İrqçilik və islamofobiyanın yeni mərhələsi

Bakı:

22 °C

54 %

1 m/s

Əlaqə

AZ RU EN

Ana səhifə / Xəbər lenti / İrqçilik və islamofobiyanın yeni mərhələsi

İrqçilik və islamofobiyanın yeni mərhələsi

02.11.2023 [11:25]

Fransız xalqı Makron hakimiyyətinə qarşıdır

Günel ABBASOVA

Fransada irqçilik, islamofobiya və antisemitizmin ifrat həddə çatdığı artıq danılmaz bir faktdır. Hətta demək olar ki, irqçilik, təcavüzkarlıq, müstəmləkəçilik, Fransa dövlətinin mayasındadır, eləcə də bir çox Fransa rəhbərlərinin qanındadır. Təəssüflə qeyd etmək lazımdır ki, bu gün də köhnə ənənə davam etdirilir. Ötən günlərdə də bu xüsusda hadisələr baş verib. Belə ki, Fransa polisi hicablı qadına atəş açıb. Qadının üzərində heç bir partlayıcı maddənin aşkarlanmaması isə hadisənin digər qərəzli tərəfindən xəbər verir.

Milli Məclisin üzvü Tahir Rzayev “Yeni Azərbaycan”a açıqlamasında bildirib ki, son illərdə Azərbaycana qarşı münasibətdə də irqçilik məsələlərinin ifrat həddə çatdığını aydın görürük: “Fransa dövləti, Fransanın hakimiyyət dairələri başda Emmanuel Makron olmaqla, daimi şəkildə canilərə, terrorçulara, insan qatillərinə dəstək verdiklərini öz əməlləri ilə nümayiş etdirirlər. Əsrlər boyu Fransa əllidən çox ölkəni uzun illər özünün müstəmləkəsinə çevirib. O dövlətləri talayıb, insanların qətlinə bais olub. Milyonlarla insan bu müstəmləkəçilik siyasətindən məhrumiyyətlərə düçar olublar, öldürülüblər və bu gün də həmin siyasət yürüdülür. Hicablı qadına Fransa polisinin atəş açması məhz bu çirkin əməllərdən, məqsədlərdən qaynaqlanır. Adını demokratik dövlət qoyan, dünyada insan haqlarını dəstəkləmək şousu göstərən Fransa, əslində, antidemokratik yoldadır. Şovinist millətçi siyasəti yürüdür və həm də bu siyasəti yürüdənləri dəstəkləyir. İslami dəyərlərə, müsəlmanlara qarşı həyata keçirilən bu sui-qəsdlər, belə atəşlərin açılması, insanların təhqir olunması, Quranın yandırılması və bunun açıq şəkildə nümayişi Fransanın insanlığa, bəşəriyyətə, beynəlxalq normalara qarşı sayğısız olduğunu göstərir. Bu gün Fransanın yürütdüyü siyasət, ermənilərə silah verilməsi, 30 il təcavüzkarın tərəfində dayanması aydın göstərir ki, Fransa Cənubi Qafqazda sülhün, əmin-amanlığın, qonşu dövlətlərin birgə yaşayışının, münasibətlərinin yaxşılaşmasının tərəfdarı deyil”.

Deputat qeyd edib ki, Fransa müharibəni qızışdırmaq, insanları qarşı-qarşıya qoymaq, yeni ziddiyyətlər yaratmaq fikrindədir: “Əlbəttə ki, bu, Fransada polisin insanlara atəş açması, küçədə insanların güllələnməsi birinci hal deyil. Son aylarda Fransa küçələrində keçirilən nümayişlər, edilən çağırışlar bunu sübut edir və göstərir ki, artıq fransızlar - dinc əhali Makron siyasətindən bezib və hakimiyyətə qarşıdır. Ancaq başqa ölkələri istismar etdiyi kimi, müstəmləkə altında saxladığı kimi, bu gün Makron hakimiyyəti fransızları da güc hesabına idarə edir. Onların fikri, düşüncəsi, haqları əleyhinədir. Çünki hicablı qadına polis tərəfindən atəş açılması ilk növbədə insan haqlarının kobud şəkildə pozulmasıdır. Bu da Fransa xalqı üçün gələcəkdə yaxşı heç nə vəd etmir. Bu gün Fransada hakimiyyətdə olanların demək olar ki, reytinqi çox aşağıdır. Fransa hakimiyyəti sadəcə silah, güc və erməni lobbisinə arxalanaraq öz fəaliyyətini sürdürməkdədir. Ona görə də bu halları hər bir insan pisləyir, Fransanın tutduğu yola nifrətini bəyan edir. Ümid edirik ki, fransız xalqı bu əzablardan qurtarmaq üçün öz haqq səsini qaldıracaq. Çünki bu gün Afrika ölkələrində, Fransanın müstəmləkəçiliyi altında saxladığı bir çox ölkələrdə artıq Fransanın əleyhinə, Fransanın həmin ərazilərdən çıxarılmasına qarşı böyük nümayişlər gedir. Həmin xalqların nümayəndələri öz sözlərini deyir, qətiyyətlə mübarizələrini davam etdirirlər. Bu mənada fransızlar da bu çirkin əməllərə görə hakimiyyət orqanlarından haqq-hesab tələb etməlidirlər”.

Paylaş:

Baxılıb: 588 dəfə