Heydər Əliyev
yeni azerbaycan logo

Ana səhifə / YAP xəbərləri / YAP Ağstafa rayon təşkilatı Ümummilli lider Heydər Əliyevin anım günü ilə əlaqədar tədbir keçirib

YAP Ağstafa rayon təşkilatı Ümummilli lider Heydər Əliyevin anım günü ilə əlaqədar tədbir keçirib

12.12.2017 [09:56]

Yeni Azərbaycan Partiyası (YAP) Ağstafa rayon təşkilatı Ümummilli lider Heydər Əliyevin anım günü ilə əlaqədar “Heydər Əliyev Azərbaycan dövlətinin qurucusudur” mövzusunda tədbir keçirib. Əvvəlcə rayon təşkilatının qərargahında Ulu öndər Heydər Əliyevin büstünün önünə gül dəstələri düzülüb, Ümummilli liderin xatirəsinə ehtiram ifadə olunub.
Tədbir iştirakçıları Ulu öndər Heydər Əliyevin xatirəsini birdəqiqəlik sükutla yad ediblər. YAP Ağstafa rayon təşkilatının sədri Ramiz Tatarov çıxış edərək deyib ki, Ulu öndər Heydər Əliyev istər sovetlər ittifaqı dönəmində, istərsə də müstəqillik illərində həyat və fəaliyyətini Azərbaycan xalqına və dövlətinə həsr edib. R.Tatarov Azərbaycanın məhz Heydər Əliyev siyasəti nəticəsində nailiyyətlər qazandığını və bu siyasətin alternativinin olmadığını vurğulayıb.
Sonra rayon Ağsaqqallar Şurasının sədri Firdovsi Heydərli, təşkilatın fəalları Fərhad Əliyev, Məmməd Məmmədov, Qəfər Məmmədov, Xəyalə Rüstəmova, Gülgün Kərimov, Fatma Vəliyeva və başqaları çıxış edərək Ümummilli lider Heydər Əliyevin xalqımız və dövlətimiz qarşısında xidmətlərindən danışıblar.
Qeyd edək ki, YAP Ağstafa rayon təşkilatının Qadınlar Şurası və Gənclər Birliyinin birgə təşəbbüsü ilə də Ulu öndər Heydər Əliyevin anım günü ilə bağlı tədbir keçirilib. Tədbiri giriş sözü ilə YAP Ağstafa rayon təşkilatının aparat rəhbəri Şükran Hacıyev açaraq qeyd edib ki, Ulu öndər Heydər Əliyevin hakimiyyətə qayıdışından sonra dövlət tərəfindən qadın və gənclər siyasəti formalaşıb. Onun sözlərinə görə, Ümummilli liderin müəllifi olduğu qadın və gənclər siyasətinin nəticəsində bu gün beynəlxalq aləmin ictimai-siyasi, iqtisadi, mədəni həyatının fəal iştirakçısı olan Azərbaycan qadınının və gəncinin cəmiyyətdə rolu xeyli artıb. Bu gün əsası Ulu öndər Heydər Əliyev tərəfindən qoyulan dövlət qadın və gənclər siyasəti ölkə Prezidenti İlham Əliyev tərəfindən uğurla davam etdirilir.
Tədbirdə həmçinin rayon təşkilatının Gənclər Birliyinin sədri Elvin İmaməliyev, Qadınlar Şurasının sədri Şəhanə Osmanova və digərləri çıxış ediblər.

Paylaş:
Baxılıb: 572 dəfə

Xəbər lenti

Hamısına bax

YAP xəbərləri

İqtisadiyyat

Siyasət

Siyasət

Mədəniyyət

MEDİA

Analitik

Ədəbiyyat

Sosial

İqtisadiyyat

YAP xəbərləri

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30