İmişli rayon Ağsaqqallar Şurasının rəhbərliyi Əliqulular kənd ağsaqqalları ilə görüş keçirdi

Bakı:

26 °C

78 %

4 m/s

Əlaqə

AZ RU EN

Ana səhifə / Xəbər lenti / İmişli rayon Ağsaqqallar Şurasının rəhbərliyi Əliqulular kənd ağsaqqalları ilə görüş keçirdi

İmişli rayon Ağsaqqallar Şurasının rəhbərliyi Əliqulular kənd ağsaqqalları ilə görüş keçirdi

10.12.2024 [17:23]

İmişli rayon Ağsaqqallar Şurasının rəhbərliyi Əliqulular kənd ağsaqqalları ilə görüş keçirib.

Görüşdə rayon Ağsaqqallar Şurasının sədri Saleh Səmədov, sədrin birinci müavini Vahid Tağıyev, aparat rəhbəri Murad Seyidov, millətlərarası münasibətilər üzrə sədrin köməkçisi Adil Kərimov və Əliqulular kənd ağsaqqalları iştirak edib.

İmişli rayon Ağsaqqallar Şurasının sədri Saleh Səmədov çıxış edərək qeyd etdi ki, Ulu Öndər Heydər Əliyevin Anım günü ərəfəsindəyik. Ümummilli Liderimiz Heydər Əliyevin, 44 günlük Vətən müharibəsində torpaqlarımızın işğaldan azad olunması uğrunda canlarından keçmiş şəhidlərimizin və dünyasını dəyişən ağsaqqalların xatirəsini bir dəqiqəlik sükutla yad edək.

Çıxışına davam edən Saleh Səmədov İmişli Rayon Ağsaqqallar Şurasının fəaliyyəti haqqında məlumat verərək bildirdi ki, son dövrlərdə şuramızda nəzərə çarpacaq dərəcədə tədbirlər həyata keçirilmişdir. Bütün bunlar Azərbaycan Ağsaqqallar Şurasının sədri, Milli Məclisin deputatı və Hesablama Komissiyasının sədri, "Azərittifaq"ın sədri, Azərbaycan Koperasiya Universitetinin rektoru, iqtisad elmləri doktoru, professor Eldar Quliyevin yaxından köməyi sayəsində həyata keçirilir. O, Professor Eldar Quliyevin salamlarını tədbir iştirakçılarına çatdırdı. Habelə, bildirdi ki, ağsaqqallara ən yüksək qiyməti Ümummilli liderimiz Heydər Əliyev verərək demişdir: "Ağsaqqallar milli - mənəvi dəyərlərimizin qızıl fondudur!" Ulu Öndərin dediyi qızıl fond sizlərsiniz.

Tədbirdə çıxış edən Vahid Tağıyev cəmiyyətdə ağsaqqalların üzərinə düşən vəzifələrdən danışdı və bu məsələnin çox məsuliyyətli bir iş olduğunu xüsusi olaraq vurğuladı. O, bildirdi ki, Saleh Səmədovun İmişli rayon Ağsaqqallar Şurasına rəhbərlik etdiyi az müddət ərzində şura üzvlərinin sayı 1700 nəfəri keçib. Sonra Vahid Tağıyev son dövrlərdə Saleh Səmədovun həyata keçirdiyi xeyriyyəçilik fəaliyyəti haqqında məlumat verdi və qeyd etdi ki, qarşıdan gələn "Dünya Azərbaycanlılarının həmrəylik günü" və Yeni il münasibətilə imkansız ailələrə yardım üçün hədiyyələr hazırlanıb. O, yeni formalaşan təşkilatda birləşəm Əliqulular kənd ağsaqqallarını təbrik edərək onlara gələcək fəaliyyətlərində uğurlar arzulayıb.

Adil Kərimov tədbirdə çıxış edərək bildirdi ki, bu gün dünya çalxalanır. Amerika və bəzi Avropa ölkələri öz iyrənc niyyətlərini həyata keçirmək üçün hər cür şərəfsiz tədbirlər həyata keçirməyə çalışırlar. Amma unudurlar ki, Azərbaycanın region dövlətləri ilə dostluq siyasəti əbədi və dönməz xətt üzrə inkişaf edir və etməkdədir. Çünki, bu dostluq xalqın, o cümlədən gənclərin və ağsaqqalların dəmir yumruq ətrafında sıx birləşməsi nəticəsində möhkəmlənib.

Əliqulular kənd ərazi təşkilatının idarə heyətinə 9 nəfər üzv, 3 müavin və sədr seçildi. Belə ki, Səxavət Tağıyev, Ramiz Səfərov, Məhəmməd Babayev, Ərzuman Qarayev, Ağa Abdullayev, Məhəmməd Balakişiyev, Tahir Bəşirov, İmamverdi Əliyev, Sərraf Ağayev idarə heyətinin üzvü, onların arasından isə Səxavət Tağıyev- sədr, Məhəmməd Babayev, İmamverdi Əliyev və Sərraf Ağayev müavin seçildilər.

Beləliklə, açıq səsvermə yolu ilə Əliqulular kənd ağsaqqallar təşkilatı təşkil olundu. Onlara uğurlar arzulayırıq!

Paylaş:

Baxılıb: 712 dəfə