Oliqarxların ölüm müəmması

Bakı:

17°C

67%

4m/s

Əlaqə

AZ RU EN

Ana səhifə / Xəbər lenti / Oliqarxların ölüm müəmması

Oliqarxların ölüm müəmması

25.05.2022 [10:45]

Üç ayda səkkiz rusiyalı milyonerin meyiti tapılıb

Nicat

Son günlər xarici mətbuatda rusiyalı iri iş adamlarının - oliqarxların ölümü ilə bağlı məlumatlar geniş yayılmaqdadır. İşin maraqlı tərəfi həmin biznesmenlərin ailəlikcə ölmələridir (və ya öldürülmələri). Fərziyyələr çoxdur, lakin müəmmalı ölüm faktlarının heç biri haqqında dəqiq informasiyalara rast gəlinmir. Mütəxəssislərin gəldikləri yeganə fikir ölüm hadisələrinin Rusiya-Ukrayna müharibəsinin genişlənməsi, sanksiyaların sərtləşdirilməsidir. Diqqət yetirilməli olan digər əsas məqam isə dünyasını dəyişənlərin əksəriyyətinin Rusiyanın neft-qaz sektorunda yüksək vəzifəli şəxslər olmasıdır.

Vladislav Avayev

Aprelin 18-də “Qazprombank”ın keçmiş vitse-prezidenti Vladislav Avayevin, onun həyat yoldaşı və 13 yaşlı qızının meyitləri Moskvadakı mənzillərdən birində tapılıb. Məlumatlarda bildirilir ki, Avayevin əlində silah var idi və mənzil içəridən bağlı idi. Buna görə də istintaqın ilkin versiyası Avayevin özünün həyat yoldaşını və qızını vurması, sonra intihar etməsi və bunun səbəbini qısqanclıq adlandırması idi. İddiaya görə, qadın sürücüdən hamilə qalıb və Avayev qətli qısqanclıq zəminində törədib.

Sergey Protosenya

Ertəsi gün Rusiyanın “Novatek” şirkətinin keçmiş top meneceri Sergey Protosenya da həyat yoldaşı və qızı ilə birlikdə İspaniyanın Kataloniya əyalətində ölü tapılıb. Yenə də istintaq hesab edir ki, Protosenya əvvəlcə həyat yoldaşını və qızını balta ilə qətlə yetirib, sonra isə özünü asıb. Qeyd edək ki, “Novatek” hasilat həcminə görə Rusiyanın ikinci ən böyük təbii qaz şirkətidir. 2021-ci ildə Forbes-ə görə Rusiyanın ən böyük özəl şirkətlərinin reytinqində 8-ci yeri tutub.

Leonid Şulman

Bu ilin yanvarında, Rusiya Ukraynaya hücumlara başlamazdan əvvəl dünyaca məşhur “Qazprom”un aparıcı rəhbərləri sırasında olan 60 yaşlı Leonid Şulmanın da bir ay sonra müəmmalı şəkildə intihar etdiyi açıqlanıb. Kişinin meyiti öz evinin hamamında tapılıb. Duş kabinəsinin kənarında mərhumun ayağındakı dözülməz ağrıdan şikayət etdiyi barədə qeyd var idi. Ölümü zamanı Şulman “İlizarov aparatı” taxmışdı, çünki Yeni il tətilləri zamanı Leninskinin elit kəndində ayağını sındırmışdı.

Tyulyakov

Fevralın 25-də Leninqrad vilayətinin Leninski elit kəndinin Rubinovaya küçəsində 61 yaşlı kişi evinin əlavə qarajında ölü tapılıb. Tyulyakov “Qazprom”un (şirkətin xəzinəsi) Vahid Hesablaşma Mərkəzinin baş direktorunun korporativ təhlükəsizlik üzrə müavini vəzifəsində çalışıb. Kişini partnyoru tapıb. Araşdırmadan sonra bunun intihar olduğunu dedilər. Bu kəndin ərazisi Qazprom-un yüksək rəhbərliyinin mirası hesab olunur.

Mixail Toltoşeya

Onun ölümündən cəmi üç gün sonra neft və qaz maqnatı olan 66 yaşlı Mixail Uotford İngiltərənin Surrey şəhərindəki malikanəsində asılmış vəziyyətdə tapılıb. Oliqarxın əsl adı Mixail Toltoşeyadır. O, 1955-ci ildə Ukraynada anadan olub. Qərb mətbuatının yazdığına görə, sahibkar neft və qazla sərvət qazanıb. O, 2000-ci illərin əvvəllərində Britaniyaya köçəndə soyadını dəyişib. Orada Britaniya vətəndaşlığını alıb və daşınmaz əmlak biznesi ilə məşğul olub.

Vasili Melnikov

Martın 24-də tibbi ləvazimatlar istehsal edən nəhəng “Med?tom” şirkətinin meneceri Vasili Melnikov həyat yoldaşı və uşaqları ilə birlikdə milyard dollarlıq evində ölü tapıldı və bu da intihar adlandırıldı.

Andrey Krokovski

Mayın 2-də Putinin qonaqlarını qəbul etdiyi Soçidəki xizək kurortunun direktoru Andrey Krokovskinin qayalıqdan yıxılaraq həlak olduğu bildirildi.

Aleksandr Subbotin

Ardınca başqa bir oliqarxın ölümü baş verib. Rusiyanın ikinci ən böyük neft istehsalçısı “Lukoyl”un keçmiş icraçı direktoru, 43 yaşlı milyarder Aleksandr Subbotin Rusiyanın Mıtişşi şəhərində bir şamanın evində ölü tapılıb. Bildirilib ki, Subbotin şamanın evinə “içkidən sonrakı narahatlığı müalicə etmək üçün tərkibində qurbağa zəhəri olan psixi stimullaşdırıcı” almaq məqsədilə gedib.

Amerikalı maliyyəçi və siyasi fəal Bill Brauder bu az qala mistik hadisə haqqında belə düşünür: “Əgər siz nə vaxtsa varlı bir rusiyalının şübhəli ölümü barədə eşitsəniz, ilk növbədə, ən pis versiyanı irəli sürməlisiniz.”

Brauder, öz etirafına görə, son ölümlərlə bağlı heç bir konkret hal bilməsə də, onların “bu insanların əldə etdiyi pulların bir hissəsini istəyən, lakin onları paylaşmayan birinin” qurbanı ola biləcəyini istisna etmir.

Paylaş:

Baxılıb: 461 dəfə