Canilərin həbs edilməsi beynəlxalq hüququn tələbidir

Bakı:

26 °C

69 %

5 m/s

Əlaqə

AZ RU EN

Ana səhifə / Xəbər lenti / Canilərin həbs edilməsi beynəlxalq hüququn tələbidir

Canilərin həbs edilməsi beynəlxalq hüququn tələbidir

10.10.2023 [12:15]

Canilərin həbs edilməsi beynəlxalq hüququn tələbidir

Azərbaycan Ordusu 44 günlük müharibədə göstərdiyi qəhrəmanlıqla BMT Təhlükəsizlik Şurasının qətnamələrini və beynəlxalq hüququ təkbaşına icra etdi. 44 günlük müharibədə qazanılan parlaq qələbə ilə son 30 ildə beynəlxalq hüquq və ədalət bərpa olundu. Sentyabrın 19-da Qarabağdakı qanunsuz erməni hərbi birləşmələrinə və terrorçularına qarşı başlanan və cəmi 23 saat davam edən lokal xarakterli antiterror tədbirləri ilə proses sona çatdı və Azərbaycan öz ərazi bütövlüyünü bərpa etdi. Bu‚ son 31 ilin ən əlamətdar hadisəsidir - haqq-ədalət bir daha zəfər çald, xunta çökdürüldü‚ Qarabağdakı keçmiş separatçı rejimin rəhbərləri həbs edildilər. Xüsusən, Araik Arutyunyanın həbs edilməsi tarixi ədalətin və beynəlxalq hüququn tələbi və icrasıdır.

Xunta rejimin keçmiş başçısı Araik Arutyunyan və digər separatçılar‚ beynəlxalq qanunlarla ən ağır cinayət hesab edilən hərbi cinayətlər‚ terror əməlləri törədiblər. Və separatçılar Azərbaycan qanunvericiliyi və beynəlxalq qanunlara müvafiq olaraq mühakimə edilərək ən ağır şəkildə cəzalarını alacaqlar.

Prezident İlham Əliyevin qətiyyətli və uzaqgörən siyasəti diplomatiya ilə bərabər hərb meydanında da öz sözünü deməkdədir. İlham Əliyevin uğurlu‚ prinsipial‚ uzaqgörən və praqmatik siyasəti nəticəsində Azərbaycan Ordusu daha da güclənib və hazırda regionun ən güclü ordusudur. Məhz bunun göstəricisidir ki‚ Azərbaycan Ordusu düşmən üzərində son 200 ilin parlaq qələbəsini qazanaraq möhtəşəm bir tarix yazdı.

Araik Arutyunyanın və digər cinayətkarların həbs edilməsi müstəqilik tariximizin qızıl hərflərlə yazılacaq hadisəsidir. Bu hadisə özlüyündə yeni bir tarixin və mərhələnin başlanğıcı‚ Azərbaycanın tarixi qələbəsinin rəmzidir.

Bununla da bütün mənfur düşmən qüvvələrin‚ ermənilərin bütün havadarlarının məkrli oyunları və planları alt-üst oldu, iflasa uğradı.

Müzəffər Ali Baş Komandan cənab İlham Əliyevin qətiyyətli siyasəti‚ prinsipial və əzmkar mövqeyi Azərbaycan dövlətinin gücü və qüdrəti‚ ordumuzun qəhrəmanlığı‚ təhlükəsizlik və kəşfiyyat orqanlarının çevikliyi mənfur düşmənin məkrli siyasətini bundan sonra da alt-üst edəcək.

Artıq bütün dünya başa düşməli və Azərbaycana qarşı məkrli planlar quran və anti-kampaniyalar həyata keçirən‚ avantürist qüvvələr anlamalıdır ki‚ bölgənin aparıcı ölkəsi Azərbaycandır‚ hər bir xarici dövlət və hər kəs‚ statusundan və kimliyindən asılı olmayaraq Azərbaycan dövləti ilə bu bölgədə hesablaşmalıdırlar. Fransanın‚ ermənilərin oyuncağına çevrilmiş Avropa Parlamentinin və digər ermənipərəst qüvvələrin bölgədə ermənilərin müdafiəçisi qismində görünüb əslində özlərinin qəsbkarlıq‚ talançılıq və imperialist siyasətini həyata keçirtməyə çalışaraq Azərbaycana qarşı mənfur planlar‚ kampaniyalar həyata keçirməyə çalışması heç bir nəticə verə bilməz və hər zaman iflasa uğrayacaq.

Mirsamir Məmmədov İsrail Təhlükəsizlik

Akademiyasının Qafqaz üzrə Azərbaycan

Respublikasındakı Regional Nümayəndəliyinin Direktoru

Paylaş:

Baxılıb: 794 dəfə