Türkiyədə 9-cu COIA-24 konfransi kecirilir

Bakı:

23 °C

57 %

10 m/s

Əlaqə

AZ RU EN

Ana səhifə / Xəbər lenti / Türkiyədə 9-cu COIA-24 konfransi kecirilir

Türkiyədə 9-cu COIA-24 konfransi kecirilir

28.08.2024 [21:39]

Azərbaycan Rəqəmsal İnkişaf və Nəqliyyat Nazirliyi, İstanbul Cerrahpaşa Universiteti, Ağrı İbrahim Çeçen Universiteti və Bakı Dövlət Universitetinin nəzdində Tətbiqi Riyaziyyat Elmi Tədqiqat İnstitutunun təşkilatçılığı ilə “Sənaye Tətbiqli İdarəetmə və Optimallaşdırma” (The 9th International Conference on Control and Optimization with Industrial Applications) mövzusunda 9-cu beynəlxalq elmi konfrans (COIA-2024) avqustun 27-də Türkiyədə, İstanbul Cerrahpaşa Universitetində hibrid formatda öz işinə başlayıb.

Konfransın açılışında Türkiyə Böyük Millət Məclisinin millət vəkili Şamil Ayrım, İstanbul Cerrahpaşa Universitetinin rektor yardımcısı professor Erol İncə, “Katoder” şirkətinin rəhbəri Sabiha Gül Doğan, konfransın təşkilat komitəsinin həmsədrləri akademik Fikrət Əliyev və Ahmet Ocak Akdemir çıxış etdilər. Fikrət Əliyev ilk olaraq Azərbaycan Respublkası Rəqəmsal İnkişaf və Nəqliyyat Nazini Rəşad Nəbiyevin təbrik mesajını konfrans iştirakçılarınin diqqətinə çatdırdı.

Daha sonra dəvətli məruzəçi Milano Texniki Universitetinin professoru Patrisio Kolaneri məruzə etdi. Məruzə konfrans iştirakçılarının böyük marağına səbəb oldu. Sonra canlı və online iclaslar öz işini davam etdirdi.

Ənənəvi olaraq təşkil olunan və 3 gün davam edəcək tədbirdə idarəetmə və optimallaşdırma sahəsində dünyanın müxtəlif ölkələrindən olan alim və mütəxəssislər bir araya toplanaraq, idarəetmə nəzəriyyəsi, optimallaşdırma, intellektual sistemlər, qeyri-səlis idarəetmə, hesablama metodları, şəbəkə və telekommunikasiya, riyazi modelləşdirmə və simulyasiya, sənaye və iqtisadiyyatda tətbiqlər, identifikasiya və digər mövzular ətrafında müzakirələr aparacaq.

Tədbirdə dünyanın 30-dan artıq ölkəsindən 200- dən çox riyaziyyatcı alim və ekspert, o cümlədən optimal və idarəetmə sahəsində çalışan 7 dəvətli məruzəçi iştirak edir. Həmçinin Bakı Dövlət Universitetinin nəzdində Tətbiqi Riyaziyyat Elmi Tədqiqat İnstitutunun direktoru akademik Fikrət Əliyevin rəhbərlik etdiyi 20 nəfərdən çox nümayəndə heyəti ölkəmizi yüksək səviyyədə təmsil edir.

Bu konfransın keçirilməsi artıq ənənə halına gələrək dünya elmi ictimaiyyəti tərəfindən qəbul olunmuş və dünyanın ən nüfuzlu konfranslarının sırasında öz yerini tapıb. Təşkilat Komitəsi və Proqram Komitəsinə 20 ölkədən ən tanınmış alimləri cəlb edilib. Konfransın əsas məramlarından biri iştirakçıların təmsil etdikləri ölkələr və institutlar arasında elmi əlaqələrin daha da genişləndirilməsinə, alınan yeni nəzəri nəticələrin sənayenin müxtəlif sahələrinə tətbiq olunmasına yardımçı olmaqdan ibarətdir. Optimallaşdırma və idarəetmə hal-hazırda ən aparıcı və aktual elm sahələrindən biridir. Qərarların qəbul edilməsində, iqtisadi məsələlərin həllində, çoxsaylı elmi tədqiqatların aparılmasında, mürəkkəb texniki sistemlərin layihələndirilməsində və s. sahələrdə optimallaşdırma və optimal idarəetmə problemləri həmişə ön plandadır. Çünki, elə sahə yoxdur ki, bu elm sahələri oraya tətbiq olunmasın və cox lazımlı tətbiqlərini sənayedə, iqtisadiyatda tapmasın.

Konfransda idarəetmə və optimallaşdırma sahəsində dünyanın ən tanınmış mütəxəssisləri Enrique Zuazua (Almaniya), Volker Mehrmann (Almaniya), Radu-Emil Precup (Rumıniya), Patrizio Colaneri (İtaliya), Adil Bagirov (Avstraliya), Tufan Kumbaşar (Türkiyə), Hasan Demirel (Kuzey Kıprız Türk Cümhuriyyəti) dəvətli məruzəci kimi iştirak edəcəklər.

COIA-2024 ilk dəfə olaraq IEEE Türkiyə Bölməsindən texniki cəhətdən dəstəklənir. Qəbul edilmiş məqalələr IEEE Xplore-a daxil olmaq üçün təqdim ediləcək. Həmçinin qəbul edilmiş və konfransda məruzə edilən bütün məqalələr Web of Science: Conference Proceedings Citation Index bazasında indekslənmək üçün təqdim olunacaq.

Paylaş:

Baxılıb: 674 dəfə