Formula-1 Azərbaycan Qran-Prisi həyəcanı başladı

Bakı:

3 °C

70 %

7 m/s

Əlaqə

AZ RU EN

Ana səhifə / Formula 1 / Formula-1 Azərbaycan Qran-Prisi həyəcanı başladı

Formula-1 Azərbaycan Qran-Prisi həyəcanı başladı

10.06.2022 [10:36]

24 saat öncə nələr baş verdi?

Müşfiqə BAYRAMLI

Formula 1: 5+1

Son iki gündür ki, Formula-1 Azərbaycan Qran-Prisi yarışı paytaxtın həyat ritmini təşkil edir. “F1 qayıdır: trekə və tribunaya!” devizi tədbirin ruhunu göstərən ifadədir.

İki aydan çoxdur ki, mötəbər yarışa hazırlıqlar gedirdi. Nəhayət, hazırlıq işləri tamamlandı və yarış sürətsevənləri qarşılamağa tam hazırdır. Mötəbər yarışa artıq saatlar qalıb.

Dünən “Formula 1” üzrə Azərbaycan Qran-prisi üçün bilet alan azarkeşlər Pit zolağında gəzintiyə çıxıblar. Yalnız üçgünlük bileti olan tamaşaçılar bu gəzintidə iştirak edə biliblər.

Yarışın ən maraqlı hissələrindən sayılan Pit zolağı gəzintisi 2 saata yaxın davam edib. Yüzlərlə ziyarətçi sayının olması heç də təsadüfi deyil. Statistika F1-ə marağın böyük olduğunun göstəricisidir. Fanatlar komandalar və onların qarajları ilə yaxından tanışlıq imkanı əldə ediblər.

F-1 azarkeşləri arasında yerli və xarici turistlər də yer alıblar.

Ən böyük maraq isə “Mercedes”in pilotu Luis Hamiltonun komandalarına idi. Rəqib potlarla müqayisədə Hamiltonun qarajının önündə daha çox izdiham vardı. Azyaşlı azarkeşlər hazırladıqları plakatlarla komandalarına dəstək olurdular. Komandalar isə öz balaca fanatlarını qaraja dəvət edib şəkillər çəkdirdi, hədiyyələr verdilər.

Bu məqamda F1 komandaları son hazırlıq işlərini davam etdiriblər, bolidləri qarajda texniki baxışdan keçiriblər.

Qeyd edək ki, Formula 1 Azərbaycan Qran-Prisi iyunun 10-12-də Bakı şəhər halqasında keçiriləcək.

Mötəbər yarışı işıqlandırmaq üçün dünyanın dörd bir yanından mətbuat nümayəndələri Bakıya üz tutub. Akkreditasiyadan uğurla keçən həm xarici, həm də yerli jurnalistlər üçün yaradılmış şəraitdən olduqca məmnun görünürdülər.

Təhlükəsizlik məsələlərinə də xüsusi diqqət ayrılmışdı. Həm qurudan, həm də havadan ciddi nəzarət vardı.

Tədbir fan zonada əyləncəli anlarla davam etdi.

Paytaxt küçələrində 2 dövlət bir ürək

Fan zonada davam edən tədbirdə qardaş ölkənin təmsilçisi Cem Bölükbaşı ilə fanlarının görüşü baş tutub. Gənc yaşında karyerasında böyük uğurlar əldə etmiş pilotun fanatları onu yalnız buraxmayıblar.

Qeyd edək ki, Cem Bölükbaşı Türkiyənin ilk Formula 2 yarış pilotudur. Monakoda Ən Yaxşı Formula 2 Performansına nail olan Cem Bölükbaşı izləyicilərin suallarını cavablandırıb. 24 yaşlı gənc pilot səmimi və mehriban çıxışları ilə bir daha ürəkləri fəth edib.

Peşəsi və şəxsi həyatı ilə bağlı sualları cavabsız qoymayan Cem bildirib ki, hələ 6 yaşında olarkən atası onun sürət sevgisini görüb yarışlara yönləndirib.

O, I-Racing-də 80.000 adam arasında ilk 35-likdə olarkən diqqət çəkib. Nəticədə, Formula 2 Çempionatında yarışan ilk türk yarış pilotu kimi tarixə düşüb.

Cem ölkəmizdə ilk dəfə olmaqdan və yarışmaqdan qürur duyduğunu söyləyib.

Sualları cavabladıqdan sonra sevənləri ilə şəkillər çəkdirib, avtoqraf imzalayıb.

Ən yadda qalan məqam isə yerli izləyicilərin qonağı Azərbaycan və Türkiyə bayraqları ilə dövriyyəyə alması idi.

Paylaş:

Baxılıb: 978 dəfə