Heydər Əliyev
yeni azerbaycan logo

Ana səhifə / YAP xəbərləri / YAP Tərtər rayon təşkilatı təbliğat-təşviqat kampaniyasına start verib

YAP Tərtər rayon təşkilatı təbliğat-təşviqat kampaniyasına start verib

03.12.2019 [09:54]

Dekabrın 23-də ölkəmizdə keçiriləcək növbəti bələdiyyə seçkilərində iştirak edəcək namizədlərin təbliğat-təşviqat kampaniyasına start verilib. Ölkənin hər yerində olduğu kimi, Tərtər rayonunda da bu prosesdə Yeni Azərbaycan Partiyası (YAP) fərqlənir. Verilən məlumata görə, rayon təşkilatı növbəti bələdiyyə seçkilərinin də mütəşəkkil, demokratik və şəffaf keçirilməsi üçün bütün lazımi hazırlıq işlərini başa çatdırıb.
YAP Tərtər rayon təşkilatından verilən məlumata görə, Tərtər rayonu üzrə ümumilikdə 25 bələdiyyəyə seçki keçiriləcək ki, onlardan 1-i şəhər, 24-ü isə kənd bələdiyyələridir. Bu 25 bələdiyyə üzrə (şəhər bələdiyyəsi üzrə 13, kənd bələdiyyələrinin hər biri üzrə isə 9 nəfər) seçkilərdə iştirak etmək üçün ümumilikdə 229 nəfər partiya üzvünün namizədliyi irəli sürülüb və hamısının da namizədliyi qeydə alınıb.
Beləliklə, təbliğat-təşviqat kampaniyasının ilk günü YAP Tərtər rayon təşkilatının Seçki Qərargahının üzvləri və gənc fəallar YAP tərəfindən namizədlikləri irəli sürülmüş şəxslərin vahid formada hazırlanmış plakatlarını və təbliğat şüarlarını təbliğat lövhələrinə vurublar.
Xatırladaq ki, bələdiyyə seçkilərində tərtərli seçicilər 95 saylı Seçki Dairəsi üzrə 37, 97 saylı Seçki Dairəsi üzrə isə 3 seçki məntəqəsində səs verəcəklər. Ümumilikdə budəfəki bələdiyyə seçkilərində 95 saylı Seçki Dairəsi üzrə 37025 nəfər, 97 saylı Seçki Dairəsi üzrə 3063 nəfər, cəmi 40088 nəfər tərtərli seçici qeydə alınıb.

Paylaş:
Baxılıb: 640 dəfə

Xəbər lenti

Hamısına bax

Ədəbiyyat

Analitik

Ədəbiyyat

Serial oxucusu

25 Aprel 08:50

Ədəbiyyat

Şənbə üçün nəzm

25 Aprel 08:38  

Arxiv
B Be Ça Ç Ca C Ş
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30