Heydər Əliyev
yeni azerbaycan logo

Ana səhifə / Xəbər lenti / Aşıqbayramlı gölünə bir gələn, bir də görən aşiq olur

Aşıqbayramlı gölünə bir gələn, bir də görən aşiq olur

20.07.2023 [09:49]

Bu gün İsmayıllı rayonu ərazisində İvanovka kəndi yaxınlığında yerləşən Aşıqbayramlı gölünə səyahət edəcəyik.

Adını yaxınlığındakı eyniadlı kənddən alan bu göl 1951-ci ildə istifadəyə verilib.

Bir qədər kənd haqda…

Aşıqbayramlı  kəndi   İsmayıllı-Qərəməryəm  yolunun  üstündə   Burnovuldağ  silsiləsinin  ətəyində  Dəvəbatan  çayının  sahilində  yerləşir. Elə kəndin ilk adı da Dəvəbatan olub. XIX əsrin ikinci yarısında, 1859-1864- ci illərdə   Bakı  quberniyasının  Şamaxı  qəzasında   yaşamış,  mənşəcə  indiki  Quba  rayonundakı  Hapıt  kəndindən  çıxmış  ailələrin  Dəvəbatan  kəndində  məskunlaşması  nəticəsində  yaranıb. Aşıq  Bayram  adlı  bir  şəxsə  mənsub  olan  ailələr  onun  adı  ilə  Aşıqbayramlılar  adlanıb, sonralar  bu  ad  kəndə  verilib. 1886- cı ildə  41 ailə - 354  nəfər əhali yaşayırdısa, hazırda  885 nəfər olmaqla, 222 təsərrüfat mövcuddur.

Qeyd edək ki, Aşıqbayramlı su anbarı 3 il öncə təmir-tikintidən sonra yenidən istifadəyə verilib. Bərpa işlərinə qədər  anbarın su tutumu 3.5 milyon kubmetr olub. Görülən işlər nəticəsində anbarda su tutumu artırılıb, anbarın görkəmi tamamilə dəyişdirilib.

Məftunedici mənzərə…

Şəhərin səs-küyündən və problemlərindən bir müddət uzaqlaşmaq, habelə təbiətlə baş-başa qalmaq üçün ən gözəl məkanlardan biri buradır. Bir sözlə, göl ətrafında kabab çəkmək, samovar qaynatmaq, katamaranda gəzmək üçün istənilən şərait var.

MÜŞFİQƏ

Paylaş:
Baxılıb: 767 dəfə

Xəbər lenti

Hamısına bax

Siyasət

Arxiv
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31