YAP Binəqədi rayon təşkilatının təşkilatçılığı ilə Yeni Azərbaycan Partiyasının yaradılmasının 25 illiyinə həsr olunmuş təntənəli tədbir keçirilib

Bakı:

11°C

87%

3m/s

AZ RU EN

Ana səhifə / YAP xəbərləri / YAP Binəqədi rayon təşkilatının təşkilatçılığı ilə Yeni Azərbaycan Partiyasının yaradılmasının 25 illiyinə həsr olunmuş təntənəli tədbir keçirilib

YAP Binəqədi rayon təşkilatının təşkilatçılığı ilə Yeni Azərbaycan Partiyasının yaradılmasının 25 illiyinə həsr olunmuş təntənəli tədbir keçirilib

21.11.2017 [09:54]

Noyabrın 17-də Yeni Azərbaycan Partiyası (YAP) Binəqədi rayon təşkilatının təşkilatçılığı ilə Yeni Azərbaycan Partiyasının yaradılmasının 25 illiyinə həsr olunmuş təntənəli tədbir keçirilib.
Tədbiri giriş nitqi ilə açan YAP Binəqədi rayon təşkilatının sədri Ramiz Göyüşov qonaqları salamlayaraq qeyd edib ki, 25 il bundan öncə Yeni Azərbaycan Partiyasının təsis edildiyi bu günlərdə Azərbaycan dərin ictimai-siyasi böhran məngənəsində çabalayırdı. Bir tərəfdən ölkədə hakimiyyəti zəbt edən antimilli, bacarıqsız, lakin özündən müştəbeh rəhbərlərin səriştəsizliyi, bir tərəfdən ölkənin şimalında və cənubunda baş verən separatçılıq meyilləri, bir tərəfdən ölkəmizdə baş verən vətəndaş müharibəsi, cəbhə xəttindəki uğursuz əməliyyatlar torpaqlarımızın işğalına səbəb olmuş Azərbaycanın son dərəcə kövrək olan müstəqilliyini təhlükə altına salmışdı. Ölkədə xaos hökm sürürdü, əhali arasında sabaha ümidsizlik və ruh düşkünlüyü yaranmışdı. Belə bir zamanda ölkə əhalisinin əksər hissəsinin son ümidi o zaman Naxçıvanda yaşayan Heydər Əliyevə idi. Hər zaman olduğu kimi, bu dəfə də Ulu öndər dövlətin ağır günündə xalqın təkidli çağırışlarına biganə qalmadı. Bax o zaman Ulu öndər ölkə ziyalılarının çağırışına səs verdi və Yeni Azərbaycan Partiyası yarandı. 1993-cü ildə xalqın təkidli tələbi ilə hakimiyyətə gələn Ümummilli lider Heydər Əliyev, ilk növbədə, ölkədə hökm sürən xaos və anarxiyanın qarşısını aldı, vətəndaş qarşıdurmasını aradan qaldırdı. Ramiz Göyüşov tarixi hadisələr barədə geniş arayış verərək bu gün ölkəmizin sürətlə inkişaf etdiyini və dünyanın böyük nüfuz, söz sahibi olduğunu diqqətə çatdırıb.
Tədbirdə çıxış edən Milli Məclisin komitə sədri, YAP İdarə Heyətinin üzvü Eldar İbrahimov, ekologiya və təbii sərvətlər nazirinin müavini, YAP Siyasi Şurasının üzvü Firdovsi Əliyev, Milli Məclisin deputatı Kamaləddin Qafarov, Binəqədi rayon İcra Hakimiyyətinin başçısı Xaləddin İsgəndərov qeyd ediblər ki, Yeni Azərbaycan Partiyasının yaradılması tariximizdə dərin izlər qoyub, çünki bu partiyanın yaradılması və uğurlu siyasi fəaliyyət göstərməsi ilə ölkəmiz xaos və hərc-mərclikdən xilas oldu, vətəndaş müharibəsinin qarşısı alındı, dünyanın siyasi xəritəsindən silinmək təhlükəsi ilə qarşı-qarşıya qalan Azərbaycan xilas olundu, ölkəmizə demokratik ənənələr gətirildi. Bir sözlə, bu partiyanın yaradılması ilə ölkəmiz tənəzzüldən azad olaraq tərəqqi yoluna qədəm qoydu. Dövlət idarəçiliyində milli maraqlarımız ön plana keçdi. Bu gün də dövlətimizin keşiyində duran YAP-ın müstəqil Azərbaycanın siyasi tarixində misilsiz rolu var.
Tədbir çıxışlardan sonra Yeni Azərbaycan Partiyasının yaranmasına, Ümummilli lider Heydər Əliyevin siyasi fəaliyyətinə, eləcə də YAP Binəqədi rayon təşkilatı tərəfindən görülən işlərə həsr olunmuş videoçarxın nümayiş etdirilməsi ilə davam etdirilib.
Daha sonra tədbirdə Binəqədi rayonunun tam orta ümumtəhsil məktəblərinin şagirdləri arasında YAP-ın yaradılmasının 25 illiyi ilə əlaqədar keçirilən “25 il Azərbaycan naminə” adlı intellektual yarışda qalib gələrək I, II və III yerlərə layiq görülmüş məktəblərin komanda kapitanları təltif ediliblər. Yeni Azərbaycan Partiyası sıralarına yeni üzv qəbul edilən bir qrup gəncə üzvlük vəsiqələri təqdim edilib. Yeni Azərbaycan Partiyasının 25 illiyi münasibətilə YAP Binəqədi rayon təşkilatının ictimai-siyasi həyatında fəal iştirakına görə bir qrup partiya fəalı fəxri fərmanla təltif edilib.
Tədbir rəsmi hissəsi bitdikdən sonra bədii hissə ilə davam etdirilib. Bədii hissədə YAP-a, Ümummilli lider Heydər Əliyevə və vətənpərvərliyə həsr olunmuş mahnılar, şeirlər səsləndirilib, rəqslər ifa edilib. Bədii hissəyə Xalq artisti Mübariz Tağıyevin ifaları ilə yekun vurulub.

Paylaş:

Baxılıb: 648 dəfə