Heydər Əliyev
yeni azerbaycan logo

Ana səhifə / YAP xəbərləri / 17 saylı Yasamal üçüncü seçki dairəsindən YAP-ın deputatlığa namizədi Elnur Allahverdiyev təbliğat kampaniyası çərçivəsində ilk görüşünü keçirib

17 saylı Yasamal üçüncü seçki dairəsindən YAP-ın deputatlığa namizədi Elnur Allahverdiyev təbliğat kampaniyası çərçivəsində ilk görüşünü keçirib

18.01.2020 [10:36]

Fevralın 9-da keçiriləcək parlament seçkilərində iştirak edən Yeni Azərbaycan Partiyasının (YAP) namizədlərinin təbliğat-təşviqat kampaniyası uğurla davam edir. 17 saylı Yasamal üçüncü seçki dairəsindən YAP-ın deputatlığa namizədi Elnur Allahverdiyev təbliğat kampaniyası çərçivəsində ilk görüşünü partiyanın Yasamal rayon təşkilatının binasında yerli fəallarla keçirib.
Tədbiri giriş sözü ilə açan YAP Yasamal rayon təşkilatının sədri Tağı Əhmədov 17 saylı Yasamal üçüncü seçki dairəsindən deputatlığa namizəd E.Allahverdiyev barədə məlumat verərək bildirib ki, YAP bu seçkilərdə 123 namizədlə təmsil olunur. Parlament seçkilərinə namizədliyi irəli sürülənlər arasında gənclərin də çoxluq təşkil etdiyini bildirən T.Əhmədov qeyd edib ki, bütün seçkilərdə uğurlu qələbə əldə etmiş YAP-ın fevralın 9-da keçiriləcək parlament seçkilərində də zəfər qazanacağına tam əmindir.
Çıxış edən 17 saylı Yasamal üçüncü seçki dairəsindən YAP-ın deputatlığa namizədi E.Allahverdiyev Azərbaycan Respublikasının Prezidenti, Yeni Azərbaycan Partiyasının Sədri cənab İlham Əliyevin Milli Məclisə seçkilərdə partiya sıralarından namizədliyi irəli sürülmüş gənclərə böyük etimad göstərdiyini bildirib və qeyd edib ki, aktiv təbliğat kampaniyası keçirib qələbə qazanmaqla bu etimadı doğrultmağa çalışacaq. Yasamal rayonunun Bakının ən sürətlə dəyişən və yenilənən rayonlarından olduğunu deyən E.Allahverdiyev millət vəkili seçiləcəyi təqdirdə aparılan abadlıq və quruculuq işlərinə hər cür dəstək və kömək göstərməyə hazır olduğunu söyləyib. E.Allahverdiyev qeyd edib ki, partiya rəhbərliyi tərəfindən onun qarşısına seçicilərin rəğbətini qazanmaq, seçkilərdə qələbə çalıb sıravi vətəndaşlara xidmət etmək vəzifəsi qoyulub. Tədbirdə çıxış edən şəxslər 17 saylı Yasamal üçüncü seçki dairəsinin inzibati ərazisində yaşayan seçicilərin E.Allahverdiyevə səs verəcəklərinə əminliklərini ifadə ediblər.

Paylaş:
Baxılıb: 568 dəfə

Xəbər lenti

Hamısına bax

Sosial

Gündəm

Siyasət

YAP xəbərləri

Gündəm

Ədəbiyyat

Analitik

Arxiv
B Be Ça Ç Ca C Ş
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30