə və elmlər doktoru, professor, sabiq millət vəkili Məmməd Məmmədov çıxış ediblər. Onlar Bahar Muradovanın Milli Məclisdəki fəaliyyəti dövründə gördüyü əhəmiyyətli işlər haqqında görüş iştirakçılarına geniş məlumat veriblər. Vəkillər, həmçinin sakinləri seçkidə fəal olmağa, YAP-ın namizədinə səs verməyə çağırıblar.
Daha sonra deputatlığa namizəd Bahar Muradova seçiciləri qarşısında çıxış edərək görüşə gələn hər bir sakinə təşəkkürünü bildirib və hər kəsi Prezident İlham Əliyevin ətrafında sıx birləşməyə səsləyib. Bahar Muradova YAP-ın namizədinə veriləcək hər bir səsin Azərbaycanın inkişafı üçün xüsusi əhəmiyyət kəsb etdiyini vurğulayıb: “Əminəm ki, siz YAP-ın yeni hədəflərə doğru addımlayan namizədlərini dəstəkləyərək gələcək uğurlarımıza töhfə vermiş olacaqsınız. Hər birinizin səsi Azərbaycanın inkişafına dəstəkdir”.
Bahar Muradova sakinlərə əminliklə bildirib ki, ölkə başçımızın apardığı düzgün siyasət nəticəsində Dağlıq Qarabağ münaqişəsi də tezliklə Azərbaycan xalqının ərazi bütövlüyü çərçivəsində həll ediləcək. “Hər birimizi birləşdirən tək mövqe vətəndaşlıq mövqeyidir. Hər birinizi Ulu öndərimiz Heydər Əliyevin yolu və izi ilə addımlamağa səsləyirəm”, - deyə Bahar Muradova qeyd edib.
Görüşdə kənd sakinlərindən Kərəm Alıyev, Pənah Hüseynov, Mətləb Quliyev, şəhid atası Vəliyad İsmayılov çıxış edərək rayonda məcburi köçkünlərin sosial məsələlərinin həll olunmasında göstərdiyi dəstək və qayğıya görə Bahar Muradovaya təşəkkürlərini bildiriblər. Çıxış edənlər həmkəndlilərini onları parlamentdə layiqincə təmsil edən, haqq səslərinin dünyaya çatdırılmasında əvəzsiz xidmətlərini əsirgəməyən Bahar Muradovaya səs verməyə çağırıblar.
Sonda hər kəs Bahar Muradovaya qarşıdakı seçkidə uğurlar arzulayıb. Deputatlığa namizəd Bahar Muradova da, öz növbəsində, seçicilərinin ona göstərdikləri isti münasibətə, səmimiyyətə görə təşəkkür edib.
Görüşdən sonra Bahar Muradova kənd sakinlərinin hər birinin ayrı-ayrılıqda qayğı və problemləri ilə maraqlanıb, səslənən problemlərlə bağlı elə yerindəcə tədbirlər görüb.

Paylaş:

Baxılıb: 812 dəfə