Asiya İnkişaf Bankı hesabat yayıb

Bakı:

25 °C

50 %

6 m/s

Əlaqə

AZ RU EN

Ana səhifə / Xəbər lenti / Asiya İnkişaf Bankı hesabat yayıb

Asiya İnkişaf Bankı hesabat yayıb

22.09.2022 [10:28]

Asiya İnkişaf Bankı (ADB) bu il Azərbaycanda inflyasiya proqnozunu artırıb, onun 11,5% olacağını proqnozlaşdırıb. Bu barədə Bankın “Asian Development Outlook” hesabatının sentyabr sayında bildirilir. Belə ki, ADB inflyasiya proqnozunu aprel göstəricisi ilə müqayisədə 4,5% bəndi artıraraq 11,5%-ə çatdırıb. Bu göstərici 2023-cü il üzrə isə 1,7% bəndi artırılaraq 7% müəyyən edilib.

Asiya İnkişaf Bankı (ADB) 2022-ci ildə Azərbaycanda ümumi daxili məhsulun (ÜDM) artım proqnozunu yaxşılaşdırıb. Məlumata görə, Bank aprel proqnozu ilə müqayisədə ÜDM-in artım proqnozunu 0,5 faiz bəndi artıraraq 4,2% müəyyən edib. 2023-cü il üzrə isə bu göstərici dəyişməyərək 2,8% saxlanılıb.

Azərbaycanda manatın məzənnəsinin sabit saxlanılması inflyasiyanın daha sürətlə artmasının qarşısını alıb. Bank bildirib ki, 2022-ci ilin birinci yarısında Azərbaycanda inflyasiya 2021-ci ilin eyni dövründəki 4,3%-dən illik 12,9%-ə yüksəlib. Qlobal ərzaq qiymətlərinin yüksək inflyasiyası da ərzaq qiymətlərini artırıb. 2021-ci ildə yanacaq və digər kommunal xidmətlər üçün tariflərin artırılması xidmət sektorunda da inflyasiyanı artırıb. Sabit məzənnə isə inflyasiyanın daha da sürətlə artmasının qarşısını alıb: “Azərbaycan Mərkəzi Bankı mart ayında faiz uçot dərəcəsini iki addımda 50 baza bəndi artıraraq 7,75%-ə yüksəldib və inflyasiya təzyiqinin azaldılması ilə bu göstəricini iyul ayına qədər saxlayıb”.

Sənəddə bildirilib ki, ilin birinci yarısında inflyasiyanın artmasını nəzərə alaraq Bank 2022-ci il üçün inflyasiya ilə bağlı proqnozunu artırıb. İdarə olunan kommunal qiymətlərin dəyişməz qalacağı gözlənildiyi üçün 2023-cü il üçün inflyasiya proqnozunu isə dəyişməz saxlayıb.

Qeyd edək ki, ADB 2022-ci ildə Azərbaycanda inflyasiyanın 11,5%, gələn il üçün 7% olacağını proqnozlaşdırıb.

Bu il Azərbaycanda cari əməliyyatlar hesabının (CƏH) profisiti ÜDM-in 26,2%-nə çatacaq. Bank cari əməliyyatlar hesabının ÜDM-də profisiti ilə bağlı 2023-ci il proqnozunu isə 16,9%-dən 21,2%-ə kimi artırıb. Sənəddə bildirilib ki, 2022-ci ilin birinci rübündə neftin qiymətinin daha da artması ilə ÜDM-in 22,4%-nə bərabər profisit əldə edilib. Daha yüksək neft qiymətləri 2022-ci ilin birinci rübündə ixracın 8,1% artması ilə ticarət profisitini 2021-ci ilin eyni dövründəki 3,1 milyard dollardan 5,4 milyard dollara yüksəldib.

“Neft qiymətlərinin yüksəlməsinin cari əməliyyatlar hesabının profisiti ilin qalan hissəsində yüksək səviyyədə saxlayacağı gözlənilir. Azərbaycan Dövlət Neft Fondunun aktivləri 2022-ci ilin birinci rübündə 0,5 faiz artaraq 45,3 milyard ABŞ dollarına çatıb ki, bu da ÜDM-in 83 faizinə bərabərdir. Bu inkişafla əlaqədar olaraq, ADB 2022 və 2023-cü illərdə cari əməliyyatlar hesabının profisitinin artacağını proqnozlaşdırır”, - deyə hesabatda qeyd edilib.

Paylaş:

Baxılıb: 625 dəfə