Azərbaycan strateji əhəmiyyətə malik olan tarixi-mədəni coğrafi regiondur

Bakı:

32 °C

37 %

5 m/s

Əlaqə

AZ RU EN

Ana səhifə / YAP xəbərləri / Azərbaycan strateji əhəmiyyətə malik olan tarixi-mədəni coğrafi regiondur

Azərbaycan strateji əhəmiyyətə malik olan tarixi-mədəni coğrafi regiondur

20.09.2023 [14:12]

Sentyabrın 14-də dövlət başçısı İlham Əliyevin Tacikistana səfəri, Mərkəzi Asiya Dövlət Başçılarının 5-ci Məşvərət görüşünə fəxri qonaq qismində qatılması Azərbaycanın türk dünyası, Mərkəzi Asiya ölkələri ilə ilə münasibətlərinin hazırkı inkişaf səviyyəsinə işıq saldı. Sözügedən tədbirdəki çıxışında “Son iki il ərzində mən Mərkəzi Asiya Dövlətlərinə doqquz səfər etmişəm. Bu müddət ərzində bütün qardaş dövlətlərin başçıları Azərbaycana dəfələrlə səfərlər ediblər. İlin sonuna qədər qarşılıqlı səfərlərin fəal dinamikası davam etdiriləcək” söyləyən cənab İlham Əliyev bu mühüm məqamı da xüsusi qeyd etmişdir ki, ikitərəfli əməkdaşlığın mühüm meyarlarından biri qarşılıqlı ticarətin və sərmayələrin artımıdır. Sevindirici haldır ki, həmin iki istiqamət üzrə göstəricilər davamlı artıma malikdir. Ötən il Azərbaycanın Mərkəzi Asiya ölkələri ilə ticarət dövriyyəsi 3 dəfədən çox, bu ilin 7 ayı ərzində isə daha 50 faiz artıb. Birgə sərmayə fondları yaradılıb. Növbəti 3 il üzrə bir milyard dollardan artıq qarşılıqlı sərmayələrin həcmi razılaşdırılıb. İki ölkə artıq sənaye əməkdaşlığı, maşınqayırma, avtomobil sənayesi, gəmiqayırma, kənd təsərrüfatı, xüsusən də pambıqçılıq, ipəkçilik, heyvandarlıq sahələrində çoxsaylı layihələr həyata keçirir.

Nəqliyyat və logistika sahəsi münasibətlərdə mühüm yer tutur. Azərbaycan Mərkəzi Asiya ölkələri üçün Türkiyə və Avropa bazarları istiqamətində etibarlı tranzit ölkəsidir.

Ümumilikdə tarixi Zəfərimizdən sonra Azərbaycanın beynəlxalq münasibətlər sistemində artan rolu, ikitərəfli əməkdaşlıq əlaqələrinin yüksələn xətlə inkişafı diqqətdən kənarda qalmır. Azərbaycan həm Avropa, həm qonşu, həm də Mərkəzi Asiya dövlətləri ilə münasibətlərinin inkişafına xüsusi diqqət göstərir. Azərbaycanın Mərkəzi Asiya dövlətləri arasında Tacikistanla münasibətləri xüsusi əhəmiyyətə malikdir. İki ölkə arasında diplomatik münasibətlər 1992-ci il mayın 29-da qurulub. 2007-ci ildə Azərbaycanın Tacikistanda, bir il sonra isə Tacikistanın Azərbaycanda səfirliyi fəaliyyətə başlayıb. Cari ildə Azərbaycan Prezidenti İlham Əliyevin Tacikistan Prezidenti Emoməli Rəhmonun dəvəti əsasında həyata keçirdiyi səfərlər iki ölkə arasında əlaqələrin inkişafı istiqamətində mühüm addım oldu. Dövlət başçısı İlham Əliyev qarşılıqlı səfərlərin dövlətlərarası münasibətlərin inkişafında əhəmiyyətli rol oynadığını önə çəkərək səfərlərin münasibətlərin dinamikasına dəlalət etdiyini vurğulayır. Belə bir əminlik ifadə edilir ki, gələcəkdə bu səfərlər daha intensiv olacaq, birlikdə işləyəcək, dostluq edəcək və birgə gələcəyimizi quracağıq.

Əməkdaşlığın daha da dərinləşdirilməsi üçün möhkəm hüquqi baza yaradılıb. Cənab İlham Əliyevin Tacikistana təkcə ötən səfəri çərçivəsində müxtəlif strukturlar arasında çoxsaylı sənədlər imzalanmışdır. İki ölkə arasında ümumilikdə 57 sənəd, o cümlədən 2007-ci il martın 15-də “Azərbaycan Respublikası və Tacikistan Respublikası arasında dostluq və əməkdaşlıq haqqında Müqavilə” imzalanıb.

Dövlət başçısı İlham Əliyev sözügedən tədbirdəki çıxışında bu məqamı xüsusi qeyd etdi ki, otuz ildən artıqdır müstəqil dövlət kimi həm ikitərəfli, həm çoxtərəfli formatda fəal şəkildə qarşılıqlı fəaliyyət göstərir, bir-birimizin müstəqilliyini, suverenliyini və ərazi bütövlüyünü dəstəkləyir, iqtisadi əlaqələri fəal şəkildə inkişaf etdiririk. Mərkəzi Asiya və Azərbaycan artan iqtisadiyyatı, demoqrafiyası və geosiyasi potensialı ilə dünya siyasətində strateji əhəmiyyətə malik olan vahid tarixi-mədəni coğrafi regiondur.

Anar Nəbiyev

YAP Qazax rayon təşkilatının sədri

Paylaş:

Baxılıb: 644 dəfə