Heydər Əliyev
yeni azerbaycan logo

Ana səhifə / YAP xəbərləri / YAP zamanın tələbi və xalqın istəyi ilə yaranan partiyadır

YAP zamanın tələbi və xalqın istəyi ilə yaranan partiyadır

14.10.2017 [09:42]

Yeni Azərbaycan Partiyasının yaranmasının 25-ci ildönümü ilə əlaqədar Tərtərdə silsilə tədbirlər davam edir
Yeni Azərbaycan Partiyasının (YAP) yaranmasının 25-ci ildönümü ilə əlaqədar YAP Tərtər rayon təşkilatının ərazi ilk partiya təşkilatlarında silsilə tədbirlərin keçirilməsi davam edir. Bu silsilədən olan növbəti tədbir Təhsil şöbəsi ərazi ilk partiya təşkilatında keçirilib.
Rayon təşkilatından verilən məlumata görə, öncə Ulu öndər Heydər Əliyevin xatirəsi bir dəqiqəlik sükutla yad edilib, YAP-ın keçdiyi yola dair video-rolik nümayiş etdirilib.
Tədbirdə çıxış edən YAP Tərtər rayon təşkilatının sədri Ramiz Şabanov partiyanın yarandığı tarixi şəraitdən, keçdiyi şərəfli yoldan, YAP-ın qurucusu Ümummilli lider Heydər Əliyevin xilaskarlıq missiyasından ətraflı bəhs edib. Vurğulanıb ki, məhz Ulu öndər Heydər Əliyevin uzaqgörən siyasəti nəticəsində Azərbaycan dövləti parçalanmadan, anarxiya, xaos və tənəzzüldən qurtularaq bugünkü vəziyyətə gəlib çıxıb. Qeyd olunub ki, nail olduğumuz müstəqillik bu gün möhtərəm Prezidentimiz, YAP-ın Sədri cənab İlham Əliyevin yürütdüyü daxili və xarici siyasət nəticəsində daha da möhkəmlənib, Azərbaycanın müstəqilliyi əbədilik qazanıb.
“YAP zamanın tələbi və xalqın istəyi ilə yaranan partiyadır”, - deyən Ramiz Şabanov onu da bildirib ki, partiyamızın sıralarına qoşulanların böyük əksəriyyətinin gənclərdən ibarət olması, Yeni Azərbaycan Partiyasının zamanın, dövrün tələblərinə uyğun olaraq yenilənməsi doğma Azərbaycanımızın gələcəkdə də etibarlı əllərdə olacağından xəbər verir.
Qeyd edək ki, partiyanın yaranmasının 25-ci ildönümü münasibətilə YAP Tərtər rayon təşkilatı Mədəniyyət və Turizm İdarəsi, Uşaq Musiqi Məktəbi, Zülfüqaroğlu MMC, rayon Statistika İdarəsi, Kommunal Təsərrüfat İdarəsi və Hava Məlumat Bürosu ərazi ilk partiya təşkilatlarında da tədbirlər keçirilib. Tədbirlərdə çıxış edənlər bildiriblər ki, YAP ölkəmizdə bütün sahələrdə həyata keçirilən işlərdə öz üzərinə düşən vəzifənin öhdəsindən layiqincə gəlib, yarandığı gündən xalqın inam və etibarını qazanaraq, bütün seçkilərin qalibi olub.

Paylaş:
Baxılıb: 603 dəfə

Xəbər lenti

Hamısına bax

YAP xəbərləri

İqtisadiyyat

Siyasət

Siyasət

Mədəniyyət

MEDİA

Analitik

Ədəbiyyat

Sosial

İqtisadiyyat

YAP xəbərləri

YAP xəbərləri

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30