Azərbaycanla Mərkəzi Asiya ölkələri arasında əməkdaşlıq yeni mərhələdə

Bakı:

18°C

72%

3m/s

Əlaqə

AZ RU EN

Ana səhifə / YAP xəbərləri / Azərbaycanla Mərkəzi Asiya ölkələri arasında əməkdaşlıq yeni mərhələdə

Azərbaycanla Mərkəzi Asiya ölkələri arasında əməkdaşlıq yeni mərhələdə

19.09.2023 [14:06]

Məlum olduğu kimi , Azərbaycan Respublikasının Prezidenti İlham Əliyev Tacikistan Respublikasının Prezidenti Emoməli Rəhmonun dəvəti ilə Mərkəzi Asiya Dövlət Başçılarının 5-ci Məşvərət görüşündə iştirak etmək üçün sentyabrın 14-də Tacikistana səfər etmişdir. Dövlətimizin başçısı görüşdə fəxri qonaq qismində iştirak edib. Cənab İlham Əliyevin görüşə fəxri qonaq qismində dəvət edilməsi Prezidentimizin beynəlxalq aləmdə olduqca böyük nüfuza malik olmasını, ona böyük etimadın olduğunu göstərir.

Prezident İlham Əliyev çıxış edərək Azərbaycanı və Mərkəzi Asiya ölkələrini xalqlarını çoxəsrlik qardaşlıq münasibətləri bağladığını bildirdi və qeyd etdi ki, ortaq mədəni köklər dövlətlərarası əlaqələrin möhkəm bünövrəsini təşkil edir.

Məşvərət görüşündə çıxış edən dövlət başçımız bir daha vurğuladı və bildirdi ki, 30 ildən artıq müddətdə müstəqil dövlətlər kimi həm ikitərəfli, həm də çoxtərəfli formatda səmərəli qarşılıqlı fəaliyyəti, bir-birilərinin müstəqilliyini, süverenliyini və ərazi bütövlüyünü dəstəkləmələri, iqtisadi əlaqələri fəal şəkildə inkişaf etdirmələri səmərəli əməkdaşlığın siyasi göstəriciləridir.

Bu gün Mərkəzi Asiya dövlətləri ilə Azərbaycanın iş birliyinin dinamikası yüksələn xətt üzrə inkişaf etdiyini diqqətə çatdıran Prezident İlham Əliyev bildirdi ki, Son iki il ərzində O Mərkəzi Asiya dövlətlərinə doqquz səfər etmiş,bu müddət ərzində bütün qardaş dövlətlərin başçıları Azərbaycana dəfələrlə səfərlər etmişlər. Dövlət başçımız onu da xatırlatdı ki, ilin sonuna qədər qarşılıqlı səfərlərin fəal dinamikası davam etdiriləcək.

Prezident İlham Əliyev çıxışında keçən il Azərbaycanın Mərkəzi Asiya ölkələri ilə ticarət dövriyyəsi 3 dəfədən çox, bu ilin 7 ayı ərzində isə daha 50 faiz artdığını da diqqətə çatdırdı.Həmçinin Dövlətimizin başçısı bildirdi ki, Azərbaycan Mərkəzi Asiya ölkələri üçün Türkiyə və Avropa bazarları istiqamətində etibarlı tranzit ölkəsidir. Mərkəzi Asiyadakı qardaşlarımız bilirlər ki, Azərbaycanın bütün nəqliyyat–logistika infrastrukturu onlar üçün açıqdır.

Şərq-Qərb marşrutu ilə yükdaşımalarına artan tələbatı təmin etmək məqsədilə Bakı-Tbilisi-Qars dəmir yolu tərəfimizdən müasirləşdirilir deyən Prezident İlham Əliyev qeyd etdi ki, gələn il həmin yol ilə daşınan yüklərin həcmi 1 milyon tondan 5 milyon tona , buna paralel olaraq, Bakı Ticarət Limanının imkanları bugünkü 15 milyon tondan 25 milyon tona qədər artırılır.

Dövlətimizin başçısı diqqətə çatdırdı ki, Azərbaycan Xəzərdə 50-dən artıq gəmidən ibarət ən iri ticarət donanmasına malikdir. Mərkəzi Asiya ölkələrindən yük göndərənlərin artan tələbatını nəzərə alaraq, Azərbaycan gəmiqayırma zavodunun imkanlarının genişləndirilməsi üzərində fəal çalışır deyən cənab İlham Əliyev sərmayə layihələri başa çatdıqdan sonra istehsal olunan tanker və quru yükdaşıyan gəmilərin sayı bu gün ildə 6 gəmidən 10-15 gəmiyə qədər artacağını bildirdi.

Prezident İlham Əliyev Mərkəzi Asiya Dövlət Başçılarının 5-ci Məşvərət görüşündə iştirak edərək ölkəmizin təşəbbüsü və iştirakı ilə həyata keçirilən mühüm regional nəqliyyat və enerji layihələrinin, Mərkəzi Asiya dövlətləri ilə Azərbaycanın iş birliyinin əhəmiyyətini diqqətinə çatdırıb. Heç şübhəsiz ki, Dövlətimizin başçısının Tacikistana rəsmi səfəri, iki ölkə arasındakı mövcud münasibətlərin inkişafına və daha da möhkəmlənməsinə böyük töhfə verəcəkdir.

Sahib Şükürov

YAP Göyçay rayon təşkilatının sədri

Paylaş:

Baxılıb: 296 dəfə