Yay Fest 2025” gənclərin yüksək enerjisi ilə davam edir

Bakı:

11 °C

93 %

4 m/s

Əlaqə

AZ RU EN

Ana səhifə / Xəbər lenti / Yay Fest 2025” gənclərin yüksək enerjisi ilə davam edir

Yay Fest 2025” gənclərin yüksək enerjisi ilə davam edir

02.08.2025 [22:20]

“Konstitusiya və Suverenlik İli”nə həsr olunmuş “Yay Fest 2025”in sayca dördüncü düşərgəsi olan və 28 iyul-1 avqust tarixlərində baş tutan “Ədalət və Qanun” düşərgəsi ictimai fəallığı ilə seçilən 250 gənci bir araya gətirib.

Konstitusiya və hüquqi dəyərlərin təbliği, ictimai həmrəyliyin gücləndirilməsi və gənclərin vətəndaş cəmiyyətində fəal iştirakının stimullaşdırılması məqsədi daşıyan düşərgə dinamik və dolğun proqramla yadda qalıb.

Düşərgə müddətində iştirakçılar öz işinin peşəkarları tərəfindən “Ədliyyə sisteminə gənc baxış”, “Mənim karyeram və əmək münasibətləri”, “Hüquqi şüurun formalaşması: Gənclərin hüquq sistemində yeri və rolu”, “Ədalət duyğusu və psixoloji davranış: gənclərin daxili kompası”, “Kibertəhlükəsizlik üzrə mövcud roblemlər” və “Hüquqi müstəvidə könüllülük fəaliyyəti” kimi mövzularda keçirilən sessiyalarda iştirak edərək hüquqi düşüncə və rəqəmsal təhlükəsizlik barədə biliklər mənimsəyiblər. Eyni zamanda, təşkil edilən müxtəlif fəaliyyətlər – yoqa, kreativ master-klasslar, vörkşoplar, intellektual oyun, haykinq yürüşü və airsoft yarışı iştirakçıların həm əyləncəli, həm öyrədici zaman keçirməsinə şərait yaradıb. Axşam saatlarında təşkil edilən karaoke gecəsi, DJ performansları və tonqal ətrafındakı səmimi söhbətlər dostluq və komanda ruhunu daha da möhkəmləndirib. Bununla yanaşı, gənclər “Qarabağ FK – Shelbourne F.C.” futbol oyununu birgə izləyərək komandamıza dəstək nümayiş etdiriblər. Belə ki, 5 gün müddətində təşkil edilən “Ədalət və Qanun” düşərgəsi gənclər arasında hüquqi savadlılığın artırılmasına və cəmiyyətə daha məsuliyyətli vətəndaşların qazandırılmasına doğru atılmış addımlardan biri olub.

Qeyd edək ki, “Yay Fest 2025” Azərbaycan Respublikasının Gənclər Fondunun dəstəyi, “IDEA” İctimai Birliyi, Azərbaycan Tələbə Gənclər Təşkilatları İttifaqı, Azərbaycan Könüllü Təşkilatları İttifaqı, “CAVAN” Gənclər Hərəkatı və “Gənc Könüllülər” İctimai Birliyinin təşkilatçılığı ilə həyata keçirilir.

Avqustun 29-dək davam edəcək festival çərçivəsində ümumilikdə 2 mindən çox gəncin iştirakı ilə “Milli-mənəvi dəyərlər”, “Həmrəylik”, “Humanizm”, “Ədalət və Qanun”, “İnkişaf”, “Vətənpərvərlik”, “Müstəqillik tarixi” və “Qalib Diplomatiya” mövzularında mərhələli şəkildə 8 düşərgə keçiriləcək.

Gənclər http://yayfest.az/ veb-səhifəsi vasitəsilə qeydiyyatdan keçərək növbəti düşərgələrdə iştirak etmək üçün seçimlərə qatıla bilərlər. Seçimlər zamanı 18-25 yaş arası ictimai fəallığı ilə seçilən gənclərə üstünlük veriləcək.

Bütün yeniliklərdən, maraqlı və dinamik proqramdan xəbərdar olmaq üçün “Yay Fest”in Instagram (www.instagram.com/yayfest.az/) səhifəsini izləyə bilərsiniz.

Paylaş:

Baxılıb: 385 dəfə